Samuɛlə dɔlɔɔ 6:4 - Yálá laawoo hɛɓɛ (dc)

⁴ Nɔi lonnii diɛ diɛ: «Lə ɓə kwa pɛli gɛi a ku pɔɔ ŋą pɛli hɛn?» Ɉaláá laa həli nuą diɛ diɛ: «Bələi lɔ nɔi tɔɔɓɛlaa kaa la lɔɔli, ka pulu kulɔ kpan mąąnįnįn bɛli lɔ tii lɔɔli a hɛni, kpəɠəi mąąnįnįn nɔɔli a hɛni. Mąąhɔlɔɓo, mɔ̨nɔ̨ huwu tanɔ̨n tii ɓə naa ka mɛ̨i ka ká wɔ tɔɔɓɛlaai.

Yálá laawoo hɛɓɛ

⁴ Nɔi lonnii diɛ diɛ: «Lə ɓə kwa pɛli gɛi a ku pɔɔ ŋą pɛli hɛn?» Ɉaláá laa həli nuą diɛ diɛ: «Bələi lɔ nɔi tɔɔɓɛlaa kaa la lɔɔli, ka pulu kulɔ kpan mąąnįnįn bɛli lɔ tii lɔɔli a hɛni, kpəɠəi mąąnįnįn nɔɔli a hɛni. Mąąhɔlɔɓo, mɔ̨nɔ̨ huwu tanɔ̨n tii ɓə naa ka mɛ̨i ka ká wɔ tɔɔɓɛlaai.

Bible

⁴ Dîɛ dîai, “Gɛ̀ ní, lé ƃé kwa pɔri dɛɛ̂i?” Dísâla láa soŋ-ƃelai da dítɛli kpɛ́-ƃelai dí mò dîa dîɛi, Felesia-ŋai láa-tuɛ-ƃelai díkaa lɔ́ɔlu, ǹyaŋ gɔlɔ-felai ŋí káa díkelee dîa.

Samuɛlə dɔlɔɔ 6:4 Referans Kwoze

Nwun mąąɓo 3:3

Nu huwuɠaai tii laa ka: Filisti tɔɔɓɛlaa lɔɔli, Kanaan nuą, ɛlɛɛ, Sidɔn nuą, Hivi nuą, diɛ kɛ di heɛ Liban ɲeeɠaa ɓa, ə həɠə Baalə-Hɛrmɔn ɲee ɓa, ə həli la Lebo-Hamatə ɓa.

Zasua 13:3

Ə həɠə Sihɔrə yá ɓa Eziptə lɔi tənən ma, ə həli la Ɛkrɔn lɔi ɓa ɲánwuɔ̨ pələ; yili kpɛli mąn, Kanaan lɔi ta li. Filisti tɔɔɓɛlaa lɔɔlii laa ka: Gaza nwɛi, Asdɔdə nwɛi, Askelɔn nwɛi, Gatə nwɛi, da Ɛkrɔn nwɛi; yili pulu, Avi nuą kaa laa ɉɛɠɛɛ pələ;

Samuɛlə dɔlɔɔ 5:9

Lii di mo la Gatə, Yai-Laa yee ə wiɛ daa nuą mɛ̨i, ɲɔw kɛnɛ̨ ə pili daa nuą hu. Yai-Laa ə mɔ̨nɔ̨ laa diɛ nɛapɛlɛ mąn, nu kpɛa-kpɛa mąn pulu kulɔ kpan ə pɛlɛ gəlee diɛ.

Samuɛlə dɔlɔɔ 5:6

Yai-Laa yee ə wiɛ Asdɔdə nuą mɛ̨i, ə kɛɛ kala di pɔɔli. Ə pulu kulɔ kpan bɛlɛ Asdɔdə da gwɛlɛ taɠaa diɛ.

Samuɛlə dɔlɔɔ 6:5

Ɲɔ̨n tii kɛi ka laanɔ̨nwɔ̨ ɓo, ka mąąnįnįn ɉəɠə, da gbəɠiɠaa ŋɛ̨i kɛi ka wɔ lɔi kala. Ka Israɛlə nwɔ Yálá mąąwiɛ. Gbəli hu ɲee hvo kɛa pai wiɛ ka mɛ̨i ka ká wɔ yáláɠaa ə mą kɛ ka wɔ lɔiɠaa.

Samuɛlə dɔlɔɔ 5:12

Nuą lɔwai nuąi di hvo haa, pulu kulɔ kpan ə pɛlɛ gəlee diɛ. Daa nąą kəlee ə kɛi nwoolaa diɛ wɔlɔ, di woo yɛ tɛ yələkɔlɔn ma.

Lɛɛ gbɔwɔ ɓa 12:35

Bələi ti Moisə ə mo la Israɛlə lonnii diɛ, di gɛ ti. Nu kəlee ə hɛnɲąŋą hvɛli Eziptə nuą diɛ, yai kɛ a wali kwɛli, hɛni da həɠəɠaa.

Samuɛlə dɔlɔɔ 6:8

Ka Yai-Laa nwɔ kəhii həɠə, ka ɉee nwotolo hu. Ɉɛnŋaa tii ka di pɛli a ɉɛni, ka pɔɔ ŋą pɛli mɛ̨nį ɓa, ka di laa kəhi lon da hu, ka ɉee Yálá nwɔ kəhii kwɛlɛ; ka nįŋɛ̨ɠaa lɛɛ laa də li a ɉɛnŋaa tii di kpɔwɔ ɓa.

Nwun mąąɓo 14:19

Yai-Laa nwɔ Kilii ə too Samsɔn hu nąąlɔwai, ə həɠə, yɛ li Askelɔn. Ə hinąą pow haaɓa paa, ə di mąą həɠəɠaa kulɔ diɛ, ə dɛɛ ɉanwon mukulɔ nuą pɔ. Yili pulu, níi ə kələn gwəi, ə pənə ə li nąn bɔ.