Samuɛlə dɔlɔɔ 23:2 - Yálá laawoo hɛɓɛ (dc)

² Davidə ə Yai-Laa mąąnin gɛ, yɛ mą: «Akɛtii, mąąnɛ̨ɛ̨ ŋą́ li ŋą́ kɔ́ pɛlɛ Filisti nuą diɛ?» Yai-Laa yɛ Davidə ɓa: «Li ə́ kɔ́ pɛlɛ diɛ, ə́ yee kaa li lɔi ə́ Keila taa nwun mąąɓo.»

Yálá laawoo hɛɓɛ

² Davidə ə Yai-Laa mąąnin gɛ, yɛ mą: «Akɛtii, mąąnɛ̨ɛ̨ ŋą́ li ŋą́ kɔ́ pɛlɛ Filisti nuą diɛ?» Yai-Laa yɛ Davidə ɓa: «Li ə́ kɔ́ pɛlɛ diɛ, ə́ yee kaa li lɔi ə́ Keila taa nwun mąąɓo.»

Bible

² Nya ƃe Deeƃé è Yâwɛɛ marê kɛ̀ ǹyɛɛi, “Ŋá kɔ́ pɛ́lɛ Felesia-ŋai ŋí dîa?” Yâwɛɛ è ŋ̀óo su tòo ǹyɛɛi, “Óoei, kɔ́ pɛ́lɛ dîa í Keila ŋuŋ ma ƃó.”

Samuɛlə dɔlɔɔ 23:2 Referans Kwoze

Samuɛlə dɔlɔɔ 23:4

Davidə ə pənə nwɔ̨nɔ̨ ə Yai-Laa mąąnin gɛ, Yai-Laa yɛ mą: «Hvilɛn bələ ɓa, ə́ li Keila daai, gáá lii yeetɛɛmąą tɛɛi ə́ pɔ Filisti nuą mɛ̨i.»

Samia Veerɛi 5:23

Davidə ə Yai-Laa mąąnin gɛ, yili yɛ mą: «Hvo bələ haŋą yɛ́ li woloi diɛ. Di mąą laa, 'ə́ laa di tɔwɔ, ka diɛni ka kwiɛn nwɛla koo ɓa, nwuluɠaa tii tənən ma.

Samia Veerɛi 5:19

Davidə ə Yai-Laa mąąni kɛ, yɛ mą: «Akɛti mąąnɛ̨ɛ̨ ŋą́ li ŋą́ pɛlɛ Filisti nuą diɛ a kɔ́, ə́ kaa pai di lɔi ɲéé ŋą?» Yai-Laa yɛ Davidə ɓa: «'Li! A tɛ̨ą, gáá pai Filisti nuą lɔi ə́ yee ŋą.»

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Samuɛlə dɔlɔɔ 30:8

Davidə ə Yai-Laa mąąnin gɛ, yɛ mą: «Ŋą́ pɛli hvilɛn ɉii nu kpului tii pulu, gáá pai di hon ɉii ɓai?» Yai-Laa yɛ mą: «Hvilɛn di pulu, ə́ kaa pai di hon ɉii, ə́ ə́ wɔ nuąi kaa, ə di kulɔ di yəi.»

Samuɛlə dɔlɔɔ 23:6

Ɓɛlɔwai Ahimelɛkə lon Abiatarə, ə pu la ə mąą kilɛ Davidə pɔɔli Keila, ə ɉaláá kulɔ həɠə həɠə yɛ paa la.

Zasua 9:14

Israɛlə lonnii di di wɔ kɔnɔ̨nŋaai hon, kɛlaa di hvo Yai-Laa mąąni kɛ.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Kɔlɔnikɔ Maa-ŋuŋ 14:10

Davidə ə Yai-Laa mąąni kɛ, yɛ mą: «Akɛti mąąnɛ̨ɛ̨ ŋą́ li ŋą́ pɛlɛ Filisti nuą diɛ a kɔ́, ə́ kaa pai di lɔi ɲéé ŋą?» Yai-Laa yɛ Davidə ɓa: «'Li! A tɛ̨ą, gáá pai Filisti nuą lɔi ə́ yee ŋą.»

Nwun mąąɓo 1:1

Ɉosue haa pulu, Israɛlə nuą di Yai-Laa mąąni kɛ, diɛ mą: «Ku lɔwai, bɛlɛ́ nɛlɛ ɓə pai tɔɔi ku tɔwɔ, kuɔ li pɛlɛi Kanaan nuą diɛ?»

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Samuɛlə dɔlɔɔ 10:22

Di Yai-Laa mąąnin gɛ, diɛ mą: «Nui tii ə pa mun ɓɛ ɓəi?» Yai-Laa yɛ diɛ: «Ya ka tii nooi diɲɛɠaa lɔwai.»

Samuɛlə dɔlɔɔ 23:3

Davidə pɔ nuą diɛ Davidə ɓa: «Ɉuda lɔi hu ɓə ku kaa ɲɔwi laa, akɛ kwa li Keila daai kɔ́ pɛlɛi Filisti nuą diɛ, yili a kɛ ləi?»

Samia Veerɛi 2:1

Mɛ̨nįɠaa tii kəlee tɛɛ pulu, Davidə ə Yai-Laa mąąnin gɛ, yɛ mą: «Akɛ tii, mąąnɛ̨ɛ̨ mɔ̨ɔ̨ ŋą́ li Ɉuda taa ta hu?» Yai-Laa yɛ mą: «Ee! Li.» Davidə yɛ mą: «Daa nɛlɛ ɓə ŋą́ li ɉu?» Yai-Laa yɛ mą: «Hebrɔn daai.»

Samuɛlə dɔlɔɔ 14:37

Saulə ə Yálá mąąnin gɛ, yɛ mą: «Ŋą́ lɛɛ Filisti nuą pulu? Awala kɛ tii, ŋą́ həɠə di pulu? Akɛti, gɔ́ kaa pai nɛ̨ɛ̨i Israɛlə nuą diɛ?» Kɛlaa, Yálá hvo Saulə woo pulu pənə a ɲələi tii.