Samuɛlə dɔlɔɔ 27:8 - Yálá laawoo hɛɓɛ (dc)

⁸ Davidə da nwɔ nuą də li, di kɔ́ pɛlɛ Gesurə nuą diɛ, da Girze nuą da Amalɛkə nuą, nuąi tii ɓə kɛ heeni Surə ə lɛɛ ɉu ə həli Eziptə lɔi hu. Nu huwuɠaai tii ɓə heeni nɔi tii hu wɔlɔ kɛ ɓa.

Yálá laawoo hɛɓɛ

⁸ Davidə da nwɔ nuą də li, di kɔ́ pɛlɛ Gesurə nuą diɛ, da Girze nuą da Amalɛkə nuą, nuąi tii ɓə kɛ heeni Surə ə lɛɛ ɉu ə həli Eziptə lɔi hu. Nu huwuɠaai tii ɓə heeni nɔi tii hu wɔlɔ kɛ ɓa.

Bible

⁸ Tãi támaa Deeƃé da ŋɔnûai da kâa kɔ́ pɛ̀lɛ Gɛɛsu, Gɛzai, da Amɛlɛka suui su-ƃelai dîa. Ǹûai ŋí díkɛ̀ a Tɛlaŋ da Suɔɔ lɔii-kpiniŋ su-ƃela a tãi su kôyaa é tóo máŋ Ize lɔiii ma.

Samuɛlə dɔlɔɔ 27:8 Referans Kwoze

Zasua 13:2

Nɔiɠaai daa lɛɛ diɛ ka: Filisti lɔi kəlee, da Gesurə nuą di wɛi.

Zasua 13:13

Kɛlaa Israɛlə lonnii di hvo Gesurə nuą da Maaka nuą di wɔ lɔi kulɔ di yəi. Gesurə da Maaka di lɛɛ heeni Israɛlə nuą lɔwai ə mą kɛ háákələi.

Nwun mąąɓo 1:29

Ɛfraimə nu huwu hvo pɛli Kanaan nuą kpɛi, diɛi kɛ heeni Gɛzɛrə. Yiliɠaai di lɛɛ heeni Ɛfraimə nu huwu lɔwai.

Zasua 16:10

Kɛlaa, Kanaan nuąi tii kɛ heeni Gɛzɛrə, Israɛlə hvo di kpɛ. Kanaan nuąi tii di lɛɛ Ɛfraimə lonnii lɔwai, ə mą kɛ háákəlee. Kɛlaa, di kɛ a di wɔ kólo kɛ nuą.

Kɔlɔnikɔ Maa-ŋuŋ 2:23

Kɛlaa, Gesurə nuą, da Aramə nuą, di Yairə nwɔ yɛɛkɔwɔɠaa həɠə, di bɛlɛ Kenatə da ɲee mu hɛn gəlee ɓa, ə kɛ a taalee pow mɛ̨ida. Nuąi kɛ ɉu, gəlee di kɛ a Makirə lonnii, yai kɛ a Galaadə nąn.

Samia Veerɛi 15:8

Mąąhɔlɔɓo, ɓɛlɔwai ə́ wɔɔ tímun ə kɛ la Gesurə daai Aramə lɔi hu, ŋą́ nwóó kwɛlɛ Yai-Laa ɓa, gɛ́ diɛ: ‹Akɛ Yai-Laa a pənə a li a ɲą́ą́ Ɉerusalɛmə daai, ŋą́ haláá kulɔ Yai-Laa ɓa.›»

Samia Veerɛi 14:32

Absalɔn yɛ Ɉoabə ɓa: «Mąąhɔlɔɓo, ŋą́ kɛ ə́ təlii, gɛ́ kɛ ə́ li ə́ tɔɔmun mąąnin gɛ, yɛ́ kɛ mą: ‹Ŋą́ həɠə Gesurə, gɛ́ pa ɓɛ lə mɛ̨nį ɓa? Viɛlaɓoɔi kɛ ŋą́ lɛɛ nii laa.› Gáá kɛa bɔ, ŋą́ həli tɔɔmun ma, akɛ ŋą́ą́ ɉɔ́n gɛ la, ə báá.»

