Tɛsalonikə dɔlɔɔ 2:6 - Yálá laawoo hɛɓɛ (dc)

⁶ Ɛlɛɛ, ku hvo ku mąątɛ̨nɛ̨i kwɛlii, ə kɛ ká yəi, ə kɛ a nu takpɛli yəi.

Yálá laawoo hɛɓɛ

⁶ Ɛlɛɛ, ku hvo ku mąątɛ̨nɛ̨i kwɛlii, ə kɛ ká yəi, ə kɛ a nu takpɛli yəi.

Bible

⁶ kúfe laa-maa-tɛ kɔri ni núu-kpune yêei, káyêei, kpaa máŋ núu da kpɛni-ŋa, berei máŋ kûi pɔ̂ri tɔɔ̂i la kútɔ̃yâi mɛni ma yɛ̂ɛ Kôrai ŋɔsia-ƃelai.

Tɛsalonikə dɔlɔɔ 2:6 Referans Kwoze

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Tɛsalonikə dɔlɔɔ 2:9

Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Ɉaan 5:41

«Nwɛ́i vá ɲɛ̨́i pono mɛ̨nį kwɛli nu yəi.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Galatə 5:26

Mąą hvo nɛ̨ɛ̨li 'gu hvo gu kpɔwɔ ɲąąkɛnɛ̨, gu hvo gu liiŋąnwąną gu kee pɔ, gu hvo gu keeni ɲɛ̨ikɔw kpɔlu.

Korɛntə veelɛ 13:10

Yili mąą mɛ̨nį ɓə gɛi, ŋį́ mą kɛ kwɛaa la nwɔ̨nɔ̨ gɛ́ ɉɛɓɛ́i ŋɛ̨i tɛɛ la káá, ŋą́ pa kɛa kɛi ká lɔwai, və́ pa ká hon a nwalawalaa yɛ bələi gu Nąmu ə yili mąąlaa tɛɛ la bɔ́, a ká tɛ mɛ̨nį tɔwɔ, hvo kɛ a ká kala mɛ̨nį.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Korɛntə dɔlɔɔ 11:9

Yálá hvo kɛ hulɔnu pɛli li nɛ̨ɛ̨nu mąą mɛ̨nį ɓa, kɛlaa, nɛ̨ɛ̨nu ɓə Yálá ə bɛli hulɔnu mąą mɛ̨nį ɓa.

Ɉaan 12:43

Nuą tii di wɛi, mąąwiɛlaai a həɠə nuą pɔ, ya ɓə di kɛi gwɛli, ə tɛɛ yii a həɠə Yálá yəi mą.

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Hanwon 25:27

Kwɛ̨n nwulɔ kɔ̨mɔ̨ɔ̨ dɛɛ ɲɛn ɉu, hvo lɛlɛ li. Ɓɛlɛ mɛ̨nį hvaa, nu ɓɛlɛmąą yɛ gbɔwɔ ɓɛlɛ kwɛli.

Galatə 6:13

Nuąi ti di kpɔwɔ heei kɛ́nɛ̨ ɓa, di hva dɔ́n nwoo pɔ yíiɓo diɛ kpinįi, di kaa bɔ di ká hee kɛ́nɛ̨ ɓa, ə gɛ, di di kpɔwɔ ɲąą kɛnɛ̨ la ká mąą mɛ̨nį hu, diɛ kɛ mą: kuɔ ɓə di hee kɛ́nɛ̨ ɓa.