Samuɛlə dɔlɔɔ 8:18 - Yálá laawoo hɛɓɛ (dc)

¹⁸ Volói tii, ka káá pai kɛi wɔlɔi, dɔɔmun ŋɛ̨i ka ɉəɠə ɉu kaa kpįnįi ɲəi. Kɛlaa, Yai-Laa hva ka woo mu hon a mąą yələi tii.»

Yálá laawoo hɛɓɛ

¹⁸ Volói tii, ka káá pai kɛi wɔlɔi, dɔɔmun ŋɛ̨i ka ɉəɠə ɉu kaa kpįnįi ɲəi. Kɛlaa, Yai-Laa hva ka woo mu hon a mąą yələi tii.»

Bible

¹⁸ À kɛ̀ tí, ka pâi wɔ̂lɔi Ǹuu-namui ma a gɛ́ɛ é kákula ǹyêei. Kɛ́lɛ vé pâi káwoo su too, kpɛ́ni fêi, ǹyaa ƃé ká kɛ̀ ŋ̀wɛ̂lii.”

Samuɛlə dɔlɔɔ 8:18 Referans Kwoze

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 8:21

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Mąątɛ̨nɛ̨ 18:41

Yá ɲówoɠaa kpowola lɛ mą́ą́, ɛlɛɛ, gɛ́ gɔ́yɔwɔɠaa hu kala.

Zôo 27:9

Kaa kɛ diɛ, Yálá kaa mɔ̨ɔ̨ pai nwəli tɔɔi domɔ̨ woo ɓa ɓəi, ɓɛlɔwai mɛ̨nį ŋąąnwąnąą a laa la ma?

Samuɛlə dɔlɔɔ 8:17

Gaa pai kɛi ka wɔ taatɛlɛɛɠaai bow naa həɠəi, yili pulu, ka káá pai kɛi a nwɔ luwɔɠaa.

Kɔlɔnikɔ Veerɛi 10:11

Ə həɠə yiihu ɓa, yii ną́n ə tiɛ̨ laa ka nwuɔ̨i, ɲą́ą́n, gáá pai ka wɔɔ tiɛ̨i ta pɛlɛi mą. Ną́n ə kɛi ka hutɔɔ a galagba, ɲą́ą́ nwɛ̨́i, gáá pai gɛi a kwɛli hvaɠa ɲąąlən dɔɔ mą.›»

Zôo 27:8

Kɛlɛi ka kɛ kɛi ma: «Tɔnɔ lə kɛɛ ɓə nwąnąlɔ mun a pɛli gilitɔɔi ma, mąąhɔlɔɓo, Yálá kaa pai nwɔ yɛnɛ̨ɛ̨ kulɔi ɲəi?

Azaya 59:1

A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»