Timote dɔlɔɔ 1:11 - Yálá laawoo hɛɓɛ (dc)

¹¹ Nu mąąkwɛli woo tii a kulɔ nwɛlɛɛ lɛlɛɛ hu, yai a gɛ guɔ pɛli Yálá ŋą mąąwiɛlaa kɔlɔn ɉii la, a Yaa tii gaa gu wɔɔ mɛ̨nį lɛlɛɛ pɔi, ya ɓə yili kalihvaɓo mą́ą́.

Yálá laawoo hɛɓɛ

¹¹ Nu mąąkwɛli woo tii a kulɔ nwɛlɛɛ lɛlɛɛ hu, yai a gɛ guɔ pɛli Yálá ŋą mąąwiɛlaa kɔlɔn ɉii la, a Yaa tii gaa gu wɔɔ mɛ̨nį lɛlɛɛ pɔi, ya ɓə yili kalihvaɓo mą́ą́.

Bible

¹¹ yɛ̂ɛ berei ǹûa-tɛɛ-Ɣalai ŋɔtuŋ lɛ́lɛɛi káa la nyíi folo-laa káa mai, nyíi dí ǹɛɛ ńyêei.

Timote dɔlɔɔ 1:11 Referans Kwoze

Galatə 2:7

Kɛlaa yaamun, di gaa diɛ, nwɛlɛɛ lɛlɛɛ mąąnɛ̨ɛ̨ ə həli kɛ́nɛ̨ kpolooɠaa diɛ, mąą laa aa tɛɛ bɔ́, yɛ bələi lɔ gɛ́nɛ̨lɛa di wɛi mąą laa ə tɛɛ la Piɛrə yəi;

Taitɔ 1:3

a yai, guui ə ɉee, ɲələ ə ɉəli lɔ, ə nwoo too pono ɲą, wɛlɛɛ woo hu, yai di galihvaɓo mą́ą́, yɛ bələi gu ɓalo Yálá ə kɛ la bɔ,

Timote dɔlɔɔ 6:15

guui tii ɉəɛɛ, ɲələ a pa ɉəlii, Nwun na nɛ̨ɛ̨mun, a Hééɓomun danɔ̨n gbən, tɔɔɓɛlaa di wɔɔ Tɔɔmun, a nąmuɠaa kəlee di Nąmu,

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Timote veelɛ 1:14

Mɛ̨nįi ə́ ɉɔlɔɓo Yálá yəi, 'ə́ yee kąnąn mą kpąą, Kili-Mąąhəɠɛɛi aa ɉeei kulɔ gu hu, ɉaalai.

Timote veelɛ 1:11

Ɛlɛɛ, yili mąą mɛ̨nį ɓə, ɲą́ą́ ŋɛ̨i di gɛ́ la, a kúláá, a kɛla, da mąąkwɛli kɛmun.

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Timote dɔlɔɔ 2:7

ɛlɛɛ, yili mąą mɛ̨nį ɓə, di gɛ́ la, ɲą́ą́, a kúláá da kɛla; gáá tɛ̨ą ɓoi, və́ lɛɛ kɛi, gáá a huwu takpɛliɠaa mąąkwɛlimun, laa na laa hu da tɛ̨ą.

Tɛsalonikə dɔlɔɔ 2:4

Kɛlaa, Yálá ə ku mąąkpɛɛ, yili ɓə gɛ, ə nwɛlɛɛ lɛlɛɛ kalihvaɓo kuɔ; yili mɛ̨nį ɓə ku kaa naa həlii la, ku hvo ku nɛ̨ɛ̨i kwɛlii nu kanŋaa hu, kɛlaa, Yálái ku kwəi kili mąąkpɛɛ, ya ɓə ku kaa niiɓa kwɛlii.

Kolosə 1:25

ŋą́ kɛ a ŋą tímun, yɛ bələi, Yálá ə mąą laa tɛɛ la bɔ́, ká mąą mɛ̨nį ɓa; ə gɛ, ŋą́ Yálá laa woo laa həli mɛ̨nį laa kulɔ,

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Korɛntə dɔlɔɔ 9:17

Akɛ gáá gɛi gbɔ́wɔ́ ɓa, ŋą́ li və́la mɛ̨nį ɓo, kɛlaa, akɛ di dí la, yili kaa a nwuɔ́ tiɛ̨.

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Mąątɛ̨nɛ̨ 138:2

Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ.