Samuɛlə dɔlɔɔ 27:10 - Yálá laawoo hɛɓɛ (dc)

¹⁰ Akisə a kɛ mą: «Ka li doomɛ̨i kɛi mįnɛ̨ pələ háákələi?» Davidə ə kɛi kɛ mą: «Ɉuda lɔi hu ɉɛɠɛɛ pələ.» A wala kɛ tii, «Yerahmeɛlə lɔi ɉɛɠɛɛ pɔlə.» A wala kɛ tii nwɔ̨nɔ̨, «Keni lɔi ɉɛɠɛɛ pələ.»

Yálá laawoo hɛɓɛ

¹⁰ Akisə a kɛ mą: «Ka li doomɛ̨i kɛi mįnɛ̨ pələ háákələi?» Davidə ə kɛi kɛ mą: «Ɉuda lɔi hu ɉɛɠɛɛ pələ.» A wala kɛ tii, «Yerahmeɛlə lɔi ɉɛɠɛɛ pɔlə.» A wala kɛ tii nwɔ̨nɔ̨, «Keni lɔi ɉɛɠɛɛ pələ.»

Bible

¹⁰ À kɛ̀ tí, Âke a m̀arê kɛ̀ ǹyɛɛ m̀ai, “Mí ƃé í sâa lì naa gɔ́i mai?” Deeƃé ǹyɛɛ m̀ai, “Kú sâa lì Zuda taa-ŋai vɛ̃ɛ-kpâlaŋ sui dɔnɔ su.” Deeƃé a kâa mò ma a gɛɛ Zɛramiɛɛ-ƃelai dítaa-ŋai vɛ̃ɛ-kpâlaŋ sui dɔnɔ ƃé è lì zu. Kpaa máŋ, taa tɔ̂nɔ da káa vɛ̃ɛ-kpâlaŋ su ƃɛ́i Kena-ŋai díkaa naai.

Samuɛlə dɔlɔɔ 27:10 Referans Kwoze

Nwun mąąɓo 1:16

Moisə mɔlɔ́, yai ɉuwu hu nuą ɓa kɛ a Keni nuą, di həɠə dow kpulu mu taa hu, da Ɉuda nu huwu, di li di hee Ɉuda nwɔ lɔi pun ɉu pələ, Aradə kwɛlɛ, ɉɛɠɛɛ pələ, di hee laa nɔi lonnii kwɛlɛ, diɛi kɛ a Amalɛkə nuą.

Kɔlɔnikɔ Maa-ŋuŋ 2:25

Hɛsrɔn lon ɉulɔnu Yerahmeɛlə, yai kɛ a non dɔlɔɔ, nonnii laa ka: Ramə, ya ɓə kɛ a non dɔlɔɔ, Buna, Orɛn, Osɛmə, da Ahiya.

Kɔlɔnikɔ Maa-ŋuŋ 2:9

Hɛsrɔn lonnii laa ka: Yerahmeɛlə, Ramə da Kelubai.

Samuɛlə dɔlɔɔ 30:29

Ə da tɛɛ Rakalə nuą diɛ, Yerahmeɛlə taaɠaa, da Keni taaɠaa.

Nwun mąąɓo 4:11

Hebɛrə ŋɛ̨i kɛ a Keni mun, ə kulɔ Keni nuą pɔ, diɛi kɛ a Moisə mɔlɔ Hobabə lonnii, ə nwɔ taai pu Saananimə nwɛla kwɛlɛ, Kɛdɛsə.

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Mąątɛ̨nɛ̨ 119:163

Lɛɛ mɛ̨nį wɛli kpɛɛi mą́ą́, mɛlɛ hvo gwə́i, ə́ wɔ tíɓoi ɓə nwɛli kaa mą́ą́.

Mąątɛ̨nɛ̨ 119:29

'Mą́ą́kwɛa lɛɛ mɛ̨nį ɓa, ə́ wɔ tɔn nwooi pulu mɛ̨inɛ̨ɛ̨ kɛ mą́ą́.

