Samuɛlə dɔlɔɔ 19:23 - Yálá laawoo hɛɓɛ (dc)

²³ Saulə ə tɛɛ ə li Nayotə Rama kwɛlɛ, Yálá nwɔ Kilii ə ɉon yaa kpɛli, ə lɛɛ la ɉu ə həli Nayotə Rama kwɛlɛ.

Yálá laawoo hɛɓɛ

²³ Saulə ə tɛɛ ə li Nayotə Rama kwɛlɛ, Yálá nwɔ Nįį ə ɉon yaa kpɛli, ə lɛɛ la ɉu ə həli Nayotə Rama kwɛlɛ.

Bible

²³ Sɔ̂ɔ è lì Lama. Kɛ́lɛ gɛ́ɛ kɛ̀ siâi berei mai, Ɣâla ŋɔmɔ̂leŋ è dòo é pɛ̀lɛ Ɣâla-woo ƃôi. Zeriɛ́ɛ Ɣâla ŋɔlóno kɛ́-ƃelai díkpanaŋ lái,

Samuɛlə dɔlɔɔ 19:23 Referans Kwoze

Hanwon 16:9

Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Samuɛlə dɔlɔɔ 10:10

Həli di mo Givea, da Yálá kwəi mɛ̨nį hukulɔ nuą di kwiɛn. Nąąlɔwai, Yálá nwɔ Kilii ə pa bɔ, hvo kɛa kɛ gbɔwɔ yee kɔ́nma lɔ yɛ pələi yiiɠaai tii di kɛ la.

Samuɛlə dɔlɔɔ 19:20

Saulə ə nuą tɔɔ Davidə hon mɛ̨nį ɓa. Di Yálá kwəi mɛ̨nį hukulɔ nuą kpulu kaa, diɛ mɛ̨nįɠaa ɓo Yálá yee kɔ́nma. Samuɛlə ə kɛ di ɲɛ̨itɔwɔ. Yálá nwɔ Kilii ə too Saulə nwɔ nuąi ə di tɔɔ di hu; diɛ kpɛli mąn diɛ mɛ̨nįɠaa ɓo, di hvo kɛ di kpɔɔ yee kɔ́nma.

Lonon mo 24:2

Balaamə ə ɲɛ̨i muhəɠə, ə Israɛlə nuą kaa diɛ di hvįįtɔɔ. Di hee kpəlin na kɛɛ a di kpolo laa. Yálá nwɔ Kilii ə pa bɔ.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Ɉaan 11:51

(Yaan, Kaifə hvo kɛi nwoo tii ɓo gbɔwɔ ɓa, mąą kwɛlan tii, yɛ pələi ya ɓə kɛ la a haláá laa həli nuą kpɛa-kpɛa nwun nąmu, ə mɛ̨nį ɓoɔ gɛi lɔwai tɔwɔ woo ɓo, yɛ kɛ diɛ: Jesus mąąnɛ̨ɛ̨i kɛ ə haa Ɉuifə lɔi mąą mɛ̨nį ɓa.

Maafîu 7:22

Volói tii, nu tamąą kaa pai kɛi mą́ą́: ‹Ną́mu, Ną́mu. Kɛlɛi, ku kɛi Yálá mąą mɛ̨nį ɓo nuą diɛ, ə́ laa hu? Ku kɛi ɲį́nɛ̨nŋąą kpɛ nuą pulu ə́ laa hu? Kuɔ kpalo mɛ̨nį tamąą kɛ ə́ laa hu?›

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Lonon mo 23:5

Yai-Laa ə woo ta ɓo Balaamə ɓa, ə gɛ yili ə li, ə nwooi tii ɓo Balakə ɓa.

Samuɛlə dɔlɔɔ 10:6

Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.

Samuɛlə dɔlɔɔ 10:12

Nu ta ə mo nu kpulu lɔwai, yɛ diɛ: «Gbɛɛ ɓaa yiiɠaai di nąn?» Yili mąą mɛ̨nį ɓə da kɛ ɉanwon ŋɛ̨i hɔɔi la diɛ kɛ diɛ: «Saulə yaa kpɛli gaa a Yálá kwəi mɛ̨nį hukulɔ mun da?»

Samuɛlə dɔlɔɔ 18:10

Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.

Samuɛlə dɔlɔɔ 19:18

Davidə ə gbɔwɔ nwun mąąkɔ̨nwɔ̨, ə pu ə li, Samuɛlə pɔɔli Rama. Mɛ̨nįɠaai kpɔ Saulə ə naa ma, ə ɉukulɔ Samuɛlə ɓa. Yaa da Samuɛlə də li di hee Nayotə.

Samuɛlə dɔlɔɔ 19:22

Saulə yaa kpįnįi ə tɛɛ yɛ li Rama, ə həli ɲálɔwa kɛnɛ̨ɛ kwɛlɛ, yaai gaa Seku daai. Ə kɛɛ mąąnin kɛ, yɛ diɛ: «Samuɛlə da Davidə di kaa mį?» Diɛ mą: «Di kaa Nayotə daai Rama kwɛlɛ.»