Samuɛlə dɔlɔɔ 25:23 - Yálá laawoo hɛɓɛ (dc)

²³ Avigailə ə Davidə kaa, ə həɠə ɉoohvaalən mɛ̨i a mąąhulaa, ə hvilɛn. Ə pɛlɛ nɔi ɓa, ə kwɛli hvilɛn Davidə lííla.

Yálá laawoo hɛɓɛ

²³ Avigailə ə Davidə kaa, ə həɠə ɉoohvaalən mɛ̨i a mąąhulaa, ə hvilɛn. Ə pɛlɛ nɔi ɓa, ə kwɛli hvilɛn Davidə lííla.

Bible

²³ Aƃigee kɛ́ɛ a Deeƃé káai, è kùla ŋɔwɛlɛ-sôoi mɛi é pîlaŋ a maa félaa é ŋuŋ ma pîlaŋ ŋ̀ɛ́i túɛ.

Samuɛlə dɔlɔɔ 25:23 Referans Kwoze

Samuɛlə dɔlɔɔ 20:41

Nokoloi ə pənə ə li. Davidə ə muhəɠə ɓɛi tii ə kɛ laa ɉɛɠɛɛ pələ, ə pɛlɛ nɔi ɓa, ə gwɛli hvilɛn gee mɛ̨i haaɓa. Yili pulu, di di kee nɛ̨nɛ̨ɓo, di nu hvelɛi di wɔlɔ kpɔ kɛnɛ̨, Davidə nwɔ wɔlɔi yee ə tɛɛ mɛlan ɓa.

Nwun mąąɓo 1:14

Aksa ə lɛɛ kpɔlɔ pai, ə lɔ ɉilɛ hu, yɛ kɛ yili ɓa, ə tíi kɛ lɔi hvɛli nąn ma. Aksa ə həɠə nwɔ hoohvaalən mɛ̨i, ə hvilɛn, Kalɛbə yɛ mą: «Lə ɓə ə́ kaa bɔ?»

Zasua 15:18

Pai nɛ̨ɛ̨non ə mo ɉilɛ pɔ, ɉilɛ yɛ mą: tíi kɛ lɔwɔ hvɛli ə́ nąn ma. Nɛ̨ɛ̨non ə kulɔ ɉoohvaalən mɛ̨i ə hvilɛn, nąn Kalɛbə yɛ mą: lə ɓə ə́ kaa bɔ?

Samuɛlə dɔlɔɔ 24:8

Nwooɠaa tii ɓə Davidə ə nwɔ nuąi kpɛla la bələi, hvo hvaa mą di hvo di yee pɛlɛ Saulə ɓa. Saulə ə muhəɠə, ə kulɔ gwɛni wolo hu, yɛ nwɔɔ li ɓo.

Rutə 2:10

Nąąlɔwai, Rutə ə pɛlɛ Boozə kɔ́wɔ mu nɔi ɓa, yɛ mą: «Lə ɓə kɛ yai ə́ mɛ̨inɛ̨ɛ̨ kɛnɛ̨i kɛ mą́ą́ hvo gɔ́lɔ́n; gɛ́ ɓo a nwɛ̨ą?»

Samuɛlə dɔlɔɔ 25:24

Yili pulu, ə too gɔwɔ mun, yɛ mą: «Ɲą́ą́ ɉɔ́n ni nwɔ́ mɛ̨nį nąmu, ə́ wɔ luwɔnɛ̨ąi lɛɛ laa ə pələ wolo ɓo yɛ́, ə́ wəli tɔɔ ə́ wɔ luwɔnɛ̨ąi woo ɓa.

Samuɛlə dɔlɔɔ 25:41

Avigailə ə muhəɠə, ə pɛlɛ niiɓa nɔi ɓa, ə kwɛli hvilɛ Yálá ɓa, yɛ mą: «Ə́ wɔ tímun kaa a luwɔ-nɛ̨ą, váái mą gɛ́ nwɔ́ mɛ̨nį nąmu yee pɔ nuą kɔ́wɔ mąą waa.»

Samia Veerɛi 1:2

Voló ɉaaɓa yələ, hulɔnon da ə həɠə Saulə nwɔ kɔ́ ɓuwui la pələ, mąą həɠəɠaa huɓɛlai kɛ, pɔlɔ puɔ nwuɔ̨. Həli ə mo Davidə ɓa, ə pɛlɛ nɔi ɓa.

Samia Veerɛi 9:6

Mefibosɛtə yai a Ɉonatan lon, yɛ ɓo a Saulə mąnįn, ə pa ə həli Davidə ɓa, ə pɛlɛ nííla. Davidə yɛ mą: «Yɛ́ ɓə da kɛ yɛ́ Mefibosɛtə?» Yili yɛ mą: «Ee! Ə́ wɔ tímun ka!»

Samia Veerɛi 14:4

Tekoa nɛ̨ɛ̨nui tii ə li kɛa tɔɔmun bɔɔli, ə pɛlɛ niiɓa nɔi ɓa, yɛ kɛ diɛ: «Ka pa mą́ą́, ə kə nwɔ́ tɔɔmun!»

Samia Veerɛi 18:28

Ahimaasə ə tomą kpɔ, yɛ tɔɔmun ma: «Nąą lɛlɛɛi ɓə!» Ə pɛlɛ nɔi ɓa, ə kwɛli hvilɛn tɔɔmun ma, yɛ mą: «Mąąwiɛ kaa Yai-Laa ə́ wɔ Yálá ɓa, nuąi kɛ di muhəɠɛɛ nwɔ́ mɛ̨nį nąmu tɔɔmun naa ɓa; Yálá aa ə́ yee tɛɛ gəlee ɓa.»

Kɔlɔnikɔ Maa-ŋuŋ 21:21

Davidə ə nɛɛ mą, ə li Ornan pɔ, Ornan ə tinɛ̨n ə Davidə kaa, ə kpɛla góló ɓa, ə pa, ə gwɛli hvilɛn Davidə ɓa, ə pɛlɛ nííla nɔi ɓa.