Samuɛlə dɔlɔɔ 26:24 - Yálá laawoo hɛɓɛ (dc)

²⁴ Bələi lɔi tii ŋą́ ə́ wɔ yɛnɛ̨ɛ̨ kaa la a hɛn mąą mɛ̨nį nwąnąą, nwei kaa lɔ tii a hɛn mąą mɛ̨nį nwąnąą Yai-Laa ɲɛ̨i ɓa. Ə lɛɛ, ə gúlɔ nwún napili mɛ̨nįɠaa kəlee hu.»

Yálá laawoo hɛɓɛ

²⁴ Bələi lɔi tii ŋą́ ə́ wɔ yɛnɛ̨ɛ̨ kaa la a hɛn mąą mɛ̨nį nwąnąą, nwei kaa lɔ tii a hɛn mąą mɛ̨nį nwąnąą Yai-Laa ɲɛ̨i ɓa. Ə lɛɛ, ə gúlɔ nwún napili mɛ̨nįɠaa kəlee hu.»

Bible

²⁴ Ŋá sâa íŋuŋ ma ƃò, ǹyaŋ ŋa Yâwɛɛ fɛlîi a gɛ́ɛ é ḿɛi káa é ŋ́uŋ ma ƃó.”

Samuɛlə dɔlɔɔ 26:24 Referans Kwoze

Maafîu 5:7

Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Tɛsalonikə veelɛ 3:2

ɛlɛɛ, kuɔ pɛli kulɔi, nwąnąlɔ nuą, da mɛ̨nį ɲɔ̨n gɛ nuą yee mu, mąąhɔlɔɓo, nu kəlee hvəə laa na laa kaa ɲəi.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Mąątɛ̨nɛ̨ 144:2

Dɔ́ɔ́ bulumun ni, da mą́ą́kɔ̨nwɔ̨ taa, nwɔ́ kɔ́ taa ka ti, da gúlɔ ɉumun, mą́ą́kpɛ kpanąn, bɔɔli ɓə ŋą́ mą́ą́ kilɛ laa, a nwɔ́ nuąi lɔ nwɔ́ heeɓolaa yee mu.

Mąątɛ̨nɛ̨ 54:7

Nuąi da kɛ mą́ą́hɛn ɉii, mɛ̨nį ɲɔ̨nwɔ̨ɔ̨ ə yɛɛ a di nwun, Di hukala, a ə́ wɔ tɛ̨ąi.

Mąątɛ̨nɛ̨ 18:48

Ɲálái tii ɓə a gɛ gɛ́ nwąną kulɔ, yɛ lɔiɠaa lɔ ɲéé mu.

Mąątɛ̨nɛ̨ 18:25

Ya ɓə gɛ, Yai-Laa yɛ və́la kulɔ, yɛ bələi nwɔ́ tələnmolaa kaa la; yɛ bələi ɲéé mąąhəɠɛɛ kɛ la ɲɛ̨i ɓa.

Mąątɛ̨nɛ̨ 18:1

Nwələ ɲɛ̨itɔwɔmun, Yai-Laa nwɔ tí mun Davidə nwɔ wələ woo; Yai-Laa ɓə gaa hvaai bɔ nwələi ŋɛ̨i hu, a ɲələi ŋɛ̨i Yai-Laa ə gulɔ laa ɲowoɠaa yəi, gəlee ə mą kɛ, Saulə.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Samuɛlə dɔlɔɔ 18:30

Filisti kɔ́ nwun nąmįną di kɔ́ muhəɠə, kɛlaa, gɔ́ muhəɠə pələ tɛitɛi di yəi, gɔ́ ə kɛi nɛɛ Davidə ɓa, yɛ tɛɛ Saulə yee pɔ nuą kəlee diɛ. Davidə laa ə tɛ kpɔ kɛnɛ̨.

Samuɛlə dɔlɔɔ 24:16

Gɛ́ Yai-Laa ə mɛ̨nįi ŋɛ̨i hutɔɔ, ə tɛ̨ą ɓo gwa yɛ́ gu lɔwai, ə mą́ą́ mɛ̨nį hu kpɛɛ, yɛ mą́ą́kɔ̨nwɔ̨, ə nwɔ́ tɛ̨ą kulɔ pɔ̨nɔ̨ŋą, a gúlɔi a mo ə́ yee ɲąi.»

Samia Veerɛi 4:9

Davidə ə Rekavə da nąn non Baana, diɛi kɛ a Beerotə mun Rimɔn lonnii, ə di woo pulu pənə, yɛ diɛ: «Yii kpɔ Yai-Laa kaa a vulú, yaai gúlɔ ɉáá mɛ̨nį kəlee hu,

Mąątɛ̨nɛ̨ 34:20

Mɔ̨nɔ̨ tamąą da hee tələnmomun ma, Kɛlaa, Yai-Laa a gulɔ gəlee hu.