Tɛsalonikə dɔlɔɔ 5:13 - Yálá laawoo hɛɓɛ (dc)

¹³ 'ká di ɓɛlɛlɔ kpɔ kɛnɛ̨ di kɛ kóló mąą mɛ̨nį ɓa. 'Ká ɲɛnɛ̨ɛ̨ kɛ a liilaa ká diɛni ká kee lɔwai.

Yálá laawoo hɛɓɛ

¹³ 'ká di ɓɛlɛlɔ kpɔ kɛnɛ̨ di kɛ kóló mąą mɛ̨nį ɓa. 'Ká ɲɛnɛ̨ɛ̨ kɛ a liilaa ká diɛni ká kee lɔwai.

Bible

¹³ Ka ƃaa kɛ́-maa tɛ́ɛ dípɔ a zu kɛ́tɛ wɛli-kɛ-maa su dítii mɛni ma. Ka kɛ́ lii-sêe su kákîe-ni sama.

Tɛsalonikə dɔlɔɔ 5:13 Referans Kwoze

Markə 9:50

«Kpolo kaa a hɛn nɛlɛɛ, kɛlaa, kpolo leen a kpɛɛ mą, lə ɓə da pɛli neen gɛi la mą? Mąąnɛ̨ɛ̨ ka kɛ pələ a kɛ yɛ kpolo. 'Ka nɛ̨ɛ̨ a ka kee, liilaa ə kɛ ka lɔwai.»

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Zĩi 3:18

Tələnmo laa ɓá a hin liilaa hu, nuąi liilaa kwɛli di yəi.

Ifisiɛŋ 4:3

'Ká tɔɔ a ká nwąnąi, ka kɛ ɉu tanɔ̨n Kili-Mąąhəɠɛɛi gaa ká lɔwai, ká ká yee kanąn mą, yai, ɉɛ̨ą yili yɛli ɓaa a liilaa.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Ɉaan 15:17

Yii gáá ka tíi la, ya ɓaa: ka ka keeni wɛli la kɛ.

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.

Galatə 4:14

Ɛlɛɛ, gbínį ə kɛ kpɔ a hɛn mąąɲɔwɔ, yili hvo ká mąąɲɔw li, hvo ɲįnɛ̨-ɲįnɛ̨n doo li ká hu, kɛlaa káámun, ká ká yee hee mú, yɛ Yálá ŋą malaka ta, yɛ Jesus Kristə.

Maafîu 10:40

«Nui a ɲee hee ka mu, a kɛ tii, mąą nu aa ɲee hee mú. Nui yaan a ɲee hee múi, a kɛ tii, aa ɲee hee nui dɔ́ɔ́ mu.

Zɛnɛse 45:24

Ə mo niɛni diɛ, yɛ diɛ: «'Ka hvo hvaa kɛ bələi.» Ə tee diɛ, di li.

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.