Tɛsalonikə dɔlɔɔ 5:16 - Yálá laawoo hɛɓɛ (dc)

¹⁶ 'Ká kɛ lɔ a ká kwəinɛ̨ɛ̨ a yələ kəlee;

Yálá laawoo hɛɓɛ

¹⁶ 'Ká kɛ lɔ a ká kwəinɛ̨ɛ̨ a yələ kəlee;

Bible

¹⁶ Ka lii-nɛ̃ɛ kula a ɣele kélee,

Tɛsalonikə dɔlɔɔ 5:16 Referans Kwoze

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Ɉaan 6:34

Nąąlɔwai nuą tii diɛ mą: «Ku nąmu, kɛ lɔ gɔ̨nɔ̨n yili tɛɛi ku pɔ a yələ kəlee.»