Samuɛlə dɔlɔɔ 2:9 - Yálá laawoo hɛɓɛ (dc)

⁹ Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.

Yálá laawoo hɛɓɛ

⁹ Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.

Bible

⁹ “A pâi dɔ̃yâ-ƃelai mɛi kâai. Kɛ́lɛ a pâi zɔnyɔ̂ŋ-ƃelai tɛɛ̂i kpînii. Díta fé pâi pɔrîi ŋɔkpɔara-nuu yée mɛi ɣâlei a gbîŋ wala-wala.

Samuɛlə dɔlɔɔ 2:9 Referans Kwoze

Mąątɛ̨nɛ̨ 121:3

Hva ə́ lɛɛ laa ə́ kɔ́wɔ hvo talaan! Yíi hva tɛɛ a ə́ mąąkpɛmun!

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Mąątɛ̨nɛ̨ 97:10

Kaai Yai-Laa wɛli kaa kaa! 'Ka mɛ̨nį ɲɔ̨n nwɛli kpɛɛ kaa, a nwɔ tələnmo nuą di wɔ yɛnɛ̨ɛ̨ laa hɔn mo, yɛ di kulɔ nwąnąlɔ nuąi yəi.

Mąątɛ̨nɛ̨ 94:18

Ɓɛlɔwai ŋį́ kɛi kɛ la diɛ: «Dóó hiɛ ka!», nąąlɔwai ɓə ə́ wɔ wɛlikɛmąąlaa ə ɲee pu laa mú, yɛ́i a Yai-Laa.

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Zôo 5:24

Ə́ kaa pai liilaa hɔlɔɓoi ə́ yəi bɛlɛ́n, yá kɛi ə́ kɔ́wɔ hu hiɛ ə́ wɔ Nįŋɛ̨ galaɠaai hu, yá gəlee kaa a ɲąą pɛliɛ.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Hanwon 16:9

Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Mąątɛ̨nɛ̨ 121:8

Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą.

Piɛrə veelɛ 2:17

Nɛɛ kalan gɛ nuą ti, di kaa yɛ yaton yii aa kpala, di ɓo yɛ tulɔ-kpinįn yii hvaŋą a tɛɛ la, Yálá aa di heei pɛli kpinį kpon ɉu kwɛaa hu.

Maafîu 8:12

Kɛlaa, kaa mun ŋɛ̨i a Ɉuifəɠaa, dɔɔlaa yɛ ɓo a ka wɔɔ, da ka kpɛ, di ka pili kpinį hu, ɓɛi wɔlɔ da ɲį́n ɲą mį́į́ di kaa laa.»

Sofoni 1:15

Volói tii kaa a liihvoli hvóló, a liiɲąnwąną hvóló, gaa a kɛɛ kala hvóló, a lii too pulu hvóló, gaa a tɛɛhilɛ kpinį, ɉu tɛɠiɛɛ, a hvólói tulɔ aa ɉu kpinį, luwuluwu aa hiɛ ɲələ ɲɛ̨i.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Hanwon 3:26

Mąąhɔlɔɓo, Yai-Laa ɓə a kɛ a ə́ tɔɔ bulu. Hɛlɛn nuą da dɛ ə́ tɔwɔ, a gəlee pola.

Ikilisiati 5:17

Yii lɔ kɛa ŋą́ gaa a ŋąąkpɛɛi, ya ka: Yii viɛlaɓoɔi nu lonnii mąą mɛ̨nį ɓa, ya ɓaa: Nu nwɔ kɛ yɛnɛ̨ɛ̨ hu, ə naa mįi, ə gbələ, ə gɛ kóló ɲąąnɛ̨ɛ̨ kulɔ ɲɛnɛ̨ɛ̨ ŋɛ̨i Yálá ə dɛɛ bɔ ɉu; yili lɔ ɓə gaa a nu nwɔɔ nąą.

Hanwon 2:8

Nui a hiɛ tɛ̨ą pələ mɛ̨i, a mąą nu mɛ̨i kaa. A tələnmo nuą túwɔ́ pələ mɛ̨i kaa.

