Tɛsalonikə dɔlɔɔ 1:10 - Yálá laawoo hɛɓɛ (dc)

¹⁰ ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Yálá laawoo hɛɓɛ

¹⁰ ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Bible

¹⁰ e pɛlɛ berei ma ka Ǹóŋ maa kpɛ̂ŋ la nyíi kùla Ɣâla-taai. Ɣâla e m̀u siɣe saa yêei. Gáa a Zîsɛ nyíi kúkùla Ɣâla ŋɔlii-ŋwanai su nyíi pâi.

Tɛsalonikə dɔlɔɔ 1:10 Referans Kwoze

Tɛsalonikə dɔlɔɔ 5:9

Mąąhɔlɔɓo, Yálá hvo ŋą lííholi hee li gu tɔwɔ, kɛlaa gu ɓalo mɛ̨nį hɔlɔɓo gu Nąmu Jesus Kristə háálai;

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Lukə 3:7

Nu kpulu kɛnɛ̨ ə kɛi pai Ɉaan pɔ, əgɛ, ə di mąąwaa. Ɉaan ə kɛi mo diɛ, yɛ kɛ diɛ: «Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo kwəi lonni, gbɛɛ ɓə kɛ kaa ka pu ka həɠə Yálá nwɔ liiɲąnwanąąi ŋɛ̨i pai dɔwɔ?

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Gɛlaɠaa 1:11

di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Korɛntə dɔlɔɔ 1:7

Yili ɓa tii, Yálá nwɔ mɛ̨inɛ̨ɛ̨ lɔpee ta hvo lɛɛ li pulu ká yəi, a káá ŋɛ̨i ká ɲɛ̨i kaa gu Ną́mu Jesus Kristə pa yələ tɔwɔi.

Hebreu 10:27

Kɛlaa, yii lɔ a kɛ laa, ya ɓaa, kítí wala wala da nwɔn gbɔlu yɛhɛ yɛhɛi, gaa nuąi daa di kwɛli tee, di mąą kpɔn ɉii.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Filipə 3:20

Kɛlaa gu wɛi, gu kaa a yələkɔlɔn ɉu hee ɓo nuą, gu kaa ɓɛ lɔi mɛ̨i, guɔ gu nwun mąąɓomun Ną́mu Jesus Kristə mąąkpɔn,

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Gɛlaɠaa 4:10

mąąnɛ̨ɛ̨ ka kəlee ka gbaɠala kaa, ə mą kɛ, Israɛlə nuą kəlee, kaa kɛ: Jesus Kristə Nazarɛtə mun ti ka gbanwo kolɔwa ɓa, yai Yálá ə gulɔ haaɓɛlaa lɔwai ə gɛ a vulú, naa hu ɓə ɉulɔnui ŋɛ̨i kaa la tɔɔni ka lííla a gɔlɔi ponoɔ̨.

Gɛlaɠaa 3:21

Hvo kɛli yələkɔlɔn ə gbɛa ɲee hee mu, ə lɛɛ ɉu, mɛ̨nįɠaai wɔlɔ Yálá ə bu gwəi mɛ̨nį hukulɔ nuą mąąhəɠɛɛɠaa la, diɛ mo, gəlee ə pu nįnɛ̨ kɔlɔi.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

Piɛrə dɔlɔɔ 2:21

Yaan, yili ɓə di ká təli mą, mąąhɔlɔɓo, Kristə yaa kpɛlimąn, ə mɔ̨nɔ̨ mįi ká mąą mɛ̨nį ɓa, ə kɛ, a ká wɔ yɛnɛ̨ɛ̨ kɛ pələ gɔɔnmąą, káá hvilɛn na bɔɔ ɲą:

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Tɛsalonikə dɔlɔɔ 2:7

Ya pa, kwa pɛli kɛ ku laa ká nwuɔ̨ a tįɛ̨, yɛ bələi Kristə ŋą kɛlaɠaa da gɛ la. Kɛlaa yaamun, ku ká hon a liinɛ̨ɛ̨ gwəi laa, yɛ bələi nɛ̨ɛ̨nu a nonnii pɛlɛ la gəŋəla, yɛ di kɔ̨nɔ̨n gɛ.

Tɛsalonikə dɔlɔɔ 1:7

Yili ɓa, káá kɛ kɛa a kɔ́ɔnmąą lɛlɛɛ, Masedoanə da Akaiə laa na nuą kəlee diɛ.

Kolosə 1:18

Ɛlɛɛ Yaa lɔ ɓə, a Yaa, a gɔlɔ nwun ganįn, yai a Yálá ŋą kpɔn. Yaa ɓə a gɔwɔ tɔɔi, a nuąi da haa, diɛ nwun, di tɔlɔɔ, ə gɛ, mɛ̨nį kəlee hu, Yaa tii, ə kɛ tɔwɔ.

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.

Zɛnɛse 49:18

Gílitɔɔi yɛ́ Yai-Laa málomun!

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Gɛlaɠaa 2:32

«Jesus tii ɓə, ku kaa mąą mɛ̨nį ɓoi, Yálá ə gulɔ haaɓɛlaa lɔwai ə gɛ a vulu, ku kaa a yili mąą kɛla.