Samuɛlə dɔlɔɔ 28:18 - Yálá laawoo hɛɓɛ (dc)

¹⁸ Mąąhɔlɔɓo, hvo lɛɛ li Yai-Laa woo mu, hvo nwąną kulɔ li Amalɛkə ɓa. Yili ɓə gɛi Yai-Laa yɛ mɛ̨nį ŋɛ̨i laa yɛ́ háákələi.

Yálá laawoo hɛɓɛ

¹⁸ Mąąhɔlɔɓo, hvo lɛɛ li Yai-Laa woo mu, hvo nwąną kulɔ li Amalɛkə ɓa. Yili ɓə gɛi Yai-Laa yɛ mɛ̨nį ŋɛ̨i laa yɛ́ háákələi.

Bible

¹⁸ A gɛ́ tí, kpɛni fêi, ífe íwoli tɔɔni ma í mɛni-ŋai kɛ́ è mò yâ a gɛ́ɛ í gɛ́ a Amalɛka-ŋai. M̀ɛni ƃé a sâa mɛni-ŋai ŋí kɛ̂i la a yá.

Samuɛlə dɔlɔɔ 28:18 Referans Kwoze

Tɔɔɓɛlaa dɔlɔɔ 20:42

Yili yɛ mą: «Mɛ̨nįi Yai-Laa ə mo ya ka: Yii nui ŋɛ̨i ŋą́ doo ə́ yəi, gɛ́ ə́ baa, yáá nɛɛ laa, yɛ́ ɓə ə́ kaa lɛɛi a nąą hɛn, nwɔ nuąi kɛi pa haai, di mąąhvalin maa ə́ wɔɔ nuąi.»

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.

Ɉeremi 48:10

Nui a Yai-Laa nwɔ kólói kɛ a hviikpɛɛ laa, mąą nu nɛ̨ŋɛ̨n naa ɓə, ə mą kɛ, nui a nwɔ kɔ́ kɔ́ ɓɔwa kunwɔ a ɲąmą.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Samuɛlə dɔlɔɔ 15:20

Saulə yɛ Samuɛlə ɓa: «Ŋą́ Yai-Laa woo hon. Ɓɛi Yai-Laa ə dɔɔ laa gɔ́ mɛ̨i, ŋą li. Ŋą́ Amalɛkə lɔi hutɔɔmun Agagə hon, da Amalɛkə lɔi kəlee, ŋą́ ɉu nuą kəlee kulɔ a haláá.

Samuɛlə dɔlɔɔ 13:9

Saulə yɛ diɛ: ka pa ɉaláá hɛnŋaa da gəlee kələn Yálá ɓa, ka dɛɛ bɔ́, da liilaa halááɠaa, ə Yálá mąąwiɛ haláá kulɔ.

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.