Samuɛlə dɔlɔɔ 6:6 - Yálá laawoo hɛɓɛ (dc)

⁶ Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.

Yálá laawoo hɛɓɛ

⁶ Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.

Bible

⁶ Ká fé kɛ̀ yɛ̂ɛ Ize-ƃelai da díkâloŋ. Dí kɛ̀ a díwôlii kpɔlɔɔ. Kɛ́lɛ Eezuɛ-ŋai Díɣâlai kɛ́ɛ a díkula maa kɛ́ a ŋ̀ánaai, dí tèe dîa dí lí.

Samuɛlə dɔlɔɔ 6:6 Referans Kwoze

Lɛɛ gbɔwɔ ɓa 14:17

Ɲą́ą́n, gáá pai Eziptə nuą kili walawalai, di lɛɛ ka pulu, nąą ɓə gáá pai nwɔ́ huwalawala mąąwiɛ lɛi laa Eziptə tɔɔmun, nwɔ kɔlaɠai da nwɔ wotoloɠaa diɛ, ə mą kɛ a nwɔ hoo mɛ̨i nuą kəlee.

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Lɛɛ gbɔwɔ ɓa 7:13

Ə mą kɛ ti, Eziptə tɔɔmun ə gili walawala, hvo nwəli tɔɔ di woo ɓa, yɛ bələi Yai-Laa ə gbɛa mo la.

Lɛɛ gbɔwɔ ɓa 9:34

Yii kɛa Eziptə tɔɔmun ə gaa yɛ dulɔ, ɉanwon da ɲələgbąnąą daa kpəla mą, ə pənə nwɔ̨nɔ̨ ə gili walawala da nwɔ ɲɛ̨itɔwɔ nuą kəlee.

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Mąątɛ̨nɛ̨ 95:8

'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Zôo 9:4

Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Lɛɛ gbɔwɔ ɓa 14:23

Eziptə nuąi tii kpɔ kɛ di pulu, di lɛɛ di pɔ, di lɔ ɲa lɔwai. Tɔɔmun nwɔ hooɠaai, nwɔ wotoloɠaai, da nwɔ hoo mɛ̨i nuą kəlee di lɔ ɲái.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Lɛɛ gbɔwɔ ɓa 4:21

Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.

Lɛɛ gbɔwɔ ɓa 7:14

Yai-Laa yɛ Moisə ɓa: «Eziptə tɔɔmun gili aa walawala, hvo gɛli hvo Israɛlə lonnii lɛɛ laa di hvo li.