Tɛsalonikə dɔlɔɔ 4:13 - Yálá laawoo hɛɓɛ (dc)

¹³ Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.

Yálá laawoo hɛɓɛ

¹³ Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.

Bible

¹³ Kɛ́lɛ, ŋánûa, kúfa pɔ̂ri kálɛɛ̂i a káƃoɔɔ diai mɛni ma da wɔ́lɔ saai, a gɛ́ɛ káfe wɔlɔ yɛ̂ɛ berei ǹúu kpeli-ŋai da gɛ̀ lai, diai kili-kɛ-zu fe díyêei.

Tɛsalonikə dɔlɔɔ 4:13 Referans Kwoze

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Tɛsalonikə dɔlɔɔ 5:10

ə haa gu mąą mɛ̨nį ɓa, əgɛ, gu kɛ yíi-o, gu kɛ a ɲɛ̨i-o, guɔ yɛnɛ̨ɛ̨ kɛ a ɲiliɛ mą.

Tɛsalonikə dɔlɔɔ 4:15

Mɛ̨nįi kuɔ ku mo káa, yɛ kulɔ gu Ną́mu hvaa woo hu, ya ka: Guɔ pai lɛɛ a gu hvulú, gu Nąmu pa yələ yɛ həli, gu hvo pai tɛɛi nuąi daa haa di tɔwɔ.

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Piɛrə veelɛ 3:4

Di kaa pai kɛi kaa: «Jesus ə kɛ kaa: ‹Gáá pai›; kɛlɛi? Akɛti, ə wɔɔ kɛa aa pa? Mąąhɔlɔɓo, ku nąnni diɛ kpɔ wɔlɔ haa, mɛ̨nį kəlee kaa lɔ ni a gɛ pələ, yɛ pələi wɔlɔ yɛnɛ̨ɛ̨ ə gɔwɔ tɔɔ la.»

Korɛntə dɔlɔɔ 15:6

Yili pulu, ə gbɔwɔ lɛ nąn nonnii nwun nɔɔli ɓa a gii, mɔlɔɓɛlaa kaa ni yɛnɛ̨ɛ̨, ɛlɛɛ, daɠaa daa haa.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Korɛntə veelɛ 1:8

Mąąhɔlɔɓo, nąn nonnii, ku hvo bɔ, ká hvo kɛ kwəi pilimąą hu, mɔ̨nɔ̨ɠaai ku mįi Asi lɔi hu, di nwiɛ pələ kuɔ, ɉee pələ ku hu, vaŋą kɛnɛ̨ pələ ə tɛɛ kuɔ, ku kili hvo kɛ mą, kuɔ kwa lɛɛ kɛ yɛnɛ̨ɛ̨.

Korɛntə dɔlɔɔ 10:1

Ną́n nonnii, və́ bɔ, və́ ká lɛɛ ká tɛŋíi, gu nąnni kəlee di kɛ dulɔ kpinįn mu, di kəlee di gbaloyá teen,

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Ɉaan 11:24

Martə ə nwoo pulu pənə yɛ mą: «Gílí kaa ɉu, gɛ́, yɛnɛ̨ɛ̨ ŋąąkpɛɛi lɔwai, haaɓɛlaa da di muhəɠə, gaa pai muhəɠəi yaa kpɛli.»

Piɛrə veelɛ 3:8

Nwɛ́li kɛ mąą nuą, mɛ̨nį tɔ̨nɔ̨ ɓə gaa ɉu, yii mąą hvo nɛ̨ɛ̨li ka hvo lɛ̨ą ma, ya ɓaa: Ną́mu Yálá ɲɛ̨i ɓa, hvóló tɔ̨nɔ̨ kaa a kwɛlan nwaa tɔ̨nɔ̨, kwɛlan nwaa tɔ̨nɔ̨ yɛ ɓo a hvóló tɔ̨nɔ̨.

Gɛlaɠaa 8:2

Nuąi kɛi ɲɔw Yálá ɓa, di Etiɛnə powa həɠə di noo, di ɉaa wɔlɔ ɓo kpɔ kɛnɛ̨.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.

Tɔɔɓɛlaa dɔlɔɔ 1:21

Ɓɛlɔwai nwɔ́ mɛ̨nį nąmu tɔɔmun gaa pai laai la nąnni kwɛlɛ, ɲą́ą́ kwa nón Salomɔn ku kaa pai kɛi yɛ hɔn mąą nuą.»

Levetekɔ 19:28

'Ka hvo ka kpɔwɔ mąą nwąną haa mɛ̨nį hu, 'ka hvo nu ta pɔlɔn baa. Ɲą́ą́ ɓə gáá a Yai-Laa.

Maafîu 27:52

Kámą tamąą laa yɛ ɓo, Yálá nwɔ nuą mąąhəɠɛɛɠaa tamąą di nwun di kulɔ haa yəi

Korɛntə dɔlɔɔ 12:1

Yii hvilɛn na Kilii yəi mɛ̨inɛ̨ɛ̨ɠaa diɛ, ną́n nonnii, və́ bɔ ka hvo lɛɛ ká tɛɠii yili hu.

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Tɛsalonikə dɔlɔɔ 4:14

Yii kani gu laai na guɔ, Jesus ə haa, ə nwun, bələ lɔ ɓə gaa la, nuąi daa haa, Jesus mąą mɛ̨nį ɓa, Yálá kaa pai di nwun ɉii Jesus hu, ə pa a diɛ.

Tɛsalonikə dɔlɔɔ 5:6

Yili ɓa, ká gu hvo yíi yɛ nu takpɛliɠaa, kɛlaa, 'ká gu kɛ a gu ɲɛ̨i, gu kɛ gili-gili.

Levetekɔ 21:2

Kɛlaa, akɛ a gbinį ɓa mun da, bowai tii, ə kɛ a nee, ə kɛ a nąn, ə kɛ a non ɉulɔnu, a wala kɛ tii, non nɛ̨ɛ̨nu, ə kɛ nwɔ̨nɔ̨ a nąn non ɉulɔnu ta,