Bib sou entènèt

Paj dakèy
Bib sou entènèt
Samuɛlə dɔlɔɔ 2:30

Samuɛlə dɔlɔɔ 2:30 - Yálá laawoo hɛɓɛ (dc)

³⁰ Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Gade chapit la Kopi

Yálá laawoo hɛɓɛ

³⁰ Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Gade chapit la Kopi

Bible

³⁰ Mɛni ma, Ńyãa Yâwɛɛ, Eezuɛ-ŋai Díɣâlai, ŋá ŋ́gono tèe a gɛɛ ínûai da ínâŋ-ni dínûai da pâi kɛ̂i a ŋásâla láa soŋ-ƃela wɔ́lɔ-wɔlɔ da wɔlɔ-wɔlɔ. Kɛ́lɛ ŋa môi yâ a gɛ́ɛ dîai nɔ́ da ƃaa-kɛ́-maa tɛ̀ɛ ḿbɔi, dia nɔ́ ƃé ŋa pâi ńyee seêi dímu ŋá dîai kula maa kɛ́ da tɔ̂ɔ ḿâi.

Gade chapit la Kopi

tounen moute ⬆

Samuɛlə dɔlɔɔ 2:30
39 Referans Kwoze

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Lɛɛ gbɔwɔ ɓa 29:9

Ə́ ɲala tɔɔ di ləɠəi, ə́ mɔlɔɠaa pɛlɛ Aarɔn da nonnii di nwuɔ̨, ɉaláá kulaa mąą laa ə kɛ kɛa diɛ a yələ kəlee. Ə́ Aarɔn da nonnii di lɔ kɛa di wɔ kólói hu.

Mąątɛ̨nɛ̨ 91:14

Yii kpɔ aa kanąn mą́ą́, ŋą́ gulɔ ɲəi kɛ, ŋą́ mąąkɔ̨nwɔ̨, mąąhɔlɔɓo ə gɔ́lɔn.

Mąątɛ̨nɛ̨ 50:23

Nui a mɛ̨inɛ̨ɛ̨ hu kɔlɔnŋąą kɛ a nwɔ haláá hɛn, gaa mą́ą́wiɛi, ɛlɛɛ, nui a ɉiɛ pələ ɲɛlɛ kɛ, ya ɓə ŋą́ Yálá ŋą ɓalo mɛ̨nįi ɲąąnɛ̨ɛ̨ lɛ mą.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Mąątɛ̨nɛ̨ 18:20

Ə gúlɔ nɛ̨ŋɛ̨kpɛlɛɛ, ə lɛɛgbɔwɔ ɓa laa tɛɛ bɔ́, nwɛ́li kaa mą, mɛ̨nįi gɛ yɛ nwún mąąɓo, yaa li.

Ɉaan 8:49

Jesus yɛ diɛ: «Kpaa! Ɲįnɛ̨n və búlú. Kɛlaa, gáá Ną́n mąąwiɛi; kaan, kaa mɛ́lɛ́kpɛɛmą́ą́.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Lonon mo 11:20

Kɛlaa, ka káá mįi ɲąnin dɔ̨nɔ̨ yee mu, ə lɛɛ ɉu nwɛli ə kpɛɛ kaa, gun ə hee ka hu. Yili kaa pai kɛi tii, mąąhɔlɔɓo kaa ka kili kulɔ Yai-Laa hu, yai gaa ka pɔ, kaa ka woolaa kaa kɛ mą: Lə mɛ̨nį ɓa ku kulɔ Eziptə lɔi hu?.›»

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Lonon mo 35:34

Mąą hvo nɛ̨ɛ̨li nɔi ka káá ɉu ka hvo mąą liɓi, ɓɛi gáá laa heeni, mąąhɔlɔɓo gáá a Yai-Laa. Ɛlɛɛ gáá heeni Israɛlə lonnii lɔwai.»

Nwun mąąɓo 9:10

«Nwuluɠaa di pənə, diɛ ɓɔlaa wulu ɓa: ‹Yɛi ŋɛ̨i pa, ə́ kɛ a ku wɔ tɔɔmun.›

Lɛɛ gbɔwɔ ɓa 28:43

Aarɔn da nonnii da bu diɛ, ɓɛlɔwai da kɛi lɔ la gɛɛnąą mąąhəɠɛɛ ɓa a wala kɛ ti da kɛi lɛɠɛ ɉaláá kulɔ taɓali ɓa, haláá kulɔ mɛ̨nį ɓa, mįnɛ̨ pɛlɛ́ lon mu. Di hvo pa nɛ̨nŋɛ̨n ɉəɠə, di hvo haa. Yələ kəlee tɔ́n ga tii Aarɔn da ɉuwuɠaa kəlee di mąą mɛ̨nį ɓa.

