Samuɛlə dɔlɔɔ 20:5 - Yálá laawoo hɛɓɛ (dc)

⁵ Davidə yɛ Ɉonatan ɓa: «Tínąą ɓaa ɲąnin mįnɛ̨ hɛli, mąąnɛ̨ɛ̨ kɛ ŋą́ hee tɔɔmun gwɛlɛ kɔ̨nɔ̨n mįi kɛi lɔwai; kɛlaa, hvaa mą ŋą́ li ŋą́ nóo ɲɛɛ kɔ́wɔ hu, ə lɛɛ la ɉu hvəlaan yələwulii pɔ.

Yálá laawoo hɛɓɛ

⁵ Davidə yɛ Ɉonatan ɓa: «Tínąą ɓaa ɲąnin mįnɛ̨ hɛli, mąąnɛ̨ɛ̨ kɛ ŋą́ hee tɔɔmun gwɛlɛ kɔ̨nɔ̨n mįi kɛi lɔwai; kɛlaa, hvaa mą ŋą́ li ŋą́ nóo ɲɛɛ kɔ́wɔ hu, ə lɛɛ la ɉu hvəlaan yələwulii pɔ.

Bible

⁵ Deeƃé ǹyɛɛ Zonetaŋ mai, “Tínaa ƃa ŋ̀áloŋ ninai kuui. M̀aa nɛ̃ɛ̂i a gɛ́ɛ kwa ínâŋ kú gúui su mii-sɛŋ míi gîe ma. Kɛ́lɛ, ŋa pâi liî ŋá ńoo ǹɔɔi su. Ŋa pâi gɛ̂i naa a fólo feerɛ.

Samuɛlə dɔlɔɔ 20:5 Referans Kwoze

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Samuɛlə dɔlɔɔ 19:2

Ɉonatan ə Davidə gilaa pɔ̨nɔ̨, yɛ kɛ mą: «Nán Saulə kaa ə́ paa pələ kwɛlii, ə́ kpɔɔ mąąkpɛ a nɛlɛɛ. Tínąą yələwala pɔ, hee kpɔ kpɛ, ə́ ə́ loo.

Lonon mo 28:11

«Ɲąnin gəlee kɔ́wɔ tɔɔ hvóló, mąąnɛ̨ɛ̨ ka Yai-Laa kɔ́, a haláá hɛn da gəlee kələn, ka gɛ a nįŋɛ̨ hilɛ hveelɛ, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ. Kpɛɠii hva kɛ da ɓa.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Gɛlaɠaa 17:14

Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Mąątɛ̨nɛ̨ 55:12

Daa kwəi pələ, paa ɓo, toomɛ̨i da heemɛ̨i, di hva kpɛɛ gwəliɠaa hu.

Samuɛlə dɔlɔɔ 20:19

Hvəlaan, hvo nwɔ̨nɔ̨ pa, yá li ɓɛi tii hiɛ ə́ ə́ loo laa a ɲələi mɛ̨nį ə kɛ la, ə́ hee laa Ezɛlə kwɛni kwɛlɛ.

Samuɛlə dɔlɔɔ 20:6

Ə́ nąn a gbaɠala kaa yɛ kɛ və́ laa, kɛ mą: ‹Davidə ə ɉuhvɛli kpɔ a nwalawalaa, yɛ kɛ di nɛɛ laa ə li, ə kulɔ bɔ taai Bɛtleɛmə, mąąhɔlɔɓo, di kaa kwɛlan maa haláá kulɔi di ɲəi gwəlii.›

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Samuɛlə dɔlɔɔ 20:4

Ɉonatan yɛ Davidə ɓa: «Mɛ̨nįi kpɔ ə́ kaa bɔ ŋą́ gɛ, ŋą́ pɛli gɛi; yii kpɔ ə́ mąą mɛ̨nį ɓə.»

Samuɛlə dɔlɔɔ 20:18

Ɉonatan yɛ mą: «Tínąą ɓaa ɲąnin nįnɛ̨ nwɔ hɛli, di kaa pai gbaɠala kaai diɛ kɛ hvo laa, hvo gaai ə́ wɔ kpəlin kaa pai lɛɛi a vowolo.

Samuɛlə dɔlɔɔ 20:24

Davidə ə noo ɲɛɛ kɔ́wɔ hu. Ɲąnin nįnɛ̨ tɔɔ, tɔɔmun ə kɛ heeni kɔ̨nɔ̨n ma yɛ naa mįi.

Samuɛlə dɔlɔɔ 20:27

Ɲąnin nwɔ hvóló hveelɛ yələ, Davidə heei ə lɛɛ gbɔwɔ ɓa, Saulə yɛ non Ɉonatan ɓa: «Lə ɓə kɛ yai Ɉɛse lon hvo wɛi pa kɔ̨nɔ̨n mįi kɛi, ə mą kɛ háákələi?»

Amɔsə 8:5

Ka kɛ kɛi diɛ: «Mįnɛ̨ lɔwai ɓə ɲąnin nįnɛ̨ nwɔ hɛli puɔ kaa pai tɛɛi la, ə gɛ, ku ku wɔ mɔ̨nunŋaai lɔwɔ́tɔɔ? Ɛlɛɛ, mįnɛ̨ lɔwai ɓə túwɔ́ lɔwɔ a kpɛɛ la, ə gɛ, ku ku wɔ kɔ̨nɔ̨n gələɠaai laa ɓo? Ka kɛ ɉɛnŋąą kɔ́ɔn gəgənŋąą kpon dɛi ɉu, ə gɛ ɉu ɛlɛɛ tiikpə.