Samuɛlə dɔlɔɔ 20:41 - Yálá laawoo hɛɓɛ (dc)

⁴¹ Nokoloi ə pənə ə li. Davidə ə muhəɠə ɓɛi tii ə kɛ laa ɉɛɠɛɛ pələ, ə pɛlɛ nɔi ɓa, ə gwɛli hvilɛn gee mɛ̨i haaɓa. Yili pulu, di di kee nɛ̨nɛ̨ɓo, di nu hvelɛi di wɔlɔ kpɔ kɛnɛ̨, Davidə nwɔ wɔlɔi yee ə tɛɛ mɛlan ɓa.

Yálá laawoo hɛɓɛ

⁴¹ Nokoloi ə pənə ə li. Davidə ə muhəɠə ɓɛi tii ə kɛ laa ɉɛɠɛɛ pələ, ə pɛlɛ nɔi ɓa, ə gwɛli hvilɛn gee mɛ̨i haaɓa. Yili pulu, di di kee nɛ̨nɛ̨ɓo, di nu hvelɛi di wɔlɔ kpɔ kɛnɛ̨, Davidə nwɔ wɔlɔi yee ə tɛɛ mɛlan ɓa.

Bible

⁴¹ Ǹôloŋ kɛ́ɛ a lí lai, Deeƃé è kùla gɔni kpului kɔlɛ. È ŋ̀uŋ pìlaŋ ǹɔii ma gîei saaƃa Zonetaŋ ŋɛ́i túɛ. Da Zonetaŋ dí díla-gbɔ sèe gîe ma dí pɛ́lɛ wɔ̂lɔi. Deeƃé é wɔ̀lɔ kpɔ́ é tɛ́ɛ gɛ̂i ma.

Samuɛlə dɔlɔɔ 20:41 Referans Kwoze

Samuɛlə dɔlɔɔ 18:3

Ɉonatan da Davidə di mįnɛ̨ həɠə, mąąhɔlɔɓo, ə kɛi Davidə wɛli la kɛ yɛ gbinį.

Zɛnɛse 29:11

Ɉakɔbə ə Rasɛlə nɛ̨nɛ̨ɓo, yɛ wɔlɔ.

Gɛlaɠaa 20:37

Di kəlee di ɲɛ̨iyá ə too diɛ, di yili Polə ɓa, da diɛni di yələ wala gbəli-kpəli too di kee ɓa.

Samia Veerɛi 19:39

Tɔɔmun yɛ mą: «Ee! Ŋą́ą́ hvaa mą, kwa Kimhamə ni ku kaa lii, yii lɔpee ə́ kaa bɔ, ya ɓə gáá lii gɛi ma. Yii lɔpee a laa a ə́ lii, ya ɉuhvɛli mą́ą́, ya ɓə gáá lii gɛi ma, ə́ laa hu.»

Samia Veerɛi 9:6

Mefibosɛtə yai a Ɉonatan lon, yɛ ɓo a Saulə mąnįn, ə pa ə həli Davidə ɓa, ə pɛlɛ nííla. Davidə yɛ mą: «Yɛ́ ɓə da kɛ yɛ́ Mefibosɛtə?» Yili yɛ mą: «Ee! Ə́ wɔ tímun ka!»

Samia Veerɛi 1:26

Ee kə! Níikələnŋąąi gwə́i ə́ mąą mɛ̨nį hu Ɉonatan, ną́n non, ə́ wɛli aa lɛɛ mą́ą́ kpɔ kɛnɛ̨! Ə́ wɔɔ nɛ̨ɛ̨laa ə kɛ mą́ą́ a mɛ̨nį ŋąą nɛɛ. Ŋaa nɛɛi kɛ mą́ą́ ə tɛɛ nɛ̨ɛ̨nu nwɔ wɛlikɛ maa ɓa.

Samuɛlə dɔlɔɔ 25:23

Avigailə ə Davidə kaa, ə həɠə ɉoohvaalən mɛ̨i a mąąhulaa, ə hvilɛn. Ə pɛlɛ nɔi ɓa, ə kwɛli hvilɛn Davidə lííla.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Zɛnɛse 45:15

Ɉosɛfə da niɛni di kɛi di kee yee tuwɔ ɓo, diɛ wɔlɔ. Nąąlɔwai ɓə kɛa niɛni di kɛi pɛli hvaai la bɔ.

Zɛnɛse 43:28

Diɛ mą: «Ə́ wɔ tí mun, kaa laa kpɛli.» Di pənə di pɛlɛ nɔi ɓa kpɔ a ɉu kwɛa Ɉosɛfə kɔ́wɔ mu.

Zɛnɛse 29:13

Yii lɔ Laban ə mąąhala Rebeka lon ɉulɔnu pa mɛ̨nį bələ mɛ̨n, ə gilɛ həɠə, ə li ə Ɉakɔbə laakwiɛn, da yaa di pa bɛlɛ́ laaləi. Ə mɛ̨nį kəlee hukulɔ Laban ɓa.

Zɛnɛse 42:6

Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

Samuɛlə dɔlɔɔ 20:40

Ɉonatan ə donwąɠaa da gilɛn dɛɛ nokoloi tii pɔ, ə li la taai.

Zɛnɛse 33:4

Esau ə kpuluun yɛ li nəɠə laakwiɛn ɉi. Ə li, ə nəɠə nɛ̨nɛ̨ɓo, di wolo di kee ɓa, diɛ wɔlɔ.

Samuɛlə dɔlɔɔ 24:9

Davidə ə muhəɠə kɛa, ə kulɔ gwɛni wolo hu, ə tomą Saulə pulu pələ, yɛ kɛ mą: «Nwɔ́ mɛ̨nį nąmu tɔɔmun!» Saulə ə tinɛ̨n ə nąą kaa, Davidə ə pɛlɛ nɔi ɓa niiɓa ə kwɛli hvilɛn mą.

Samia Veerɛi 1:2

Voló ɉaaɓa yələ, hulɔnon da ə həɠə Saulə nwɔ kɔ́ ɓuwui la pələ, mąą həɠəɠaa huɓɛlai kɛ, pɔlɔ puɔ nwuɔ̨. Həli ə mo Davidə ɓa, ə pɛlɛ nɔi ɓa.

Samia Veerɛi 14:4

Tekoa nɛ̨ɛ̨nui tii ə li kɛa tɔɔmun bɔɔli, ə pɛlɛ niiɓa nɔi ɓa, yɛ kɛ diɛ: «Ka pa mą́ą́, ə kə nwɔ́ tɔɔmun!»

Tɔɔɓɛlaa dɔlɔɔ 1:16

Bɛtsabe ə pu gbəlin na tɔɔmun nííla, tɔɔmun yɛ mą: «Lə ɓə ə́ kaa bɔ?»

Tɔɔɓɛlaa dɔlɔɔ 1:23

Də li di mo tɔɔmun ma, diɛ mą: «Natan aa pa ɓɛ!» Natan ə lɔ, ə li ə pɛlɛ nɔi ɓa, ə kwɛli hvilɛn tɔɔmun ma.

Tɔɔɓɛlaa dɔlɔɔ 1:31

Bɛtsabe ə mąą yɛɛ, ə pɛlɛ nɔi ɓa, ə kwɛli hvilɛn tɔɔmun ma, yɛ mą: «Nwɔ́ mɛ̨nį nąmu tɔɔmun Davidə, ə́ yíi ə kwɛa kɛi a mo tii Yálá ə kɛ!»