Samuɛlə dɔlɔɔ 20:13 - Yálá laawoo hɛɓɛ (dc)

¹³ Kɛlaa, akɛ kiliŋąhiɛ ɲɔ̨nwɔ̨ɔ̨ a kɛ ną́n ma, yɛ kɛ ə mɛ̨nį ɲąąnwąnąą laa Davidə ɓa; ŋą́ wala gílaa pɔ̨nɔ̨, Yai-Laa ə mɛ̨nį ɲąą nwąnąą laa Ɉonatan ɓa; ŋą́ ə́ kilaa pɔ̨nɔ̨, nąąlɔwai ə́ li liilaa hu. Gɛ́ Yai-Laa ə kɛ ə́ pɔ yɛ pələi ə kɛ la ną́n bɔ.

Yálá laawoo hɛɓɛ

¹³ Kɛlaa, akɛ kiliŋąhiɛ ɲɔ̨nwɔ̨ɔ̨ a kɛ ną́n ma, yɛ kɛ ə mɛ̨nį ɲąąnwąnąą laa Davidə ɓa; ŋą́ wala gílaa pɔ̨nɔ̨, Yai-Laa ə mɛ̨nį ɲąą nwąnąą laa Ɉonatan ɓa; ŋą́ ə́ kilaa pɔ̨nɔ̨, nąąlɔwai ə́ li liilaa hu. Gɛ́ Yai-Laa ə kɛ ə́ pɔ yɛ pələi ə kɛ la ną́n bɔ.

Bible

¹³ Kɛ́lɛ à kɛ̀ à ŋ̀wɛ̂lii é mɛni nyɔ́mɔɔ kɛ́ a yá, ŋa ŋ́gono tée a gɛ́ɛ ŋa pâi môi yâ, ŋá nɛ̀ɛ naa í pú. Ŋà wàla gɛ́ tí, gɛ̀ ní, Yâwɛɛ é tɔ̂ŋ kpɛ́ ḿâ a ŋ̀ánaa. Ŋa Yâwɛɛ marê kɛ̂i a gɛ́ɛ é kpɔŋ ḿâa tɛɛ ípɔ yɛ̂ɛ berei a kâa dɛ̀ɛ la ńâŋ pɔ́i.

Samuɛlə dɔlɔɔ 20:13 Referans Kwoze

Kɔlɔnikɔ Maa-ŋuŋ 22:16

Yii ɓaa, hɛni, wali kwɛli, ɓala kwɛli da kwɛli kpɔɔkpɔ, nu hva pɛli nonon ɉii. 'Ə́ muhəɠə, ə́ ə́ kɛ kólo kɛ; Gɛ́, Yai-Laa ə kɛ ə́ pɔ!»

Kɔlɔnikɔ Maa-ŋuŋ 22:11

«Nón! Yii hu kɛa, gɛ́, Yai-Laa ə kɛ ə́ pɔ, əgɛ, ə́ yee ə lɔ Yai-Laa ə́ wɔɔ Yálái nwɔ pɛlɛ́i tɔɔ mɛ̨nį ɓa, yɛ bələi ə mo la ə́ laa mɛ̨i!

Samuɛlə dɔlɔɔ 17:37

Yai-Laa, yai ə gulɔ yala da kwɛli di yee ɲąnin nɔwai, ya ɓə pai gulɔi Filisti kpolowai ŋɛ̨i yəi.» Saulə yɛ Davidə ɓa: «'Li! Yai-Laa ə lɛɛ ə́ pɔ.»

Rutə 1:17

Ɓɛi yá haa laa, nąą ɓə ŋą́ haa la di nóó laa. Akɛ haa a wala gu ɓɛlaɓo, ŋą́ həɠə ə́ pulu, Yai-Laa hvo mɛ̨́i kaa, akɛ ŋą́ həɠə ə́ pulu, ŋą́ həɠə gbə́lə yá ɲɛ̨i tɔwɔ.»

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Samuɛlə dɔlɔɔ 3:17

Eli yɛ mą: «Lə mɛ̨nį ɓə ə mo yɛ́, hvo ɲɔw mą́ą́, nɛ̨ɛ̨ yɛ́ mɛ̨nįɠaai Yálá ə mo yɛ, Yá wala gəlee hukulɔ mą́ą́, yá dɔ̨nɔ̨ kpɛli lɛɛ pulu, Yálá ə mɛ̨nį huwu lɔpee gəlee laa yɛ́.»

