Samuɛlə dɔlɔɔ 23:12 - Yálá laawoo hɛɓɛ (dc)

¹² Davidə ye mą: «Akɛtii Keila nuą kaa pai ɲą́ą́ kwa nwɔ́ nuąi ku tɛɛi Saulə pɔ?» Yai-Laa yɛ mą: «Di kaa pai ka lɔ ɲee ŋą.»

Yálá laawoo hɛɓɛ

¹² Davidə ye mą: «Akɛtii Keila nuą kaa pai ɲą́ą́ kwa nwɔ́ nuąi ku tɛɛi Saulə pɔ?» Yai-Laa yɛ mą: «Di kaa pai ka lɔ ɲee ŋą.»

Bible

¹² Deeƃé ǹyɛɛ m̀ai, “Nûa kpaya-kpayai Keila da pâi kwa ŋákɔ-kuluƃa-ŋai kútɛɛ̂i Sɔ̂ɔ pɔ́?” Yâwɛɛ ǹyɛɛ m̀ai, “Owoei da pâi gɛ̂i tí.”

Samuɛlə dɔlɔɔ 23:12 Referans Kwoze

Mąątɛ̨nɛ̨ 31:8

Gáá pai mąnąi a kwəinɛ̨ɛ̨, ə́ wɔ tələnmolaa mąą mɛ̨nį ɓa, mąąhɔlɔɓo yáá nwɔ́ mɔ̨nɔ̨i kaa, da mą́ą́wɛli pələ.

Samuɛlə dɔlɔɔ 23:20

A kɛ tii, tɔɔmun, yələi ya kɛ la bɔ ə́ pa laai, pa, kuɔ ɓə pa nɔi ə́ yee ŋą.»

Mąątɛ̨nɛ̨ 62:1

Nwələ ɲɛ̨itɔwɔmun, Yedutun Davidə nwɔ Yálá mąątɛ̨nɛ̨ wələ.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Samuɛlə dɔlɔɔ 23:7

Nuą di mo Saulə ɓa, diɛ mą: «Davidə aa li Keila daai.» Saulə ə mo yɛ diɛ: «Yálá aa nɔ ɲéé ŋą, mąąhɔlɔɓo, aa lɔ Keila, ɓɛi naa laa kpulɔɔ.»

Mąątɛ̨nɛ̨ 118:8

Nu ya ə́ lɛɛ ɲəi kɛ Yai-Laa ɓa, yili hviɛlaɓoɔi, ə tɛɛ nu lɛɛ ɲəi kɛɛ nuą diɛ, ɓa.

Nwun mąąɓo 15:10

Ɉuda nuą di di mąąni kɛ, diɛ mą: «Lə mɛ̨nį ɓa ka pa pɛlɛi kuɔ?» Filisti nuą diɛ diɛ: «Samsɔn hon mɛ̨nį ɓə ku paa la. Kwa ɉon, mɛ̨nįi ŋɛ̨i hiɛ ə naa kuɔ, ku da laa mą.»

Samuɛlə dɔlɔɔ 23:11

Akɛtii, Keila nuą kaa pai nɔ́i ɲee ŋą? Akɛtii Saulə kaa pai mɔ̨ɔ̨ yɛ bələi ə́ nwɔ luwɔ ə bələ mɛ̨n na? Yai-Laa Israɛlə nwɔ Yálá, ə́ wɔ luwɔi kilaa pɔ̨nɔ̨ mɛ̨nįi ŋɛ̨i hu.» Yai-Laa yɛ mą: «Tɛ̨ą li, gaa pai.»

Ɉeremi 11:18

Ɓɛlɔwai Yai-Laa, ə́ nwə́li lon doo la ɉu, gɛ́ gbaɠala kaa, nąąlɔwai ɓə ŋį́ di wɔ gbanalaai kaa la.

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.