Tɔɔɓɛlaa dɔlɔɔ 11:11

Yai-Laa yɛ Salomɔn ɓa: «Yɛ bələi yáá túwɔ́ la tii a ɲɔ̨nwɔ̨ɔ̨, nwóói ŋą́ gwɛlɛ yɛ́, hvó ɉon ni, hvó nwɔ́ tɔ́n hon ni, yai ŋą́ mo yɛ́; gáá pai dɔɔlaa kulɔi ə́ yəi, ŋą́ dɛɛ ə́ yee pɔ mun da pɔ.

Mąątɛ̨nɛ̨ 73:20

Ną́mu yáá di mąąnįnįn gəlee kpɛɛ daa kwəi, kpɔlɔ yɛ nu a hįį kaa.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Hanwon 4:8

'Kanąn kili mɛ̨nį ɓa, ya ɓə a ə́ nwun muhəɠə. A kɛ a ə́ wɔ mąąwiɛ, akɛ yá kanąn mą.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Ɉeremi 29:32

Yili mąą mɛ̨nį ɓa, ɲą́ą́ Yai-Laa, gáá ɲéé pɛlɛi Nehelamə mun Semaya ɓa, da ɉuwu kəlee. Di ta lɔpee hvo pai ɉeei hɔlɔɓoi nuą ŋɛ̨i lɔwai, di ɲɛ̨i hva tɔɔ mɛ̨nį lɛlɛɛɠaa gáá pai gɛi nwɔ́ nuą diɛ, da ɓa. Mąąhɔlɔɓo, ə nuą ɲąątɔɔ, diɛ kulɔ Yai-Laa woo mu. Yai-Laa woo li!›»

Izikiɛ 34:10

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Gáá kiti pɛlɛi daatɛlɛɛ pulu nuąi tii diɛ, gáá pai nwɔ́ taatɛlɛɛ kpului kwɛlii, ŋą́ gulɔ di yəi; ɛlɛɛ, gɛ́ di yee kulɔ daatɛlɛɛ pulu kóló hu. Di hvo kɛa pai pɛlii di kpɔwɔ ɲąąkɔn ɉii. Gáá pai nwɔ́ taatɛlɛɛ kpului wean ɉii di la, di hvo kɛa pai kɛi a di laamįi hɛn.

Tɔɔɓɛlaa dɔlɔɔ 2:27

Salomɔn ə Abiatarə laa kulɔ Yai-Laa nwɔ haláá laa həliɛ hu. Ə gɛ, mɛ̨nįi ŋɛ̨i wɔlɔ Yai-Laa ə mo Eli nwɔ pɛ́lɛ́i laa mɛ̨i Silo, naa ə hon.

Kɔlɔnikɔ Maa-ŋuŋ 17:18

Mɛlɛ kɛnɛ̨i ŋɛ̨i Yáá gɛ Ə́ nwɔ tímun ma, lə kpɔ ɓə ɲą́ą́ Davidə, ŋą́ pɛli moi Yɛ́! Yɛ́n, ə́ ə́ wɔ tímun gɔlɔn.

Kɔlɔnikɔ Veerɛi 26:18

Di mo tɔɔmun Oziasə ɓa, diɛ mą: «Yɛ́ hvəi ə́ mąąnɛ̨ɛ̨ ə́ lansan kələn Yai-Laa ɓa, kɛlaa, ɉaláá laa həli nuą ŋɛ̨i a Aarɔn lonnii, diɛ ɓə. Diɛ ɓə di laakwɛlanmoɔ golói tii kɛɛ ɓa! 'Tɛɛ ə́ kulɔ! Mąąhɔlɔɓo, yáá pulu kulɔ mɛ̨nį kɛ! Ə́ ɲɛ̨i pɔ̨nɔ̨ mɛ̨nį hvaa a yii Yai-Laa mąą mɛ̨nį hu!»

Mąątɛ̨nɛ̨ 18:26

Nui dəlimoɔ, yá tələnmolaa kɛ la, nui gwəi kwəlɛɛ, yá ə kwəi kwələ mą,

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.

Ɉeremi 49:15

A tɛ̨ą, gáá ə́ lɛɛ tiikpə lɔiɠaa lɔwai, nuą diɛ tɛɠɛɓo ə́ hu.

Malasi 2:3

Yii hu, gáá mą́ą́pamąi ka huwu hu nuą diɛ. Yii ɓaa ka wɛi, daatɛlɛɛɠaai kpɔ kaa gələn ka wɔ hɛli pu pələ tɛitɛi kəlee hu, gáá pai nuwui tii kəlee taɠai ka ɲɛ̨ilaai, di ka diɛni ka kələn.

Swiv nou:

Lyen patwone

Piblisite

Piblisite