Timote dɔlɔɔ 1:14 - Yálá laawoo hɛɓɛ (dc)

¹⁴ A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

Yálá laawoo hɛɓɛ

¹⁴ A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

Bible

¹⁴ Kúnuu-namui ŋɔƃɛlɛ-sêei è kɛ̀ a gɛ́tɛ ḿɛni ma da naa-lai e pɛlɛ ŋwɛli-kɛ-maai ma nyíi-ŋai díkaa Zîsɛ Kôrai kponôi.

Timote dɔlɔɔ 1:14 Referans Kwoze

Timote veelɛ 1:13

Dɛ̨ą wooɠaai ə́ mɛ̨n nái, ə́ wɔɔ yɛnɛ̨ɛ̨ kɛ pələ kɔɔn mą, laa na laa hu da wɛlikɛmąąlaa hu, Jesus Kristə laa hu.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Zɔ̂ŋ Maa-ŋuŋ 4:10

Nwɛlikɛmąą laa tii ka: Guɔ hvəə Yálá wɛlila kɛ, Yaa tii ɓə gu wɛlila kɛ, ɛlɛɛ, ə Non dɛɛ a gu wɔ nɛ̨ŋɛ̨nŋaa waa halaa hɛn.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

M̀ɛni-lɛɛi 22:21

Gu Ną́mu Jesus nwɔ nɛ̨ɛ̨laai ə kɛ nu kəlee pɔ!

Tɛsalonikə dɔlɔɔ 5:8

kɛlaa, guɔi a yələɓɔɔ lonnii, 'ká gu kɛ gili-gili, 'ká gu gu kəɠə-mɛ̨i-həɠə too, yai a laa na laa, da wɛlikɛmąą laa, ɛlɛɛ, ɓalo mɛ̨nį ŋą kilitɔɔmąą laa ə kɛ a mɔlɔ.

Gɛlaɠaa 15:11

Kɛlaa yaamun, gwaa gaa a tɛ̨ą, guɔ gu Ną́mu Jesus nwɔ mɛ̨inɛ̨ɛ̨ hu ɓə gu ɓalo laa, ə mą kɛ diɛ, kpɛli.»

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə veelɛ 4:15

Mɛ̨nįɠaai kpɔ laai kuɔ, ká mąą mɛ̨nį ɓə, nɛ̨ɛ̨laa ta yɛ pɛlɛ la mą, gbɔn ɉu yɛ kɛnɛ̨ la, ɛlɛɛ, Yálá ŋą mąąwiɛlaa hɛɠɛɛɓo woo hu yɛ wiɛ la.

Galatə 1:13

Mąąhɔlɔɓo, bələi dúwɔ́ pələ ə kɛ la Ɉuifəɠaa di wɔ kalan bələ mɛ̨i, káá ta bələ mɛ̨n. Ká gɔlɔn bələi ŋį́ kɛli gbɔn mɔ̨nɔ̨ɓo la a váŋą; gɛ́ ɉukala pələ kwɛli mą.

Timote dɔlɔɔ 2:15

Ə mą kɛ ti, gaa pai ɓaloi ŋą lon ɉɔlɔɓoɔ pɔ, a kɛ lɔ a kąnąn laa na laa ɓa, wɛlikɛmąą laa hu, da mąąhəɠə laa lɛlɛɛ.

Timote dɔlɔɔ 4:12

Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Taitɔ 2:2

Mo hulɔgoloɠaa diɛ, di kɛ a di yee pɛliɛ di koolon ma, di mąąnwumɛ̨ɛ̨, di yee pɛliɛ di kpɔwɔ ɓa mɛ̨nį kəlee hu, laa na laa mąąhəɠɛɛ ə ɓo di yəi, wɛlikɛmąąlaa hu, da kąną mąą laa hu.

Maafîu 20:9

«Nuą kɛ pa a hvóló laa kpɔlɔ ŋą, di wali kwələ tɛitɛi tɛɛ di pɔ.