Samuɛlə dɔlɔɔ 25:33 - Yálá laawoo hɛɓɛ (dc)

³³ Lúwɔ́ ə kɛ ə́ wɔ kiliŋąhiɛ ɓa, yai kpəɲąn dɔ́wɔ́ háákələi, və́ ɲee too li nu paa mɛ̨nį hu. Və́ nwąną kulɔ li ɲą́ą́ gbíníi.

Yálá laawoo hɛɓɛ

³³ Lúwɔ́ ə kɛ ə́ wɔ kiliŋąhiɛ ɓa, yai kpəɲąn dɔ́wɔ́ háákələi, və́ ɲee too li nu paa mɛ̨nį hu. Və́ nwąną kulɔ li ɲą́ą́ gbíníi.

Bible

³³ Yá máŋ maa mɛɛi ŋa láa ma tɛ tɛɛ ípɔ. Í tûa-pere lɛ́lɛɛi a gɛ́ fí mɛni kpa kula ní ŋá dîai páa dísɔŋ fé zui.

Samuɛlə dɔlɔɔ 25:33 Referans Kwoze

Samuɛlə dɔlɔɔ 25:26

Kɛlaa, nwɔ́ mɛ́ni nąmu, Yai-Laa laa hu, ɛlɛɛ, yɛ́ kpįnįi ə́ laa mąą mɛ̨nį ɓa, Yai-Laa ka tii kpəɲąn ə́ tɔwɔ, hvo ə́ yee lɔ li nu paa mɛ̨nį hu. Hvo ə́ lɛɛ li laa yɛ́ ə́ nwąną kulɔ yɛ kpįnįi. Yálá ə gɛ, ə́ yowowɠaa da nuąi mɛ̨nį ɲɔ̨n gili kaa di kwəi yɛ hvilɛn na yɛ́, di ɲąąkpɛɛi ə kɛ yɛ Navalə.

Hanwon 28:23

Nui a tɛ̨ą ɓo mɛlan ma, a ɉutɔɔ, yili viɛlaɓoɔi, ə tɛɛ la nui a nɛ̨ɛ̨i gwɛli mɛlan ɲəi a laa nɛ̨ɛ̨ mąą, ɓa.

Hanwon 27:21

Da wali hu waa huluun ɉu, diɛ hɛni hu waa nwɔ̨n ɉu, nu nwɛi, ɉutɔɔ hɛn mąą ŋą túwɔ́ pələ lɛlɛi nuą da dɛ.

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Hanwon 17:10

Mɛ̨nį toɔ kilimąą mun ma, dɔlɔ kaa mą, ə tɛɛ hvaɠa ɲąą nwun dɔ̨nɔ̨ kulaa kilikpɛɛgwəi mun ɉu, ɓa.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Samuɛlə dɔlɔɔ 25:31

Mąą hvo nɛ̨ɛ̨li hvo tɔɔ takpa-takpa, yɛ́ ɲąmą pu, yɛ́ kɛ diɛ ə́ kaa ə nwąną kulɔi. Hvo túwɔ́ a viyen ŋąą. Ɛlɛɛ, ɲələi Yai-Laa a ɲɛ̨i lɛlɛ hee la nwɔ́ mɛ̨nį nąmu ɓa, ə gili lɛɛ nwɔ luwɔnɛ̨ąi hu.»

Samuɛlə dɔlɔɔ 24:19

Yáá ə́ wɔ mɛ̨nį lɛlɛ pələ lɛ, a dúwɔ́ taaləi ŋɛ̨i yáá mo a ɲą́ą́i haakələi. Yai-Laa aa kɛ nɔ́ ə́ yee ŋą, kɛlaa, hvo báá li.

Lɛɛ gbɔwɔ ɓa 22:2

Kɛlaa, kɛɛ hu a kɛ a bonɔɔ, hvóló yɛ hɔɔ, da ɲąmą kwələ kulɔ. Nu a nwuɔ̨ kɛ, a nwuɔ̨ mɛ̨nį kpɛɛ; hɛn da a wala kɛ nwuɔ̨mun ɲəi, yɛ pɛli mąą mɛ̨nį kpɛɛi la, mąąnɛ̨ɛ̨ di nɔwɔtɔɔ di nwuɔ̨ mɛ̨nį kpɛɛ la.

Hanwon 13:14

Kilimąą mun a mɛ̨nį lɛ nu ɓa, gaa a yɛnɛ̨ɛ̨ yáton, a gɛ, nu yɛ pɛli haa nwɔ hɛlɛnŋąą mąąlaai.