Tɛsalonikə dɔlɔɔ 3:13 - Yálá laawoo hɛɓɛ (dc)

¹³ Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Yálá laawoo hɛɓɛ

¹³ Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Bible

¹³ a gɛ́ɛ é kálii su kpanaŋ kámaa e waa kásɔŋ fè kɛ̀ kâa Kúnâŋ Ɣâla ŋɛi a tãi Kúnuu-namui Zîsɛ da ŋɔnûai da kɛ̂ pâi lai.

Tɛsalonikə dɔlɔɔ 3:13 Referans Kwoze

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Kolosə 1:22

Ya ka kɛa yiihu, Yálá aa ká diɛni ká yee lɔ gee hu, a non gulɔi ə mo a hálaa, ɉáálai; káá pɛli kɛi la a nu mąąhəɠɛɛɠaa ɲɛ̨i mu, ká mąąkulɔi hva kɛ káá, hɛn da hva pɛli kɔ́ pɛlɛi káá.

Ifisiɛŋ 5:27

Bələ ɓə ə kɛ la tii bɔ, ə dɔɔ gbɔwɔ kpinįi liila, mąąhəɠɛɛ, ɲɔ̨n ɉii da mąąkulɔi lɔpee ta hva kɛ mą ɲɛ̨i ɓa. Bələ ɓə ə kɛ la bɔ, nwɔ kpɔn ə kɛ a mąąhəɠɛɛ kiliin ɉii ɲɔ̨nwɔ̨ɔ̨ hva kɛ mą.

Tɛsalonikə dɔlɔɔ 2:19

Yili ɓa, ku wɔɔ kilitɔɔmąą laa ɓaa a lə? Lə ɓə a ku wɔɔ kwəinɛ̨ɛ̨? Ku kpɔwɔ ɲąą kɛnɛ̨ mɛ̨nįi a ku nwuɔ̨ ɓɔlɔ, gu Nąmu Jesus ɲɛ̨i ɓa, a ba yələ, ya ɓaa a lə? Kɛlɛi káá ɓə!

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Tɛsalonikə dɔlɔɔ 4:15

Mɛ̨nįi kuɔ ku mo káa, yɛ kulɔ gu Ną́mu hvaa woo hu, ya ka: Guɔ pai lɛɛ a gu hvulú, gu Nąmu pa yələ yɛ həli, gu hvo pai tɛɛi nuąi daa haa di tɔwɔ.

Tɛsalonikə dɔlɔɔ 3:11

Yálá kpinįi, gu Ną́n, ɛlɛɛ, gu Ną́mu Jesus di pələ kulɔ a kuɔ, ku pa ká pɔ.

Filipə 1:10

káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Tɛsalonikə veelɛ 2:1

Yii hvilɛn na gu Nąmu Jesus Kristə ŋą yələi ɓa, da gu ɲąąkpɔn mɛ̨nį gwɛlɛ, ną́n nonnii, yii ku kaa vɛlii káá ya ka:

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

Lomaŋ 16:25

Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Lomaŋ 14:4

Gbɛɛ ɓaa a yɛ́, yai, nui hvo a yɛ́ tímun, yɛ́ giti tee? Ə tɔɔ-o, ə too-o; ə́ wɔɔ lə mɛ̨nį ɓə ɉu? Da Ną́mu di lɔwai li. Ɛlɛɛ, ɲee kaa pai lɔi, mąąhɔlɔɓo, hvaŋą kaa gu Nąmu yəi, yɛ dɛɛ bɔ.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Korɛntə dɔlɔɔ 15:23

kɛlaa, nu kəlee da dɔɔi: Kristə ɓə tɔwɔ, a həɠə laa, nuąi di kaa Kristə yeekɔnma.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə dɔlɔɔ 4:17

yili pulu, guɔi gwa lɛɛ a gu hvulú, gwa diɛni gwa gu nuhəɠə, gu tɛ túlɔ́ kpinįnŋaa mɛ̨i, gu Nąmu laakwiɛn ɉii, hvaŋą hu, yili pulu gwa lɛɛ laa kɛa gu Nąmu kwɛlɛ a yələ kəlee.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Zĩi 5:8

Káá kpɛlimąn, ká ká liikpələ, ká tɔɔ a nwalawalaa, mąąhɔlɔɓo, gu Nąmu pai lɔwai mąą aa kpuwɔ.