Samuɛlə dɔlɔɔ 30:8 - Yálá laawoo hɛɓɛ (dc)

⁸ Davidə ə Yai-Laa mąąnin gɛ, yɛ mą: «Ŋą́ pɛli hvilɛn ɉii nu kpului tii pulu, gáá pai di hon ɉii ɓai?» Yai-Laa yɛ mą: «Hvilɛn di pulu, ə́ kaa pai di hon ɉii, ə́ ə́ wɔ nuąi kaa, ə di kulɔ di yəi.»

Yálá laawoo hɛɓɛ

⁸ Davidə ə Yai-Laa mąąnin gɛ, yɛ mą: «Ŋą́ pɛli hvilɛn ɉii nu kpului tii pulu, gáá pai di hon ɉii ɓai?» Yai-Laa yɛ mą: «Hvilɛn di pulu, ə́ kaa pai di hon ɉii, ə́ ə́ wɔ nuąi kaa, ə di kulɔ di yəi.»

Bible

⁸ Nya ƃe Deeƃé è Yâwɛɛ marê kɛ̀ ǹyɛɛi, “Ŋá lɛ́ɛ doo-ma kɛ́-ƃelai ŋí pôlu? Ŋa pâi dísônii?” Yâwɛɛ ǹyɛɛ m̀ai, “Lɛɛ dípôlu. Tɔyâ ma ya pâi dísonii í ínûai kúla díyêei.”

Samuɛlə dɔlɔɔ 30:8 Referans Kwoze

Samuɛlə dɔlɔɔ 30:18

Yii kpɔ Amalɛkə nuą di ɉəɠə, Davidə ə gəlee hɔlɔɓo, ə nɛ̨ąni hveelɛi diɛ kpɛli di nwun gulɔ haa yəi.

Samuɛlə dɔlɔɔ 23:2

Davidə ə Yai-Laa mąąnin gɛ, yɛ mą: «Akɛtii, mąąnɛ̨ɛ̨ ŋą́ li ŋą́ kɔ́ pɛlɛ Filisti nuą diɛ?» Yai-Laa yɛ Davidə ɓa: «Li ə́ kɔ́ pɛlɛ diɛ, ə́ yee kaa li lɔi ə́ Keila taa nwun mąąɓo.»

Samia Veerɛi 5:19

Davidə ə Yai-Laa mąąni kɛ, yɛ mą: «Akɛti mąąnɛ̨ɛ̨ ŋą́ li ŋą́ pɛlɛ Filisti nuą diɛ a kɔ́, ə́ kaa pai di lɔi ɲéé ŋą?» Yai-Laa yɛ Davidə ɓa: «'Li! A tɛ̨ą, gáá pai Filisti nuą lɔi ə́ yee ŋą.»

Samia Veerɛi 5:23

Davidə ə Yai-Laa mąąnin gɛ, yili yɛ mą: «Hvo bələ haŋą yɛ́ li woloi diɛ. Di mąą laa, 'ə́ laa di tɔwɔ, ka diɛni ka kwiɛn nwɛla koo ɓa, nwuluɠaa tii tənən ma.

Samuɛlə dɔlɔɔ 23:4

Davidə ə pənə nwɔ̨nɔ̨ ə Yai-Laa mąąnin gɛ, Yai-Laa yɛ mą: «Hvilɛn bələ ɓa, ə́ li Keila daai, gáá lii yeetɛɛmąą tɛɛi ə́ pɔ Filisti nuą mɛ̨i.»

Nwun mąąɓo 20:23

Israɛlə nuą di tɛɛ, də li di wɔlɔ Yai-Laa ɓa, ə lɛɛ la ɉu, yələwulii pɔ. Di Yai-Laa mąąni kɛ, diɛ mą: «A kɛ tii, mąąnɛ̨ɛ̨ kwəli ku kɔ́ pɛlɛ Bɛnɉamɛn nu huwu ɓa nwɔ̨nɔ̨, diɛi di kaa a ku kayɔwɔɠaa?» Yai-Laa yɛ diɛ: «'Ka li.»

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.

Nwun mąąɓo 20:18

Israɛlə nuą kəlee də li Betɛlə, di Yálá mąąni kɛ, diɛ mą: «Ku lɔwai, ɉuwu nɛlɛ ɓə pai tɛɛi tɔwɔ, yɛ li pɛlɛi Bɛnɉamɛn nu huwu ɓa?» Yai-Laa yɛ diɛ: «Ɉuda nu huwu ɓə tɛɛi tɔwɔ.»

Nwun mąąɓo 20:28

ɛlɛɛ Aarɔn lon Eleazarə, lon ɉulɔnui ŋɛ̨i kɛ a Pinasə, ya ɓə kɛi kóló kɛ nąąlɔwai Yai-Laa hee pɛlɛ́ mu. Di Yai-Laa mąąni kɛ, diɛ mą: «A kɛ tii mąąnɛ̨ɛ̨ kwɛ li ku kɔ́ pɛlɛ Bɛnɉamɛn nu huwu diɛ, diɛi di kaa a ku kaayɔwɔɠaa? A wala kɛtii ku lɛɛ ɓɛ?» Yai-Laa yɛ diɛ: «'Ka li! Gáá tinąą di lɔi ka yee ɲą.»

Samuɛlə dɔlɔɔ 14:37

Saulə ə Yálá mąąnin gɛ, yɛ mą: «Ŋą́ lɛɛ Filisti nuą pulu? Awala kɛ tii, ŋą́ həɠə di pulu? Akɛti, gɔ́ kaa pai nɛ̨ɛ̨i Israɛlə nuą diɛ?» Kɛlaa, Yálá hvo Saulə woo pulu pənə a ɲələi tii.

Zɛnɛse 14:16

Ɉɛnŋąąi kpɔ ti di yowoɠaa di ɉəɠə, di gəlee həɠə, ə mą kɛ Lɔtə yai kɛ a Abramə mąnįn, da ɲəi hɛnŋąą kəlee, ɉinąą da nɛ̨ąąi kpɔ di di hon a kɔluwɔɠaa, di pa a gəlee.

Lɛɛ gbɔwɔ ɓa 15:9

Ku yowoɠaa di kɛ diɛ: «Ku kaa hvilɛn ɉii di pulu, ku di hon, ku kaa lii ku wɔ kɔ́ pulu hɛn ɉəɠəi, yɛ bələi ku kaa la bɔ, ku kaa ku wɔ kɔ́-kɔ ɓɔwai yalai daa hu, ku yee kaa pai pɛli diɛ.»

Samuɛlə dɔlɔɔ 30:19

Nu ta hvo lɛɛ pulu nɛapɛlɛɛ da nu kpɛa-kpa di lɔwai, di lon ɉinąą da di lon nɛ̨ąą. Ə mą kɛ ɉɛnŋaai Amalɛkə nuą di ɉəɠə, da lɔpee hvo lɛɛ pulu. Davidə ə pənə ə pa a gəlee.

Nwun mąąɓo 8:4

Zedeɔn ə Ɉurdɛn yá teen da nwɔ nu nwun ɉaaɓai, di hviikpɛɛi kɛa kɛ, kɛlaa, di kɛ lɔ nuąi tii pulu diɛ di kpɛ.

Samuɛlə dɔlɔɔ 10:22

Di Yai-Laa mąąnin gɛ, diɛ mą: «Nui tii ə pa mun ɓɛ ɓəi?» Yai-Laa yɛ diɛ: «Ya ka tii nooi diɲɛɠaa lɔwai.»