Samuɛlə dɔlɔɔ 25:29 - Yálá laawoo hɛɓɛ (dc)

²⁹ Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.

Yálá laawoo hɛɓɛ

²⁹ Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.

Bible

²⁹ Í Ɣâlai Yâwɛɛ a pâi ímɛi kâai é íŋuŋ ma ƃó íkpɔara-ƃelai yêi da kɛ̀ ŋ̀wɛ̂lii dí í páa. Kɛ́lɛ a pâi dífulu-laai kûlai díyêei a maa féla é tɛ́ɛ la berei ma ya kɔni pîli la a í vûu-mai.

Samuɛlə dɔlɔɔ 25:29 Referans Kwoze

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Malasi 3:17

Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Ɉeremi 10:18

Yai-Laa woo li, yɛ diɛ: Yii hu nwɛi, gáá nuą kəlee kulɔi nɔi; gɛ hvilɛn di pulu kpɔ hɔɔlɛɛ, ə gɛ, di hvo pa lan ɲə́i.

Mąątɛ̨nɛ̨ 116:15

Yai-Laa nwɔ nuą haa mɛ̨nį, a nwąną mą kpɔ kɛnɛ̨.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Ɉaan 17:23

Kwa diɛni ku kɛ ɉu tɔ̨nɔ̨, yɛ pɛlɛi gu kaa la ɉu tɔ̨nɔ̨, ə gɛ, di wɔ yee lɔ gee hu laa ə kɛ tɔ̨nɔ̨, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́, ə lɛɛ, yáá di wɛli la kɛ, yɛ pələi ə́ nwɛ́li la kɛ la.

Mąątɛ̨nɛ̨ 66:9

Yaa tii ɓə gu laa hɔnmoi yɛnɛ̨ɛ̨, hvo gu lɛɛ li laa, guɔ tɔɔ takpa takpa.

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Samia Veerɛi 4:8

Di pa a Isbosɛtə nwun galən Davidə pɔ, Hebrɔn. Diɛ tɔɔmun ma: «Saulə lon Isbosɛtə nwun galən ga, ə́ yowoi kɛi ə́ paa pələ kwɛlii. Yai-Laa aa kuɔ mɛ̨nį Nąmu nwąną kulɔ kpɔ tɛ̨ɛ̨tɛ̨ɛ̨ háákələi Saulə ɓa da ɉuwuhu.»

Mąątɛ̨nɛ̨ 54:3

Yálá, 'ə́ laa mąą mɛ̨nį ɓa, málo, nwɔ́ tɛ̨ą mɛ̨nį kulɔ pɔ̨nɔ̨ ŋą a ə́ wɔ kuláálaa.

Zôo 27:22

Da ɉɛn, di hva mąąwɛli kaa, a gilɛ həɠə, yɛ kɛ ə tee donwą tɔwɔ,