Samuɛlə dɔlɔɔ 25:17 - Yálá laawoo hɛɓɛ (dc)

¹⁷ Mɛ̨nį a kɛ tii, hvo kɛli ə́ gɛ pələ kwɛli mą, yii yá pɛli gɛi, ə́ gɛ. Mąąhɔlɔɓo, ku ną́mu da nwɔ pɛlɛ́i kəlee di nwun na pili mɛ̨nį hvo pai ɉəɠəi mą. Nwɛi tii nwɛi, nu kpoloon ni, nu hva pɛli mɛ̨nį ɓoi mą.»

Yálá laawoo hɛɓɛ

¹⁷ Mɛ̨nį a kɛ tii, hvo kɛli ə́ gɛ pələ kwɛli mą, yii yá pɛli gɛi, ə́ gɛ. Mąąhɔlɔɓo, ku ną́mu da nwɔ pɛlɛ́i kəlee di nwun na pili mɛ̨nį hvo pai ɉəɠəi mą. Nwɛi tii nwɛi, nu kpoloon ni, nu hva pɛli mɛ̨nį ɓoi mą.»

Bible

¹⁷ Gáa a wolii kpɔ̂lɔ nuu. Vá ŋ̀óli tɔ̀ɔ núu da kpɛ́ni ma. Í faa pɔri mɛni da kɛ̂i? Ye kpera yɛ, ye mɛni da kɛ́! A wàla kɛ́ tí Kúnuu-namui da ŋɔnûai, é pɛ́lɛ dîai kélee tíi kɛ̂i mìi da pâi kɛ̂i mɛni kpɔ̂lu su.

Samuɛlə dɔlɔɔ 25:17 Referans Kwoze

Samuɛlə dɔlɔɔ 20:7

Tɔɔmun a kɛ diɛ: ‹Mɛ̨ni lɛlɛɛ li.› Ə́ wɔ tí mun lii a laa. Kɛlaa, nii a kələn gwəi, ə́ kili ə pu ɉu yɛ kɛ diɛ, aa báá mɛ̨nį mąą kili tee gwəi.

Dutɛrɔnome 13:13

Daaɠaa tii Yai-Laa ka wɔ Yálá kaa dɛɛ ka pɔ ka hee ɉu, ka mɛ̨nįi tii bələ mɛ̨n da hu,

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Kɔlɔnikɔ Veerɛi 13:7

Ya ɓə, toonwunma nuą da nu kpoloonŋąą, di di ɲąąkpɔn gwɛlɛ, di tɔɔ Salomɔn lon Roboamə la. Roboamə ə kɛ a hulɔnon, nii hvo kɛ kpələ li, hvo pɛli tɔɔi di tɔwɔ.

Tɔɔɓɛlaa dɔlɔɔ 21:13

Nu kpoloon veelɛi tii di lɛɛ pɛlɛ Nabɔtə ɓa nuą kəlee ɲɛ̨i ɓa. Diɛ kɛ mą: «Nabɔtə aa Yálá da tɔɔmun di nɛ̨ŋɛ̨n naa.» Ɲąąɓa, di Nabɔtə kulɔ taai, di lɛɛ ɉɔɔi a kwɛni, ə lɛɛ la ɉu ə haa.

Tɔɔɓɛlaa dɔlɔɔ 21:10

Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»

Samuɛlə dɔlɔɔ 25:25

Nwɔ́ mɛ̨nį nąmu, hvo ə́ kili lɛɛ Navalə nu kpoloon tii ɓa; naa kpɔ-kpɔɔ li, naa ɓaa: Nu kpoloon. Ɛlɛɛ, nu kpoloon naa hvilɛn ŋaai bulu. Kɛlaa, nwɛ́i, ɉilɛlɛai nwɔ́ mɛ̨nį nąmu ə di tɔɔ, və́ di kaa.

Samuɛlə dɔlɔɔ 20:9

Ɉonatan yɛ mą: «Yili a lee kɛ a mɛ̨nį ɲɔ̨nwɔ̨ɔ̨ kɛnɛ̨. Ŋą́ gbaɠala kaa kpɔ gɛ́ kɛ ną́n aa ə paa kili tee gwəi a tɛ̨ą, ŋą́ ɉukulɔ yɛ́.»

Samuɛlə dɔlɔɔ 2:12

Eli lonnii di kɛ a nu kpoloonŋaa, Yai-Laa mąą mɛ̨nį hvo kɛ di ɲɛ̨i ɓa a hɛn da.

Nwun mąąɓo 19:22

Ɓɛlɔwai di kɛi di laa mįi la, nu kpoloonŋaai kɛ laa daai, di bɛlɛ́ mąątínɛ̨n, diɛ gbon gɛlɛ, diɛ kɛ bɛlɛ́ nąmu hulɔgoloi ɓa: «Ɉulɔnui ŋɛ̨i ə́ naa ə́ yəi bɛlɛ́n, gulɔ ɲɛnɛ̨ɛ̨, ku kaa bɔ ku laa la.»

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Samuɛlə dɔlɔɔ 25:16

Diɛ ɓə kɛi ku mąąkpɛ, hvóló da kpįnį, ɓɛlɔwai kwa diɛni ku kɛ la ku kee pɔ, ku ɲɛ̨i ə ɓo daatɛlɛɛɠaa diɛ.

Samuɛlə dɔlɔɔ 25:18

Avigailə ə mąąhulɔ, ə lɛɠɛ nwun veelɛ həɠə, ə bɛlɛ lɔɔ ɓala hveelɛ ɓa, da ɓɛlaa looli, aa kɛ baa aa ɲili; kpai kɔ́w yələn ŋąą gəgən ɉu lɔɔli, viɲə kpaɠa nwun dɔ̨nɔ̨, ə ɓo a gbalaa, nwɔ̨mįi nwun veelɛ di pɛliɛ a ɓolaa, ə gəlee laa hoohvaalən bulu,

Samia Veerɛi 24:13

Gadə ə li Davidə pɔɔli, yɛ mą: «Ə́ hvaa mą kwɛlan ɉaaɓa púlu ə too yɛ́, awala kɛ tii, ə́ yowoɠaa yee ə tɛɛ yɛ́ kɔ́ hu ɲąnįn ɉaaɓa yee mu, hvá pɛli kulɔi di wɔɔ kɔ́ kɔ́ ɓɔwaɠaai yəi; awala kɛ tii, hvóló haaɓa ə́ gɛ Yai-Laa nwɔ kɔ́ kɔ́ ɓɔ́wai yee mu, da Yai-Laa nwɔ kɛɛ kala malaka ə pa, ə hiɛ nɔi nąą kəlee a lɔi kala ɲɔ̨n. Yili ɓa, ə́ kiliŋąhiɛ, nɛlɛ ɓə ə́ hvaa mą, woo ɓo mą́ą́, ŋą́ li, ŋą́ mo nui dɔ́ɔ́ mą.»

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.