Biblia Todo Logo
Bib sou entènèt

- Piblisite -




Samuɛlə dɔlɔɔ 25:21 - Yálá laawoo hɛɓɛ (dc)

21 Davidə ə kɛi mo yɛ kɛ diɛ: «Akɛti, kpɛli ɓə tii ŋą́ gɛ gɛ́ ɉulɔnui tii yəi hɛnŋaa mąąkpɛ nɔi pun ɉu, da lɔpee hvo pili li ɉui? Daa mɛ̨nį mɛ̨inɛ̨ɛ̨ pɔɔ kulɔ mą́ą́ a mɛ̨nį ɲɔ̨nwɔ̨ɔ̨.

Gade chapit la Kopi

Yálá laawoo hɛɓɛ

21 Davidə ə kɛi mo yɛ kɛ diɛ: «Akɛti, kpɛli ɓə tii ŋą́ gɛ gɛ́ ɉulɔnui tii yəi hɛnŋaa mąąkpɛ nɔi pun ɉu, da lɔpee hvo pili li ɉui? Daa mɛ̨nį mɛ̨inɛ̨ɛ̨ pɔɔ kulɔ mą́ą́ a mɛ̨nį ɲɔ̨nwɔ̨ɔ̨.

Gade chapit la Kopi

Bible

21 Deeƃé è kɛ̀ môi ǹyɛɛi, “Tɔ̃yâ ma ŋá kɛ̀ nɔ́ ŋ́gbɔɔi fée kpɛɛi ŋ́gɛ Neeba ŋɔsãai mɛi kâa vɛɛ-kpalaŋ su, ŋ́gɛ gɛ̀ núu da fé da ŋuma ní. Ŋá kɛ̀ mɛni lɛ́lɛɛ kɛ̂i la. Kɛ́lɛ a ḿvela fé a woo-yɔŋ.

Gade chapit la Kopi




Samuɛlə dɔlɔɔ 25:21
19 Referans Kwoze  

Nui a mɛ̨nį lɛlɛɛ kwələ kulɔ a mɛ̨nį ɲɔ̨nwɔ̨ɔ̨, mɛ̨nį ɲąąnwąnąą hva tee ɲəi bɛlɛ́n.


Woo ɲɔ̨n, liikələn gwəi, lííholi, lii ɲąnwąną, háŋąmąą da lalan, mɛ̨nįɠaa tii di mąą hvo nɛ̨ɛ̨li ká lɔwai, da nwąnąlɔɔ huwui lɔpee gəlee.


Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.


'Hvó nɛɛ laa mɛ̨nį ɲɔ̨n ɲee hvo tɛɛ yɛ́, kɛlaa, ə́ yee ə tɛɛ mɛ̨nį ɲɔ̨n ma a mɛ̨nį lɛlɛɛ kɛɛ.


Mąąhɔlɔɓo, akɛ Yálá liiɓa ɓaa, nu ə mɛ̨nį lɛlɛɛ mąą mɔ̨nɔ̨ mįi, yili viɛlaɓoɔi ə tɛɛ mɛ̨nį ɲɔ̨n gɛɛ ɓa.


Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.


'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.


Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.


Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.


'Liiholi lɛɛ laa, ə́ nii kələn gwəi lɛɛ laa. 'Hvó ə́ líiholi, naa kulɔi hvo lɛlɛ li.


Ŋą́ mɛ̨inɛ̨ɛ̨ kɛ diɛ, diɛ gwələ kulɔ a mɛ̨nį ɲɔ̨n, ɲą́ą́ dɔ̨nɔ̨ ka kɛa, ŋą́ą́ lɛɛ.


Nu kpɛli-kpɛliɠaa, da nuąi laa hvo diɛ di lonnii da di kpɛ nɔi a gbɔnŋaa.


Davidə yɛ nwɔ nuąi diɛ: «Nu kəlee ə nwɔ kɔ́ kɔ́ ɓɔwai kpulɔn nəŋəi.» Di kəlee di di wɔ ɓɔwaɠaai həɠə, Davidə yaa kpɛli ə nwɛi həɠə. Di kəlee di kɛ yɛ nu nwun nąąn ɲɔ̨nwɔ̨mąn, di hvilɛn Davidə pulu. Nu nwun veelɛ ə lɛɛ diɲɛɠaa kwɛlɛ.


Di kulaa daai, di hvo kpɛli li kwɛa la, Ɉosɛfə yɛ nwɔ nui tii ɓa: «Hvilɛn nuąi tii pulu, ya həli diɛ, ə́ di mąąnikɛ, yɛ diɛ: ‹Lə mɛ̨nį ɓa ka mɛ̨nį lɛlɛɛ kwələ kulɔ a mɛ̨nį ɲɔ̨nwɔ̨ɔ̨?


Ŋą́ą́ bələ mɛ̨n, diɛ di kaa taatɛlɛɛɠaa ləɠa teei ə́ pɔɔli, ə həli yɛ́, kwa ə́ wɔɔ taatɛlɛɛ mɛ̨i kaa nuąi ku kɛ ku kee pɔ, di hvo di mɔ̨nɔ̨ ɓo, hɛn da hvo pili di yəi, volóɠaai kpɔ tii di gɛ Karmɛlə yee nwuɔ̨.


Ɛlɛɛ, yaan, nuąi tii di kɛi ku hon gbɔ a nɛlɛɛ, ɓɛlɔwai kwa diɛni ku kɛ la ku kee ɓa, kuɔ tɛ, kuɔ yɛɛ, di hvo ku mɔ̨nɔ̨ ɓo. Ɓɛlɔwai kwa diɛni ku kɛ la gbomoi, hɛn da hvo pili ku yəi.


Ə tɛ hoohvaalən mɛ̨i, gɛɛ ɲee yɛɛi bələ hu heei ta, Davidə da nwɔ nuąi di kɛi yɛɛ nąą pələ. Da diɛni di kwiɛn.


Swiv nou:

Piblisite


Piblisite