Samuɛlə dɔlɔɔ 28:8 - Yálá laawoo hɛɓɛ (dc)

⁸ Saulə ə mąąhəɠəɠaa mąąhvalin, yɛ now, nu hveelɛ di hvilɛn bɔ, də li nɛ̨ɛ̨nui tii pɔ kwiihąą. Saulə yɛ mą: «Ɲɔ̨muą tɔlukpɛ mą́ą́, nui ŋą́ vaa ɓo yɛ́ ə́ dəli.»

Yálá laawoo hɛɓɛ

⁸ Saulə ə mąąhəɠəɠaa mąąhvalin, yɛ now, nu hveelɛ di hvilɛn bɔ, də li nɛ̨ɛ̨nui tii pɔ kwiihąą. Saulə yɛ mą: «Ɲɔ̨muą tɔlukpɛ mą́ą́, nui ŋą́ vaa ɓo yɛ́ ə́ dəli.»

Bible

⁸ Nya ƃe Sɔ̂ɔ è ŋɔkâloŋ seɣe-ŋai kùla ma é seɣe da kpɛ́ni tóo gɔŋ ma. Da kpakolo feerɛ dí lì ǹɛnîi kpîŋ pɔ́-naa a gbínii. È mò ǹɛnii ma ǹyɛɛi, “Ye lóno mî m̀ɔlêŋ pɔ́ nyíi ŋa pâi ǹáa tôlii, í ǹɛɛ naa ŋá lóno bɔ́.”

Samuɛlə dɔlɔɔ 28:8 Referans Kwoze

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Kɔlɔnikɔ Veerɛi 35:22

Kɛlaa Ɉosiasə nwɔ kiliŋąhiɛ mąąhvalin, mąąhɔlɔɓo, ə kɛi hvaa kwɛli Neko ɓa əgɛ da yaa di gɔ́. Nwoo ŋɛ̨i Neko ə kɛi mo, Yálá ɓə bu na, kɛlaa Ɉosiasə hvo gɛ hvo nwəli tɔɔ mą. Ɉosiasə ə həɠə yɛ pa kɔ́ pɛlɛi Neko ɓa Megido ɲɛa kɔ́wɔ hu.

Kɔlɔnikɔ Veerɛi 18:29

Israɛlə tɔɔmun yɛ Ɉosafatə ɓa: «Gáá ɉəɠə mąąhvalin ɉii, ŋį́ pili gɔ́ hu. Ə́ wɛi, yá həɠəi lɛɛ lɔ ə́ kwaną.» Israɛlə tɔɔmun ə ɉəɠə kulɔ gwaną, ə pili gɔ́ hu.

Tɔɔɓɛlaa dɔlɔɔ 22:30

Israɛlə tɔɔmun yɛ Ɉosafatə ɓa: «Gáá nwɔ́ tɔɔ həɠəi kulɔi gwąną, ŋą́ gbɔ́wɔ́ kɛ a nu takpɛli ŋą́ li gɔ́ mɛ̨i ə́ wɛi, ə́ wɔ həɠəi lɛɛ ə́ kwąną.» Israɛlə tɔɔmun ə ɉəɠə kulɔ, ə li gɔ́ mɛ̨i.

Ɉaan 3:19

Kití tii nwun mąą: kɛɛ pono ə pa yɛnɛ̨ɛ̨ nuą pɔ, di lənə ma, di kpinį wɛli la kɛ; mąąhɔlɔɓo, di túwɔ́ pələɠaa ɲɔ̨nwɔ̨ɔ̨i.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Tɔɔɓɛlaa dɔlɔɔ 22:34

Hulɔnu ta ə mɛ̨ɛ̨kɔw pili lɔ tii dɛɠii, ə kpɔn Israɛlə tɔɔmun kɛŋən ɉu, gəŋən mąą kpulu hɛn yili yɛli lɔwai. Israɛlə tɔɔmun yɛ nwɔ wotolo hiɛ mun ma: «Tinɛ̨n a ɲą́ą́, gu kulɔ gɔ́ kpalan ŋą, mąąhɔlɔɓo, mɛ̨nį ta aa kɛ a ɲą́ą́ a nwąnąą.»

Izikiɛ 12:6

Ə́ kaa pai di laai ə́ nwuɔ̨ di ɲɛ̨i ɓa, yɛ́ di kulɔ kpinįi, ə́ kaa pai həɠə yɛɛi a ə́ nwun, ə gɛ hvo pa nɔi kaa. Mąąhɔlɔɓo, gáá ə́ kɛi a hanwon Israɛlə nwɔ pɛlɛ́i mąą mɛ̨nį ɓa.»