Bib sou entènèt

Paj dakèy
Bib sou entènèt
Tɛsalonikə dɔlɔɔ 5:15

Tɛsalonikə dɔlɔɔ 5:15 - Yálá laawoo hɛɓɛ (dc)

¹⁵ Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Gade chapit la Kopi

Yálá laawoo hɛɓɛ

¹⁵ Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Gade chapit la Kopi

Bible

¹⁵ Ka gáa a gɛ́ɛ káfe mɛni nyɔ́mɔɔ gba kula a mɛni nyɔ́mɔɔ, kɛ́lɛ, ka kɔ́ a tãi kélee a gɛ́ɛ ka mɛni lɛ́lɛɛ kɛ́ a kákîe-ni da núu kélee.

Gade chapit la Kopi

tounen moute ⬆

Tɛsalonikə dɔlɔɔ 5:15
39 Referans Kwoze

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Timote veelɛ 2:24

Yaan, gu Nąmu ŋą tímun, mąą hvo nɛ̨ɛ̨li a hvaa kɛmun, kɛlaa nu kəlee wɛli ə kɛ mą, bɛliɛ nuą mąąkwɛlii, niikpəlɛɛ nuą woo mu.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Mąątɛ̨nɛ̨ 38:20

Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Ifisiɛŋ 5:15

'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Korɛntə dɔlɔɔ 14:1

'Ká wɛlikɛmąąlaa kwɛli, Kili yəi mɛ̨inɛ̨ɛ̨ɠaa mąą lii ə too ká kwəi; gəlee ə mą kɛ, Yálá kwəi mɛ̨nį hukulaa.

Korɛntə dɔlɔɔ 6:7

Ə kɛ a pələ lɔpee gəlee, nwumɛ̨ mɛ̨nį ɓaa, kiti yɛ ɓo ká lɔwai. Lə mɛ̨nį ɓa ka hva pɛli ka liikpələi ka ɓɛlan da hɔn mu? Lə mɛ̨nį ɓa, ka hva nɛɛ laa di hvo ká mąąkpoloon?

Lomaŋ 14:19

Yili ɓə gaa mą, ká gu liilaa hee pələ kwɛli gu kee lɔwai.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Maafîu 5:39

Kɛlaa, nwɛ́i gáá moi kaa, nui a mɛ̨nį ɲɔ̨n gɛ a kaa, ka hvo ka nwąną kulɔ mą. Nu a ə́ ɓa-mįi-yee wəli lɔwa, kɔ́ɓɛyee wəli tinɛ̨n ə nowa.

Hanwon 25:21

Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá laɠi tɛɛ bɔ.

Hanwon 24:29

'Hvó kɛ mą: «Bələi tii ə gɛ la a ɲą́ą́, bələ ɓə gáá gɛi la a yaa. Bələi tii dúwɔ́ pələ kaa la, bələ ɓə gáá gwələ kulɔi la.»

Hanwon 24:17

Ə́ yowo a too, ə́ kwəi hvo nɛ̨ɛ̨. A gɔwɔ tuwɔ, 'hvó pili yələi a kwəinɛ̨ɛ̨.

Hanwon 20:22

'Hvó kɛ diɛ: «Mɛ̨ni ɲɔ̨n di naa mą́ą́, gáá gwələ kulɔi.» Ə́ kilitɔɔ lɔ Yai-Laa ɓa, gaa pai ə́ ɓaloi.

Mąątɛ̨nɛ̨ 7:4

Yai-Laa, nwɔ́ Yálá, a kɛ kpɔ ŋį́ túwɔ a ɲɔ̨nwɔ̨ɔ̨, a kɛ kpɔ ŋį́ ɲə́ə́ lɔ hvulu mɛ̨nį hu,

Samuɛlə dɔlɔɔ 24:13

Gɛ́ Yai-Laa ə gwa yɛ́ gu lɔwai mɛ̨nį hutɔɔ. Yai-Laa ə nwą́ną kulɔ yɛ́. Kɛlaa, və́ pai ɲéé tunwɔ̨n ɉii yɛ́.

Dutɛrɔnome 16:20

Ka hvilɛn tɛ̨ąą pulu, ka gɛ tii, ka lɛɛ yɛnɛ̨ɛ̨, ɛlɛɛ, nɔi ŋɛ̨i Yai-Laa ka wɔ Yálá ə dɛɛ ka pɔ, kaa nąą hɔlɔɓo.

Zɛnɛse 45:24

Ə mo niɛni diɛ, yɛ diɛ: «'Ka hvo hvaa kɛ bələi.» Ə tee diɛ, di li.

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Korɛntə dɔlɔɔ 16:10

Timote a pa laa, ka ká yee hee mu a nɛlɛɛ, mąąhɔlɔɓo, kwa yaa ɓə ku kaa Ną́mu nwɔ kólói ɓa kuɔ gɛ.

M̀ɛni-lɛɛi 22:9

Kɛlaa, yɛ mą́ą́: «'Hvó kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii a Yálá kwəi mɛ̨nį hukulɔ nuą di mąą mɛ̨nį ɓa, ɛlɛɛ, da nuąi da di yee kąnąn ɉɛɓɛ́i ŋɛ̨i hu wooɠaa diɛ. Yálá ɓə mąąnɛ̨ɛ̨i di gwɛli hvilɛn mą.»

Hanwon 17:13

Nui a mɛ̨nį lɛlɛɛ kwələ kulɔ a mɛ̨nį ɲɔ̨nwɔ̨ɔ̨, mɛ̨nį ɲąąnwąnąą hva tee ɲəi bɛlɛ́n.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

Tɛsalonikə dɔlɔɔ 5:21

'ká gəlee hukpɛ a kili, yii nɛlɛɛ, 'ká ká yee kanąn mą;

Gɛlaɠaa 16:28

Kɛlaa, Polə ə tomą kpɔ mɛ̨i a nwoo kɛnɛ̨, yɛ mą: «Hvó kɛ ə́ kaa mɛ̨nį ta kɛ a ə́ kpɔwɔ, ku kəlee ku kaa ɓɛ.»

Swiv nou:

Lyen patwone

Piblisite

Piblisite