Mąątɛ̨nɛ̨ 121:5

Yai-Laa ɓə a ɲɛ̨i kɛ yɛ́, Yai-Laa ɓə a nįnįn bɛlɛ ə́ mɛ̨i, gaa tɔɔni ə́ ɓa-mįi-yee hu pələ.

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Ɉeremi 8:14

Gu kaa ɓɛ tɔɔni kpɛli-kpɛli lə mɛ̨nį ɓa? Ka gu gu ɲąąkpɔn, ka gu lɔ daɠaa hįi kaa mą ɉu; ka gu lɛɛ laa gu haa mąąkpɔn. Hvo gaai guɔ Yálá a gu laakwɛlanmo haa ɓa; aa pilimąą tɔɔ gu la, gu haa mɛ̨nį ɓa. A tɛ̨ą, kwaa ku hɔn gɛ a Yai-Laa.

Zôo 5:16

Mąąwɛli mu gilitɔɔ Yálá ɓa, yɛ nu ɲɔ̨nwɔ̨ɔ̨ɠaa laa kpulu.

Lonon mo 6:24

«‹Yai-Laa ə lúwɔ́ too kaa, ə ka mɛ̨i kaa.

Mąątɛ̨nɛ̨ 31:17

'Ə́ ɲɛ̨i lɛlɛɛ hee ə́ wɔ tímun ma, 'málo, mąąhɔlɔɓo yá kulɔ ə́ woo ɓa.

Azaya 27:3

Ɲą́ą́, Yai-Laa, ɲą́ą́ ɓə ɲɛ̨́i kɛi mą, gɛ́ ya pu mą a yələ kəlee; ŋą́ yíi mąą kpɛi, gɛ́ túwɔ́ ɉu, ə gɛ nu hvo pa nəi lɔ laa.

Samuɛlə dɔlɔɔ 25:26

Kɛlaa, nwɔ́ mɛ́ni nąmu, Yai-Laa laa hu, ɛlɛɛ, yɛ́ kpįnįi ə́ laa mąą mɛ̨nį ɓa, Yai-Laa ka tii kpəɲąn ə́ tɔwɔ, hvo ə́ yee lɔ li nu paa mɛ̨nį hu. Hvo ə́ lɛɛ li laa yɛ́ ə́ nwąną kulɔ yɛ kpįnįi. Yálá ə gɛ, ə́ yowowɠaa da nuąi mɛ̨nį ɲɔ̨n gili kaa di kwəi yɛ hvilɛn na yɛ́, di ɲąąkpɛɛi ə kɛ yɛ Navalə.

Zôo 18:18

Da gulɔ kɛɛ pɔ̨nɔ̨ hu, diɛ bili kpinį hu, naa ə kpɛɛ yɛnɛ̨ɛ̨.

Zôo 40:13

Ə́ gəlee lɔ pɔlɔ mu, ə́ gəlee too haa gaho ŋą.

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Mąątɛ̨nɛ̨ 105:37

Ə nwɔ nuąi kulɔ laa, a di yeelaholoon ŋąą, hɛni da wali di ɓo di yəi, ɛlɛɛ, nu tai lɔpee hvo kalin, nwɔ nu huwui lɔwai.

Mąątɛ̨nɛ̨ 145:20

Yai-Laa a ɲɛ̨i kɛ nwɛlikɛmąą nuą diɛ, Kɛlaa nuąi di hva kulɔ di woo ɓa, a di hu kala.

Azaya 47:5

'Ə́ mąą yɛɛ! Woo tɔ̨nɔ̨ kpɛli hvo kulɔ ə́ la! 'Lɔ kpinį pɛlɛ́ mu, Kalde nɛ̨ɛ̨gbɛla! Mąąhɔlɔɓo, di hvo kɛa pai kɛi ə́ laa ɓa: «Tɔɔ lɔiɠaa ɲąąwooɓomun.»

Nahumə 1:8

Ə mą kɛ ya hvɛɛ kaa tɛɛi, a daa kɔ́wɔ hvilɛn ɉɛnŋąą kulɔ, yɛ ɲowoɠaa pili kpinį hu.