Filipə 4:9

Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Tɔɔɓɛlaa dɔlɔɔ 19:2

Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Samia Veerɛi 19:13

Ka káá a gááyɔwɔa, gu kaa a nu huwu tɔ̨nɔ̨. Lə mɛ̨nį ɓa, ka lɛɛ pulu, tɔɔmun bulu pənə mɛ̨nį hu, yɛ pa bɔɔli?›»

Samia Veerɛi 7:15

Kɛlaa, nwóói ŋį́ gwɛlɛ vá ɲali bulu yaa tii mą, yɛ bələi ŋą́ gɛ la a Saulə, yai ŋą́ bili, gɛ́ ɉəɠə ə́ ɲɛ̨i tɔwɔ.

Samia Veerɛi 3:35

Nu kəlee di pa ə gɛ, Davidə ə kɔ̨nɔ̨n golo mįi, ɓɛlɔwai tii hvóló ə kɛ nií la yələi. Kɛlaa, Davidə aa kɛ gwɛla, yɛ kɛ diɛ: «Yálá ə mɛ̨nį huwui lɔpee gəlee laa mą́ą́, a kɛ ŋą́ lɛɠɛ hɛn da ɓa, a wala kɛ tii, akɛ ŋą́ hɛn nɔpee ta kɔ́ɔn, akɛ hvóló hvo nii too li.»

Samuɛlə dɔlɔɔ 25:22

Mɛ̨nįi mąąnɛ̨ɛ̨ Yálá ə naa Davidə ɲowoɠaa diɛ, ə naa Davidə ɓa, akɛ Navalə yəi bɛlɛ́n mun dɔ̨nɔ̨ kpɛli a lɛɛ a vulú yələ ə ɓɔ.»

Samuɛlə dɔlɔɔ 18:12

Saulə ə ɲɔw Davidə ɓa. Mąąhɔlɔɓo, Yai-Laa ə kɛ bɔ; ə lɛɛ Yai-Laa aa kɛ kulɔ Saulə pulu.

Samuɛlə dɔlɔɔ 14:47

Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.

Samuɛlə dɔlɔɔ 10:7

Ya mɛ̨nįɠaa tii kaa diɛ həli yɛ́, mɛ̨nį lɔpee ya gaa, yɛ́ ə́ yee a pɛli mą, ə́ gɛ. Mąąhɔlɔɓo, Yálá kaa ə́ pɔ.

Samuɛlə dɔlɔɔ 19:3

Gáá pai kulɔi, ŋą́ tɔɔ ną́n gwɛlɛ ɲɛa kɔ́wɔ hu ɓɛi ə́ kaa pai kɛi laa. Gáá pai ə́ mąą mɛ̨nį ɓoi ną́n ma, pələi ŋą́ gaa la ŋą́ ɉu kulɔ yɛ́.»

Samuɛlə dɔlɔɔ 20:12

Ɉonatan yɛ Davidə ɓa: «Yai-Laa Israɛlə nwɔ Yálá laa hu, tínąą a wala kɛ tii hvəlaan, gáá pai ną́n gwəi mɛ̨nį kɔ́lɔn ɉii yɛ hvilɛn na yɛ́, mɛ̨nį kəlee a kɛ gwəi a nɛlɛɛ, yɛ hvilɛn na yɛ́, vá hvaa ə́ pɔ.

Samuɛlə dɔlɔɔ 20:14

Ŋą́ lɛɛ yɛnɛ̨ɛ̨, mąąnɛ̨ɛ̨ ə́ túwɔ́ a ɲą́ą́ a Yai-Laa nwɔ wɛlikɛmąąlaa.

Tɔɔɓɛlaa dɔlɔɔ 1:37

Bələi tii Yai-Laa ə kɛ la nwɔ́ mɛ̨nį nąmu tɔɔmun Davidə pɔ, bələ lɔ ɓə gaa kɛi la Salomɔn pɔ. Gaa pai nwɔ tɔɔlaa mąąwiɛi ə ɉu kɛnɛ̨ ə dɛɛ nwɔ́ mɛ̨nį nąmu tɔɔmun Davidə nwɛi ɓa.»