Samuɛlə dɔlɔɔ 19:24 - Yálá laawoo hɛɓɛ (dc)

²⁴ Yaa kpɛli mąn, ə nwɔ gbaawii kulɔ mą, yɛ mɛ̨nįɠaa ɓo, hvo kɛ a gbɔwɔ yee kɔ́nma mɛ̨nį Samuɛlə lííla. Yili pulu, ə lɛɛ a gbuwulu, ə too, ə túwɔ́ a pulu, ə yii la, yili mąą mɛ̨nį ɓə da kɛ kɛi la diɛ: «Saulə yaa kpɛli gaa mɔ̨ɔ̨ a Yálá kwəi mɛ̨nį hukulɔ mun da?»

Yálá laawoo hɛɓɛ

²⁴ Yaa kpɛli mąn, ə nwɔ gbaawii kulɔ mą, yɛ mɛ̨nįɠaa ɓo, hvo kɛ a gbɔwɔ yee kɔ́nma mɛ̨nį Samuɛlə lííla. Yili pulu, ə lɛɛ a gbuwulu, ə too, ə túwɔ́ a pulu, ə yii la, yili mąą mɛ̨nį ɓə da kɛ kɛi la diɛ: «Saulə yaa kpɛli gaa mɔ̨ɔ̨ a Yálá kwəi mɛ̨nį hukulɔ mun da?»

Bible

²⁴ è ŋɔseɣei kùla ma é pɛ́lɛ Ɣâla-woo ƃôi Samia ŋɛ́i-tuɛ. È tòo ǹɔii ma gɛ́ ƃò lâani naa a gaŋ é síɣe ɣele-wala ma é tóo gbínii ma. M̀ɛnii ŋí nûa m̀o la dîyɛɛi, “Sɔ̂ɔ ǹyaa máŋ a kɛ́ a Ɣâla ŋɔlóno kɛ́-ƃelai da?”

Samuɛlə dɔlɔɔ 19:24 Referans Kwoze

Mise 1:8

Yili mąą mɛ̨nį ɓa, gáá wɔlɔi, gɛ́ gbóó təli! Gɛ́ hiɛ a gbúwúlú, kɔ́lɔ hvó gɔ́wɔ́ ŋą. Gɛ́ haa mɛ̨i wələ too, yɛ húluúɠaa da kɛi wɔlɔ, gɛ́ nwóólaa, yɛ wɔ́lɔ́ nwɛ̨ni.

Azaya 20:2

Nąąlɔwai, Yai-Laa ə pələ ɓo Amɔsə lon Esai ɓa, yɛ mą: «'Li, ɉəɠə ɓɛlai tii ə́ ləŋəi, ə́ volóon, gɔlɔi tii ə́ kɔ́wɔ ŋą, ə́ gulɔ.» Ə li ə gɛ tii, yɛ li a gbuwulu, kɔ́lɔ hvo kɛ gɔwɔ ŋą.

Samia Veerɛi 6:20

Davidə ə pənə yɛ li ɲəi bɛlɛ́ laaləi, ə gɛ ə lúwɔ́ too ɲəi bɛlɛ́n nuą diɛ. Saulə lon Mikalə ə kulɔ, yɛ li naakwiɛn ɉii, ə tɔɔ Davidə lííla, yɛ mą: «Israɛlə tɔɔmun aa háákələi ɓaa lɔ gbɔwɔ ɓa-oo! Yɛ gbuwulu ɓo nwɔ luwɔɠaai di wɔ tí nɛ̨ąą yɛi ɓa, yɛ awala kɛ a nu ɓɛlɛ mąą.»

Gɛlaɠaa 9:21

Nuąi kpɔ kɛi nwoo mɛ̨n, di kwəi ə pili diɛ, diɛ kɛ: «Kɛlɛi nui ŋɛ̨i ɓə kɛ vilɛnŋąą kpɔ a nwąnąlɔ, nuąi kɛli naa ŋɛ̨i hvɛli Ɉerusalɛmə di pulu, a kɔ-e? Kɛlɛi ba mɛ̨nį ɓɛ nwun maa: ə di hon, ə di yili, ə li a diɛ ɉaláá laa həli nuą kpɛa-kpɛaa pɔ-ee?»

Samia Veerɛi 6:14

Davidə ə kɛi mąną yɛ kɔ̨nwɔ̨ kpɔ a neelee Yai-Laa lííla. Kilɛn ɉəɠə lɔ ɓə kɛ gwąną, gbulɔn ŋąą ləŋəi.

Lonon mo 24:4

Nui Yálá wooɠaa da too nwəlii nwoo ka, Mɛ̨nįɠaai Huwalawala Kəlee Nąmu Yálá a kɛ nɛi mą, gwɛlɛɛn gɛɛ kaa hu, hvo gbɔwɔ yee kɔ́n mą, a ɲɛ̨i laa ɓo yɛ di kaa, diɛ ka:

Samuɛlə dɔlɔɔ 10:6

Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.

Samuɛlə dɔlɔɔ 15:35

Samuɛlə hvə kɛa ɲɛ̨i tɔɔ Saulə ɓa, ə lɛɛ la ɉu ə haa. Samuɛlə ə kɛi Saulə mąą wɔlɔ ɓo, mąąhɔlɔɓo, Saulə kɛ mɛ̨nį a Israɛlə tɔɔmun, Yai-Laa aa kɛ nwoo yali bulu.

Samuɛlə dɔlɔɔ 18:10

Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.