Samuɛlə dɔlɔɔ 18:3 - Yálá laawoo hɛɓɛ (dc)

³ Ɉonatan da Davidə di mįnɛ̨ həɠə, mąąhɔlɔɓo, ə kɛi Davidə wɛli la kɛ yɛ gbinį.

Yálá laawoo hɛɓɛ

³ Ɉonatan da Davidə di mįnɛ̨ həɠə, mąąhɔlɔɓo, ə kɛi Davidə wɛli la kɛ yɛ gbinį.

Bible

³ Zonetaŋ da Deeƃé díkɛ̀ a díkîe-ni wɛ́liɛɛ kpɔ́ a ŋ̀ánaa. Mɛni ma, dí díkono tèe díkîe-ni yêei a gɛ́ɛ da pâi teniŋ ƃo-ƃela díkîe ni mɛni.

Samuɛlə dɔlɔɔ 18:3 Referans Kwoze

Samuɛlə dɔlɔɔ 20:42

Ɉonatan yɛ Davidə ɓa: «Li a ə́ liilaa yɛ́, yii lɔ gu nu hveelɛi gu gu kwɛla gu kee ɓa a Yai-Laa laa. Yai-Laa ə kɛ gwa yɛ́ gu lɔwai, ə́ huwu da ɉúwu di lɔwai, və́ ɲɛ̨n dee li!»

Samia Veerɛi 21:7

Kɛlaa, tɔɔmun ə Ɉonatan lon ɉulɔnu Mefibosɛtə, yai kɛ a Saulə mąnįn, ə naa kulɔ ɉu; mįnɛ̨i wɔlɔ Davidə da Ɉonatan di ɉəɠə mąą mɛ̨nį ɓa.

Samuɛlə dɔlɔɔ 23:18

Di nu hveelɛ di mįnɛ̨ həɠə Yai-Laa ɲɛ̨i ɓa. Davidə ə lɛɛ Horesa, Ɉonatan ə pənə ə li bɔɔli.

Samuɛlə dɔlɔɔ 20:41

Nokoloi ə pənə ə li. Davidə ə muhəɠə ɓɛi tii ə kɛ laa ɉɛɠɛɛ pələ, ə pɛlɛ nɔi ɓa, ə gwɛli hvilɛn gee mɛ̨i haaɓa. Yili pulu, di di kee nɛ̨nɛ̨ɓo, di nu hvelɛi di wɔlɔ kpɔ kɛnɛ̨, Davidə nwɔ wɔlɔi yee ə tɛɛ mɛlan ɓa.

Samuɛlə dɔlɔɔ 22:8

Lə ɓə kani kɛ, yaai ka kəlee ka lɔ gílii? Nu ta hva gílaa pɔ̨nɔ̨, hvo kɛ mą́ą́: ‹Ə́ lon da Ɉɛse lon di kaa nɛ̨ɛ̨laa ɓa!› Mą́ą́ liihɛlɛn və ka ta ɓa! Nón aa kɛi bɔ mun ɉaɠa yɛ dɔɔ ná, yɛ hɛlɛn dɛ dɔ́wɔ́, yɛ bələi gaa gɛi la háákələi, ɛlɛɛ, nu ta hva gílaa pɔ̨nɔ̨ ɉu!»

Samuɛlə dɔlɔɔ 19:1

Davidə paa mɛ̨nį kili teei Saulə ə dee gwəi, ə ɉu kulɔ non Ɉonatan ɓa, da yee tii nuą kəlee. Ɛlɛɛ yaan, Davidə wɛli ə kɛ Saulə lon Ɉonatan ɓa kpɔ kɛnɛ̨.

Hanwon 18:24

Nu mɛlaa da tamą, ɲowo a kɛ ɉu. Ɓɛlan gbəli kaa laa, ə kanąn nu ɓa, ə tɛɛ nee lon ma.