Samuɛlə dɔlɔɔ 26:10 - Yálá laawoo hɛɓɛ (dc)

¹⁰ Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Yálá laawoo hɛɓɛ

¹⁰ Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Bible

¹⁰ Yâwɛɛ a pâi Sɔ̂ɔ paâi ǹyaa kpîŋ tãi nɔ́ ǹyaa Yâwɛɛ gáa la ɣele mai kpaa máŋ é sáa gbɔ́ɔi yee ma kpaa máŋ kɔ̂i.

Samuɛlə dɔlɔɔ 26:10 Referans Kwoze

Dutɛrɔnome 31:14

Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Zɛnɛse 47:29

Israɛlə kɛɛ kɛa pai laai nąnni kwɛlɛ, ə non Ɉosɛfə təli, yɛ mą: «Akɛ nwɛ́li kaa yɛ́, ə́ wɔ wɛlikɛmąą da ə́ wɔ kulɔ nwoo ɓa laa lɛ mą́ą́; və́ bɔ gámą́ hvo kɛ ɓɛ Eziptə lɔi hu. Akɛ ə́ yee kaa nwóó tii mu, ə́ yee lɔ nwɛ́lɛ mu!

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Samuɛlə dɔlɔɔ 31:6

Bələ ɓə Saulə da nonnii haaɓai bɛlɛɛ nwɔ ɓíítiɛ̨i ɓa, da Saulə nwɔ nuą kəlee di haa la a voló tɔ̨nɔ̨i tii.

Samuɛlə dɔlɔɔ 25:38

Hvóló pow kulaa ɉu, Yai-Laa ə Navalə kɛlɛ, ə haa.

Samuɛlə dɔlɔɔ 25:26

Kɛlaa, nwɔ́ mɛ́ni nąmu, Yai-Laa laa hu, ɛlɛɛ, yɛ́ kpįnįi ə́ laa mąą mɛ̨nį ɓa, Yai-Laa ka tii kpəɲąn ə́ tɔwɔ, hvo ə́ yee lɔ li nu paa mɛ̨nį hu. Hvo ə́ lɛɛ li laa yɛ́ ə́ nwąną kulɔ yɛ kpįnįi. Yálá ə gɛ, ə́ yowowɠaa da nuąi mɛ̨nį ɲɔ̨n gili kaa di kwəi yɛ hvilɛn na yɛ́, di ɲąąkpɛɛi ə kɛ yɛ Navalə.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Ikilisiati 3:2

Nu kaai yələ kaa mą, nu haa yələ yɛ ɓo mą. Hihɛn ɉin ɲələ kaa mą, gulɔi yələ yɛ ɓo mą.

Mąątɛ̨nɛ̨ 94:23

Aa di wɔ túwɔ́ pələ ɲɔ̨nŋaa yɛɛ a di nwun, aa di hukala a di kpɔ kpɔɔ kili ɲɔ̨nwɔ̨ɔ̨i ti; Yai-Laa ku wɔ Yálái aa di hukala.

Mąątɛ̨nɛ̨ 37:10

Nąą wolo aa lɛɛ tiikpə, nui hva Yálá mąąwiɛ, yɛ pili; yá bɔɔ kwɛli, hvá kɛa gaa.

Zôo 14:14

Kɛlaa, nu kan a haa, a pənə ə nwun? Nwɔ́ mɔ̨nɔ̨i hu, ŋą́ pɛli kɛ nąą mąąkpɔn ɉii, ə lɛɛ ɉu mą́ą́hvalin ɲələ ə həli.

Zôo 14:5

Mąąhɔlɔɓo, nu nwɔ yɛnɛ̨ɛ̨ ɲɛn, naai, nwɔ yɛnɛ̨ɛ̨ ɲąnin gəlee nonon ŋąąi, ə lɛɛ nwɔ yɛnɛ̨ɛ̨ gbəlai ə ɓo mą.

Zôo 7:1

A kɛ ti, koló gbɛli lɔ hvəi nu kan a gɛ yɛnɛ̨ɛ̨ ɓɛ, kɛlɛi a nwɔ yɛnɛ̨ɛ̨ kɛ lɔ yɛ pɔlɔ tɛ?

Samuɛlə dɔlɔɔ 24:15

Gbɛɛ ɓə tii Israɛlə tɔɔmun gaa kɔ́ pɛlɛi mąi? Gbɛɛ ɓə tii vilɛn ŋąą bulu yɛ gbɛi? Yilɛ powai li mɔ̨ɔ̨, a wala kɛ tii, kpə-kpə ta li!

Hebreu 10:30

Nui ŋɛ̨i kɛ mą: «Ɲą́ą́ ɓə ŋą́ nwąną kulɔ kɛ, ŋą́ą́ ɓə ŋą́ mɛ̨nį kwələ kulɔ!» Gu gɔ́lɔn, ɛlɛɛ, nwɔ̨nɔ̨: «Gu Ną́mu ɓə pai ŋą nu huwui kiti teei.»

Samuɛlə dɔlɔɔ 24:12

Nán! Ə́ ɲɛ̨i hee ɓɛ, ə́ wɔ həɠəi gbuɔ ta kaa ɲéé ŋą. Ŋą́ ə́ wɔ həɠəi ta tee mą, ɛlɛɛ, və́ ə́ paa li. Ə́ kili ə pu ɉu, ɛlɛɛ, ə́ gbaɠala kaa, yɛ́ kiliŋąhiɛ ɲɔ̨nwɔ̨ɔ̨ hvo gwə́i yɛ hvilɛn na yɛ́, və́ ta tɔɔ li ə́ la; və́ ta ɓaɠaɓo li yɛ́. Yɛ́ lɔ ɓə yáá hvilɛn búlu, yáá ɓaɠaɓo mą́ą́ yɛ́ ə́ báá.

Samuɛlə dɔlɔɔ 25:39

Davidə ə Navalə haa mɛ̨nį bələ mɛ̨n, yɛ diɛ: «Mąąwiɛ ə kɛ Yai-Laa ɓa, aa mą́ą́ tɛ̨ą ɓo nwumɛ̨ mɛ̨nįi Navalə ə gɛ a ɲą́ą́ ɉu. Ɛlɛɛ ə ɲee too nwɔ tí mun ɉu, yili hvo mɛ̨nį ɲɔ̨nwɔ̨ɔ̨ kɛ li. Navalə nwɔ mɛ̨nį ɲɔ̨n tii, Yai-Laa aa nwulu lɛɛ Navalə kpįnįi nwuɔ̨.» Davidə ə nuą tɔɔ, diɛ li Avigailə hu hvɛlii hilɛ tai mɛ̨nį ɓa.

Samuɛlə dɔlɔɔ 31:4

Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.