Samia Veerɛi 14:23

Ɉoabə ə muhəɠə, ə li Gesurə, ə pənə ə pa a Absalɔn Ɉerusalɛmə.

Samuɛlə dɔlɔɔ 30:1

Kɛlaa voló haaɓa yələ, lii Davidə da nwɔ nuąi di mo Siklagə, Amalɛkə nuą daa kɛ pa toomɛ̨i kɛ Siklagə da Negɛvə. Daa kɛ Siklagə hɛnŋaa kəlee həɠə, ɛlɛɛ daa daa gələn.

Lɛɛ gbɔwɔ ɓa 17:8

Amalɛkə nuą di pa di kɔ́ pɛlɛ Israɛlə ɓa Refidimə.

Lɛɛ gbɔwɔ ɓa 15:22

Moisə ə mo Israɛlə lonnii diɛ, di həɠə veegbɔ̨nɔ̨ gboloyá kwɛlɛ, diɛ li Surə nɔi pun ɉu pələ. Di hvóló haaɓa hiɛ kɛ nɔi pun ɉu, di hvo yá kaa.

Zasua 12:5

Nwɔ tɔɔlaa ə kɛ Hɛrmɔn yee mɛ̨i, da Salka da Basan lɔi kəlee ə həli la Gesurə lɔi da Maakati lɔi di ɲɛ̨n ma, ɉəliɛ Galaadə bələ tɔ̨nɔ̨ Hɛsbɔn tɔɔmun Sihɔn nwɔ lɔi ɲɛ̨n ma.

Samuɛlə dɔlɔɔ 29:6

Akisə ə Davidə təli, yɛ mą: «Yai-laa Yálá hvulúmąą laa hu, nu haŋąą ɓaa yɛ́. Gwə́i nɛ̨ɛ̨ mɛ̨nį ɓa gwa yɛ gwəli gɔ́ ɓa, mąąhɔlɔɓo, və́ mɛ̨nį ɲɔ̨n gaa li ə́ yee pɔ. Yii kpɔ ə́ pa bɔ́, ə lɛɛ ɉu háákələi hvóló a həli. Kɛlaa, ə́ wɛli hvo nɔi nwun nąmįną diɛ.

Samia Veerɛi 3:3

Veelɛnąą ɓa a: Kileavə, yai ə gaa Karmɛlə hulɔnu Navalə nɛ̨ą Avigailə ɓa. Ɉaaɓa nąą ɓa a: Absalɔn, yai ə gaa Gesurə tɔɔmun lon nɛ̨ɛ̨nu Maaka ɓa.

Samia Veerɛi 3:22

Kɛlaa, nąąlɔwai Ɉoabə da Davidə nwɔ nuąi di kɛi həɠə gɔ́ ɓa pələ diɛ pa. Daa kɛ hɛn gɔw kɛnɛ̨ hɔlɔɔɓo gɔ́ hu. Avnɛrə hvo kɛa kɛ Davidə kwɛlɛ Hebrɔn, yili aa kɛa kɛ dɔɔ bələi, yɛ li a niilaa gwəi.

Samia Veerɛi 8:12

Aramə lɔi, Moabə lɔi, da Amɔn lonnii, Filisti nuą da Amalɛkə, da gɔ́ mɛ̨i hɛn ə ɉəɠə Sova tɔɔmun Rehɔvə lon Hadadɛzɛrə yəi.

Lonon mo 13:29

Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Lonon mo 14:45

Amalɛkə nuą da Kanaan nuąi kɛ heeni ɲeeɠaa ɓa, di yɛɛ Israɛlə nuą mɛ̨i, di yee ə tɛɛ diɛ, di lɛɛ kpɔ di paai, di həli a diɛ Hɔrma.