Samuɛlə dɔlɔɔ 18:8 - Yálá laawoo hɛɓɛ (dc)

⁸ Saulə lii ə holi kpɔ kɛnɛ̨, nwələ woo tii ə nwąną ma, yɛ kɛ diɛ: «Daa waa pow tɛɛ Davidə pɔ; ə lɛɛ, ɲą́ą́n diɛ waa tɛɛ bɔ́. Lə kpɔ ɓə kɛa lɛɛ pulu Davidə yəi, ə kulɔ dɔɔlaa pulu!»

Yálá laawoo hɛɓɛ

⁸ Saulə lii ə holi kpɔ kɛnɛ̨, nwələ woo tii ə nwąną ma, yɛ kɛ diɛ: «Daa waa pow tɛɛ Davidə pɔ; ə lɛɛ, ɲą́ą́n diɛ waa tɛɛ bɔ́. Lə kpɔ ɓə kɛa lɛɛ pulu Davidə yəi, ə kulɔ dɔɔlaa pulu!»

Bible

⁸ Ŋ̀ulei ŋí è Sɔ̂ɔ líi ŋwàna kpɔ́ gɛ́ gíli ŋá sìa ǹyɛɛi, “Da kɛ̂i dîyɛɛ Deeƃé a ŋɔkpɔara-ƃelai páa a zeêi puu é tɛ́ɛ ḿâ. Ǹaa pôlu ma da pâi gɛ̂i a kâloŋ.”

Samuɛlə dɔlɔɔ 18:8 Referans Kwoze

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Samuɛlə dɔlɔɔ 20:31

Mąąhɔlɔɓo, yii kpɔ Ɉɛse lon gaa ni a vulú lɔi mɛ̨i, hvo pai kɛi liilaa hu, ə mą kɛ ká ə́ wɔ tɔɔlaai. Aa həli yɛ́! Mo di ɉon di paa la bɔ́ aa ɉɔn gɛ, mąąnɛ̨ɛ̨ ə haa.»

Hanwon 27:4

Líiholi kaa a kili ɲɔ̨nwɔ̨ɔ̨ ɛlɛɛ, líi kələn gwəi walawalaa, Kɛlaa, gbɛɛ ɓə a pɛli tɔɔi tolo mɛ̨nį la?

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Tɔɔɓɛlaa dɔlɔɔ 2:22

Tɔɔmun Salomɔn yɛ nee ɓa: «Lə mɛ̨nį ɓa, ə́ kaa Sunɛmə nɛ̨ɛ̨nui a Avisagə hu hvɛlii, yɛ́ dɛɛ Adoniasə pɔ? Yɛ́mun, kpəla yili ɓa, ə́ dɔɔlaa hvɛli, ə́ dɛɛ bɔ; mąąhɔlɔɓo, níɛ nu pɔlɔ li, da ɉaláá laa həli mun Abiatarə, ə mą kɛ Ɉoabə Seruya lon.»

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Samuɛlə dɔlɔɔ 13:14

Kɛlaa, yii laai hu, ə́ wɔ tɔɔlaai hvo pai lamuni ɉu. Yai-Laa aa nu kwɛli mą a niiɓa mun, ɛlɛɛ, Yai-Laa aa ɉee a nwɔ nu huwui ɲąąwooɓo mun. Hvo gaai, mɛ̨nįi Yai-Laa ə kɛ yɛ ə gɛ, hvo gɛ li.»

Lonon mo 22:34

Balaamə yɛ Yai-laa nwɔ malakai ɓa: «Ŋą́ą́ nɛ̨ŋɛ̨n ɉəɠə, mąąhɔlɔɓo gbaɠala hvo kɛ mą́ą́, gɛ́ kɛ yɛ́ ɓə tɔɔni bələi dɔ́wɔ. Akɛ ka ni ɉiɛi ŋɛ̨i nąą wɛli hvo yɛ́, gáá yalii búlú.»

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Samuɛlə dɔlɔɔ 18:9

Ə həɠə kɛa ɲələi tii ɓa, Saulə hvo kɛa kɛi Davidə kaa a ɲɛ̨i lɛlɛɛ.

Samuɛlə dɔlɔɔ 19:1

Davidə paa mɛ̨nį kili teei Saulə ə dee gwəi, ə ɉu kulɔ non Ɉonatan ɓa, da yee tii nuą kəlee. Ɛlɛɛ yaan, Davidə wɛli ə kɛ Saulə lon Ɉonatan ɓa kpɔ kɛnɛ̨.

Zɛnɛse 37:8

Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Zɛnɛse 37:11

Ɉosɛfə niɛni di tolo hee mą, kɛlaa, nąn nwɛi, ə kɛi giliŋąhiɛ ɉįiɠaai tii non ə gaa, mą.