Samuɛlə dɔlɔɔ 3:11 - Yálá laawoo hɛɓɛ (dc)

¹¹ Yai-Laa yɛ Samuɛlə ɓa: «Gáá pai mɛ̨nį ta laai Israɛlə lɔi ɓa, nui lɔpee pai bələ mɛ̨n ɉii, hvo kɛ li nii a ɓɛla ma.

Yálá laawoo hɛɓɛ

¹¹ Yai-Laa yɛ Samuɛlə ɓa: «Gáá pai mɛ̨nį ta laai Israɛlə lɔi ɓa, nui lɔpee pai bələ mɛ̨n ɉii, hvo kɛ li nii a ɓɛla ma.

Bible

¹¹ Yâwɛɛ ǹyɛɛ m̀ai, “Gáa, ŋa pâi mɛni da kɛ̂i Eezuɛ lɔii su nyíi ǹúui kélee pâi mɛnii a pâi kpɛ̃lînii.

Samuɛlə dɔlɔɔ 3:11 Referans Kwoze

Habakukə 1:5

Yálá yɛ mą: Ka ka ɲɛ̨i hee hį́i takpɛliɠaa diɛ, ka di kaa. Ka kwəi a pili kaa, ka laa ə kpala kaa; Ka káá lɛɛi a ka hvulú, ŋį́ mɛ̨nį ta kɛ ka lɔwai, gaa pai kɛi a mɛ̨nįi, da ɉukulɔ kaa, ka hva pɛli laai na.

Gɛlaɠaa 13:41

«‹'Ka ká ɲɛ̨i hee tai, káái a tɛɠɛɓo ɉu nuą, ká hu ə pu káá, 'ká ɲɛ̨i ə paa kpɔ tɛ̨ɛ̨tɛ̨ɛ̨?! Ká kaa ni lɛɛi yɛnɛ̨ɛ̨, gɛ́ pa mɛ̨nį ta kɛi, nu ta a mo káá, ká hva pɛli gaai a tɛ̨ą.›»

Ɉeremi 19:3

Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Tɔɔɓɛlaa veelɛ 21:12

Yili mąą mɛ̨nį ɓa, mɛ̨nįi Yai-Laa Israɛlə nwɔ Yálá ə mo ya ka, yɛ diɛ: ‹Gáá mawɛli mɛ̨nį ta laai Ɉuda da Ɉerusalɛmə diɛ, nui lɔpee a bələ mɛ̨n, hvo kɛ li nwəli hveelɛi a hvaa nwun mą wéé!

Lukə 21:26

Nuą da di kiliŋąhiɛ, mɛ̨nįi pai kɛi lɔi mɛ̨i mąą mɛ̨nį ɓa, diɛ haa a ɲɔw. Mąąhɔlɔɓo, hɛnŋąa kpɔ di kaa yələ kwəi, da həɠə di tɔɔi.

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Azaya 28:19

Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Samuɛlə dɔlɔɔ 3:10

Yai-Laa ə pa, ə tɔɔ Samuɛlə lííla, ə dəli yɛ bələi ə kɛi yiiɠaa tii kɛ la, yɛ mą: «Samuɛlə! Samuɛlə!» Samuɛlə yɛ mą: «Ną́mu, yii yɛ́ mo mą́ą́, mo; yɛ́ luwɔ hilɛ wəli tɔɔi.»

Samuɛlə dɔlɔɔ 4:10

Filisti nuą di gɔ́ yili ŋą, gɔ́ ə kpɔli kpɔ, gɔ́ ə kala Israɛlə nuą diɛ kpɔ kɛnɛ̨, di pu, nu kəlee ə li bɔɔli, volói tii kɔ́kuláá nu waa pow haaɓa, di haa Israɛlə nuą lɔwai.

Zôo 41:9

Gəlee diɛ kanąn di kee ɓa, hɛn da hva pɛli di taɠai di kee ɓa.