Tɛsalonikə dɔlɔɔ 2:10 - Yálá laawoo hɛɓɛ (dc)

¹⁰ Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Yálá laawoo hɛɓɛ

¹⁰ Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Bible

¹⁰ Kákaa a sere-ŋa, Ɣâla máŋ kɛ́ ƃo a sere a gɛ́ɛ kútûa-perei è kɛ̀ a maa waa tɔ̃yâ-pere su kúsɔŋ fe kua káai a ǹaa-la-ƃelai kásama;

Tɛsalonikə dɔlɔɔ 2:10 Referans Kwoze

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

Tɛsalonikə dɔlɔɔ 1:5

Gbala ə tɔɔ, nwɛlɛɛ lɛlɛɛi ku naa həlii, hvo kɛ pa li ká pɔ, a woo kpɛli-kpɛli, kɛlaa ə kɛ a huwalawalalaa, a Kili-Mąąhəɠɛɛ kɛ mɛ̨nį, naa kulaa kpɔ a neelee. Ɛlɛɛ, bələ kpɔ ɓə ə kɛ la, káá kpinįi ká kilaa ponoɔi tii ɉu, yili ə həli tii kuɔ ká pɔɔli, ká mąą mɛ̨nį ɓa.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Timote veelɛ 3:10

Kɛlaa ə́ wɛi, ə́ kɛ bɔ́ gɛ́ nuą mąąkwɛli a mɛ̨nįɠaa, dúwɔ́ pələɠaa hu, nwɔ́ kiliŋąhiɛɠaa hu, nwɔ́ laa na laa, nwɔ́ liikpələ laa hu, nwɔ́ wɛlikɛmąąlaa hu, nwɔ́ tɔɔ a nwąnąi laa hu,

Gɛlaɠaa 20:18

Ɓɛlɔwai yiliɠaai di paa la, ə mo diɛ, yɛ diɛ: «Gu kɛɛ ɓɛ gu kee ɓa, bələi ŋį́ túwɔ́ la, ə gɔwɔ tɔɔ volói ŋį́ lɔ la ɓɛ Asi lɔi hu, ka gbaɠala kɔ́lɔn.

Timote dɔlɔɔ 4:12

Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Tɛsalonikə veelɛ 3:7

Ká wɛi, bələi mąąnɛ̨ɛ̨ ká ku pɔɔ kɔɔn na, káá kpinįi ká gɔlɔn. Ku hvo kɛ ku wɔɔ yɛnɛ̨ɛ̨ kɛ li yɔhɔ-yɔhɔ ká lɔwai;

Tɛsalonikə dɔlɔɔ 2:5

Yili ɓə gɛ, ku hvo gɛ li a gbąnąlaa woo, káá kpinįi ká kili kaa tii ɉu, tɔlɔ kwɛli kili hvo kɛli kuɔ, Yálá kpinįi kaa a gɛla.

Korɛntə veelɛ 11:11

Lə mɛ̨nį ɓa? Akɛ tii, ká wɛli ɓə mɔ̨ɔ̨ hvo mą́ą́? Yálá ɓə gbaɠala kaa mą!

Korɛntə veelɛ 7:2

'Ká ká yee hee ku mu ká lii hu pələ; ku hvo nu ta hvulu li mɛ̨nįi lɔpee ta hu, ku hvo nu ta too li, ku hvo nu ta yəi mįi li.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Gɛlaɠaa 20:26

Yili ɓə gaa mą, gáá háákələi moi káá gɛ́ káá: Ka tɔ̨nɔ̨ kpɛli nwun na pili nwulu hvo nwúɔ.

Ɉeremi 18:20

Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.

Lonon mo 16:15

Moisə lii ə holi kpɔ kɛnɛ̨, yɛ Yai-Laa ɓa: «Hvó ə́ yee hee di wɔ kɔ́ɓo hɛn mu. Və́ ta kpɛli hoohvaalən gulɔ li di yəi, və́ ta hvulu mɛ̨nį kɛ li a di ta.»

Korɛntə veelɛ 11:31

Yálá, gu Nąmu Jesus Nąn, yai lúwɔ́ kaa mą a yələ kəlee, ə gɔlɔn yɛ və́ lɛɛ kɛi.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Lukə 23:41

mɔ̨nɔ̨i ŋɛ̨i gu kaa mįi gu nu hveelɛ, gu kaa mįi, guɔ túwɔ́ pələ ɲɔ̨n vɛla li, kɛlaa, nwɛi, hvo kɛ mɛ̨nį ɲɔ̨n nɔpee ta kɛ li.»