Samia Veerɛi 17:20

Absalɔn nwɔ nuąi di lɔ nɛ̨ɛ̨nui tii yee bɛlɛ́n, diɛ mą: «Ahimaasə da Ɉonatan di kaa mį?» Nɛ̨ɛ̨nui tii yɛ diɛ: «Daa ɲa teen.» Absalɔn nwɔ nuąi tii, di di kwɛli di hvo di kaa, di pənə diɛ li Ɉerusalɛmə daai.

Samuɛlə dɔlɔɔ 23:27

Nąąlɔwai wɛlɛɛ ɓomun da ə pa, yɛ Saulə ɓa: «Ə́ mąąhulɔ ə́ pa, Filisti nuą daa kɔ́ pɛlɛ nɔi ɓa.»

Samuɛlə dɔlɔɔ 21:2

Davidə ə pa Nɔvə ɉaláá laa həli mun Ahimelɛkə pɔɔli. Ahimelɛkə ə pa Davidə laakwiɛn ɉii maa yɛ kpɛlin, yɛ Davidə ɓa: «Gɛ pələ kaa ləi yaai, yɛ́ tɔ̨nɔ̨ lɔ ɓə, nu ta hvo ə́ pɔ?»

Samuɛlə dɔlɔɔ 15:6

Saulə yɛ Keni nuą diɛ: «Ka li, ka həɠə ɓɛ, ka kulɔ Amalɛkə nuą lɔwai, və́ pa ka hon yɛ diɛ. Mąąhɔlɔɓo, di wɛli kpɛɛmaa túwɔ́ ɓo a Israɛlə nuą ɓɛlɔwai yiliɠaa di kulɔ la Eziptə lɔi hu» Keni nuą di kulɔ Amalɛkə nuą lɔwai.

Nwun mąąɓo 5:24

Keni mun Hebɛrə, lúwɔ́ kaa nɛ̨ą Yaɛlə ɓa, nɛ̨ąą kəlee lɔwai, lúwɔ́ kaa Yaɛlə ɓa, mɛlaa nɛ̨ąą lɔwai, diɛi di kaa pɛlɛ́n.

Lonon mo 24:21

Yili pulu, ə Keni nuą kaa, ə nwooi ŋɛ̨i ɓo, yɛ həɠə Yálá yəi, yɛ mą: «Keni, ə́ wɔ pɛ́lɛ́i tɔɔi a nwalawalaa, ə́ taa heɛ kwɛni kpuwulu mɛ̨i.

Zɛnɛse 27:24

ə pənə ə mąąnikɛ, yɛ mą: «Nón Esau kpɔ-kpɔɔ ɓaa yɛ́?» Ɉakɔbə ə nwoo ŋąąpənə yɛ mą: «Ee! Esau ɓaa ɲą́ą́.»

Samuɛlə dɔlɔɔ 27:11

Davidə hvo kɛi hvaa mą di hvo pa Gatə a nu ta yii a kɛ a vulú, ə kɛ a nɛ̨ɛ̨nu, ə kɛ a hulɔnu. Ə kɛi ɲɔw, yɛ diɛ di hvo pa nee ku pulu kulɔ, diɛ kɛ mą: «Bələi Davidə a gɛ la bələ ka.» Bələ ɓə Davidə ə kɛi túwɔ́ la, ɓɛlɔwai kpɔ tii ə kɛ la Filisti nuą di wɔ lɔi hu.

Samuɛlə dɔlɔɔ 29:8

Davidə yɛ Akisə ɓa: «Lə ɓə ŋą́ gɛ, lə ɓə yá pɛli moi ə́ wɔ tímun ma a ɉɔn, ə həɠə ɲələi ŋą́ lɔ la ə́ wɔ kólói hu ə həli háákələi ɓa, yai vá pɛli lii kɔ́ pɛlɛi nwɔ́ mɛ̨nį nąmu tɔɔmun ɲowoɠaa diɛ?»