Samuɛlə dɔlɔɔ 22:18 - Yálá laawoo hɛɓɛ (dc)

¹⁸ Tɔɔmun yɛ kɛa kɛ Doɛgə ɓa: «Yɛ́ ɓə, lɛɠɛ ɓɛ, ɉaláá laa həli nuą paa.» Edɔmə mun Doɛgə ə lɛɠɛ laa, yaa kpįnįi ə ɉaláá laa həli nuą paa. Mąą yələi tii, nu pow mɛ̨ihaaɓa kɔ́w lɔɔli ɓə ə di paa, diɛi kɛ a ɉaláá həɠə kwɛlɛɛ too nuą.

Yálá laawoo hɛɓɛ

¹⁸ Tɔɔmun yɛ kɛa kɛ Doɛgə ɓa: «Yɛ́ ɓə, lɛɠɛ ɓɛ, ɉaláá laa həli nuą paa.» Edɔmə mun Doɛgə ə lɛɠɛ laa, yaa kpįnįi ə ɉaláá laa həli nuą paa. Mąą yələi tii, nu pow mɛ̨ihaaɓa kɔ́w lɔɔli ɓə ə di paa, diɛi kɛ a ɉaláá həɠə kwɛlɛɛ too nuą.

Bible

¹⁸ Nya ƃe Sɔ̂ɔ è tìnaŋ Idɔŋ-nuui Doɛɛ pɔ́-naa ǹyɛɛ m̀ai, “Zâla láa soŋ-ƃelai ŋí páa!” Maa ɣelei tí Doɛɛ è Sâla láa soŋ-ƃela buu lɔ́ɔlu mɛi saaƃa káo lɔ́ɔlu pàa.

Samuɛlə dɔlɔɔ 22:18 Referans Kwoze

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Mise 6:16

Omri nwɔ tɔ́nŋaai ɓə ə́ yee kaa mą, da Akabə yəi bɛlɛ́n ɲii pələɠaa kəlee, bələi da ka tí la, bələ ɓə ka hiɛ la, yili mąą mɛ̨nį ɓa, gáá pai ɲɔw pilii nɔi hu, yɛ nɔi hu nuą mąą kpɛlin, gɛ́ di kɛ a yɛlɛ kulɔ ɉu hɛn, nwɔ́ nu huwuɠaai wɛli aa kpɛɛ mą́ą́ kpɔ tɛ́-tɛ́.»

Osia 7:3

Di túwɔ́ pələ ɲɔ̨nwɔ̨ pələ, di kaa tɔɔmun ɲɛ̨i lɛɛ pə́lə ɓa, da nɔi ɲąąwooɓo nuą, mąąhɔlɔɓo daa di woo kala.

Osia 5:11

Ɓɛlɛ a kpɛɛ Ɛfraimə ɓa, giti aa mąą mɛ̨nį pili ɉu, mąąhɔlɔɓo, aa gɛ a wəlii kpɔlɔ, yɛ gbɔwɔ tɔ́n bulu.

Kɔlɔnikɔ Veerɛi 24:21

Nɔi lonnii ɲąba lɔ Zakaria ɓa, tɔɔmun ə mo, di ɉɔɔ a kwɛni, di baa Yai-Laa ŋą pɛlɛ́i laaləi, gwəli hąąi.

Samuɛlə dɔlɔɔ 2:36

Ɛlɛɛ, ə́ yəi bɛlɛ́ nuą gbəliɠaai pai lɛɛi, di kaa pai kɛi pɛlɛi nií la, wali logolo mɛ̨nį ɓa, da kɔ̨nɔ̨n nogolo mɛ̨nį ɓa, diɛ kɛ mą: Nán! Dɔ́ɔ́ ɉaláá kulɔ kóló ta ɓa, gɛ́ kɔ̨nɔ̨n ɉɔlɔɓo, gɛ́ mįi.›»

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Lɛɛ gbɔwɔ ɓa 28:40

«Ə́ həɠə pɛli a Aarɔn lonnii di wɔɔ, ə́ hąą yili kɔ́lɔ pɛli diɛ; yili pulu, ə́ ɓɔlɔɠaa pɛli diɛ, yɛ di mąąɲinɛ̨n gɛ diɛ.

Mąątɛ̨nɛ̨ 78:64

Ɉaláá laahəli nuą di haa a ɓɔwa kwɛa laa pɔɔ, galaninŋaa di hvo pɛli nuą haa wɔlɔ ɓoi.

Hanwon 24:15

'Nwąnąlɔmun, 'hvó hɛlɛn dɛ tələnmomun nwɔ pɛ́lɛ́i ɓa, 'Hvó too nwɔ pɛ́lɛ́i mɛ̨i.