Tɛsalonikə dɔlɔɔ 5:24 - Yálá laawoo hɛɓɛ (dc)

²⁴ Nui ká təlii, a kulɔ nwoo ɓa, yaa lɔ ɓə nwɔ̨nɔ̨ pai gɛ-mɛ̨nį kɛi ɉu.

Yálá laawoo hɛɓɛ

²⁴ Nui ká təlii, a kulɔ nwoo ɓa, yaa lɔ ɓə nwɔ̨nɔ̨ pai gɛ-mɛ̨nį kɛi ɉu.

Bible

²⁴ Ǹúui nyíi kátolîi, zã́âi, ǹyaŋ a pâi gɛ̂i.

Tɛsalonikə dɔlɔɔ 5:24 Referans Kwoze

Tɛsalonikə veelɛ 3:3

Gu Ną́mu a kulɔ nwoo ɓa, ya ɓə pai ká hvaŋąlɔi, yɛ ká mąąkɔ̨nwɔ̨ mɛ̨nį ɲɔ̨n ɲəi.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Korɛntə dɔlɔɔ 1:9

A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Timote veelɛ 2:13

Gwa wala kulɔ gu woo ɓa, nwɛi, a kulɔ nwoo ɓa a yələ kəlee, mąąhɔlɔɓo, hva pɛli lənəi gbɔwɔ ɓa.»

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Woolaa 3:23

Di gaa lɔ a di nįnɛ̨ yələwala kəlee. Yai-Laa! Ə́ wɔ kulɔ nwoo ɓalaa hu kɛnɛ̨i

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Piɛrə veelɛ 1:3

Yiiɠaa kpɔ bɛliɛ guɔ yɛnɛ̨ɛ̨ kɛ hɛn ma, Ną́mu nwɔ huwalawala aa gəlee tɛɛ ka pɔ, guɔ kanąn Yálá ɓa laa hu, yaai gu təli, ə gɛ, gu guɔ naa hɔlɔɓo nwɔ mąąwiɛ, da nwɔ mɛ̨inɛ̨ɛ̨ hu.

Mąątɛ̨nɛ̨ 138:2

Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Korɛntə dɔlɔɔ 10:13

Ɲąąhɛn mɛ̨nįɠaai həli káá, bɛliɛi lɔ nu kanma, Yálá a kulɔ nwoo ɓa, hvo pai nɛɛi laa, di hvo ká ɲąąhɛn, hvo tɛɛ ká hvaŋą ɓa. Ɲąąhɛn mɛ̨nį a həli káá, a ká kulɔ ɉu pələ lɛ káá, a hvaŋą tɛɛ ká pɔ, káá pɛli mu.

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Lomaŋ 8:30

Nuąi ə di təli, ə gbɛa di həɠə ɉu, yiiɠaai ə di təli, ə di kɛ a tələnmo nuą, nuąi ə di kɛ a tələnmo nuą, ə mąąɲįnɛ̨n gɛ lɔ nwɔ̨nɔ̨ diɛ.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 36:5

A kɛ ɲəi gbin ɲą, mɛ̨nį ɲɔ̨n nɔ ɓə gɛ gili a too gwəi, ganąnŋąą pələ ɲɔ̨nwɔ̨ɔ̨ ɓa a wəlii kpɔlɔlaa; hva gɛ hvo ɲee kulɔ mɛ̨nį ɲɔ̨n ɉu.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Mąątɛ̨nɛ̨ 89:2

Gáá kɛi lɔ Yai-Laa nwɔ mɛ̨inɛ̨ɛ̨ɠaa tooi a wələ a yələ kəlee, gɛ ə́ wɔ tɛ̨ą mɛ̨nį hukulɔ a kwɛlan gəlee.

Lomaŋ 9:24

Hvó gaai, guɔ ɓə aa gu həɠə ɉu, Ɉuifəɠaa da huwu takpɛliɠaa di lɔwai.

Azaya 37:32

Mąąhɔlɔɓo, nu kpəli kaa pai hɔlɔɓoi Ɉerusalɛmə, nuą kaa pai kulɔi Siɔn yee nwuɔ̨. Mɛ̨nį Kəlee ŋą Hééɓomun Yai-Laa nwɔ wɛlikɛmąąlaa ɓə pai mɛ̨nįi tii kɛi.

Mąątɛ̨nɛ̨ 40:10

Ŋą́ ə́ wɔ tələnmolaa hukulɔ ɲąąkpɔn gɛnɛ̨ɛ̨ hu, Yai-Laa, gbaɠala kaa yɛ́, vá pɛli náá pilɛi.

Tɛsalonikə veelɛ 2:14

Yili ɓə ə ká təli mą, nwɛlɛɛ lɛlɛɛ ŋɛ̨i ku naa həli káá, ɉaalai, káá pɛli ká wɔɔ nąą hɔlɔɓoi gu Ną́mu Jesus Kristə nwɔ mąąwiɛlaa hu.

Mąątɛ̨nɛ̨ 92:2

Mɛ̨nį ɲąąnɛ̨ɛ̨ ɓaa a Yai-Laa laa tɛ mɛ̨nį, ɛlɛɛ, guɔi Ə́ laa toɔ a wələ ɲąąnɛ̨ɛ̨ ɓə tai, Hɛn Gəlee Mɛ̨imun Yálá!

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Mąątɛ̨nɛ̨ 146:6

Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.

Mąątɛ̨nɛ̨ 100:5

Mąąhɔlɔɓo, Yai-Laa nwɔ mɛ̨nį lɛlɛɛ ɓə, nwɔ wɛlikɛmąąlaa ɲɛ̨n deei hvo mą, Gaa a tɛ̨ą, a kwɛlan gəlee da nwɔɔ!

Tɔɔɓɛlaa veelɛ 19:31

Mąąhɔlɔɓo, nu kpəli wolo kaa pai lɛɛi Ɉerusalɛmə daai, nu kpəli ə lɛɛ yiiɠaa da kulɔ gɔ́ hu Siɔn yee ɓa. «Yai-Laa nwɔ tələnmolaa ɓə pai yili kɛi tii.