Tɛsalonikə dɔlɔɔ 2:8 - Yálá laawoo hɛɓɛ (dc)

⁸ Ká wɛli kɛ bələi tii kuɔ ɓə gɛ, ku hɛ̨ąyiliɛ kpɔ kɛ, ku Yálá nwɔ nwɛlɛɛ lɛlɛɛ laa həli káá, ə mą nwɔ̨nɔ̨ kɛ, ku wɔ yɛnɛ̨ɛ̨ ɓə, ku dɛɛ, gbala ə tɔɔ ká mąą mɛ̨nį nwąnąąi kuɔ kpɔ tii kɛnɛ̨.

Yálá laawoo hɛɓɛ

⁸ Ká wɛli kɛ bələi tii kuɔ ɓə gɛ, ku hɛ̨ąyiliɛ kpɔ kɛ, ku Yálá nwɔ nwɛlɛɛ lɛlɛɛ laa həli káá, ə mą nwɔ̨nɔ̨ kɛ, ku wɔ yɛnɛ̨ɛ̨ ɓə, ku dɛɛ, gbala ə tɔɔ ká mąą mɛ̨nį nwąnąąi kuɔ kpɔ tii kɛnɛ̨.

Bible

⁸ Mɛni ma ku káwɛ̀li kpɔ́ a dámaa, mɛni ƃe kúfe Ɣâla ŋɔtuŋ lɛ́lɛɛi tɛɛ ni la nɔ́ kápɔ, kɛ́lɛ, ku ku-kpîŋ tɛ̀ɛ máŋ kápɔ, kpɛ́ni fêi, ká kɛ̀ a kúwɛli-kɛ-maa-ƃela kpanaŋɔɔ-ŋa.

Tɛsalonikə dɔlɔɔ 2:8 Referans Kwoze

Zɔ̂ŋ Maa-ŋuŋ 3:16

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Filipə 4:1

Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Filemɔn 1:1

Ɲą́ą́ Polə, ɲą́ą́ ŋɛ̨i gaho ŋą Jesus Kristə laa mąą mɛ̨nį ɓa, kwa Timote ɓə ɉɛɓɛ́ ŋɛ̨i tɛɛi Filemɔn ɓa, diɛi kwa diɛni ku kaa díɓo tɔ̨nɔ̨i ŋɛ̨i ɓa.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Kolosə 1:7

yɛ bələi Epafrasə ə ká mąąkwɛli la, yai a gu ɓɛlan, a gu hiɛgee pulu, a Kristə ŋą timun dələnmoɔ,

Filipə 2:20

Nui lɔpee ta hvo ɲə́i, kwá yaa kuɔ ká mąą liihɛlɛn ɉee a neelee, ə kulɔ lɔ Timote yaa tɔ̨nɔ̨ gbən bulu.

Lomaŋ 15:29

Gíli kaa ɉu gɛ́, ŋą́ kɛli pa ka pɔɔli, Kristə nwɔ lúwɔ́ a lɛɛ ɲə́i kɛnɛ̨, ŋą́ paa la.

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Filipə 1:8

A tɛ̨ą, nwɛlikɛmąą laaii gaa ɲə́i Kristə laa hu ka mąą mɛ̨nį ɓa, Yálá ɓə a gɛla.

Lukə 7:2

Romə holahi nwun nąmu ta, koló kɛmun da ə kɛ ɲəi, nwɛli yɛ ɓo kpɔ ma kɛnɛ̨. Góló kɛmun tii kɔ́lɔi hvo kɛ pono li. Ɲɔn ɉiɛ kpɔ kɛ ɉu kɛnɛ̨, yɛ kɛ ə baa.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.