Samuɛlə dɔlɔɔ 17:43 - Yálá laawoo hɛɓɛ (dc)

⁴³ Goliatə yɛ Davidə ɓa: «Gaa ə́ kwəi yilɛ lon maa a ɲą́ą́, yai ə́ kaa pai bɔ́ gbɔn yɛ ɓo ə yəi?» Goliatə ə́ Davidə nɛ̨ŋɛ̨n naa a nwɔ haliɠaai laa.

Yálá laawoo hɛɓɛ

⁴³ Goliatə yɛ Davidə ɓa: «Gaa ə́ kwəi yilɛ lon maa a ɲą́ą́, yai ə́ kaa pai bɔ́ gbɔn yɛ ɓo ə yəi?» Goliatə ə́ Davidə nɛ̨ŋɛ̨n naa a nwɔ haliɠaai laa.

Bible

⁴³ Ǹyɛɛ Deeƃé mai, “Ƃa ŋ́gâai yɛ̂ɛ ɣîla m̀aa mɛni ƃé íkaa ŋ́gbɛ̂i la a wúru gbuai?” È Deeƃé nàɣaŋ Felesia-ŋai díɣâla-ŋai láai su.

Samuɛlə dɔlɔɔ 17:43 Referans Kwoze

Samia Veerɛi 9:8

Mefibosɛtə ə kwɛli hvilɛn Yálá ɓa, yɛ mą: «Lə kpɔ ɓaa ə́ wɔ tímun, yai, ɲą́ą́ ŋɛ̨i yɛ yilɛ powa, yɛ́ li ə ɲɛ̨i lɛlɛɛ heei mą́ą́?»

Samia Veerɛi 3:8

Nwoo tii ə Avnɛrə lii hvóló kpɔ kɛnɛ̨, yɛ mą: «Gaa ə́ kwəi gáá mɔ̨ɔ̨ a Ɉuda yilɛ nwun galən da? Háákələi ŋɛ̨i, gáá túwɔ́i a gwə́i kwɛlɛɛ ə́ nąn Saulə nwɔ pɛlɛ́ ɓa, da ə́ nąn nonnii, ə mą kɛ, a ə́ wɛlikɛmąą nuą; və́ ə́ lɛɛ li laa hvo too Davidə yee ŋą. Ya ɓə ya tɔɔ, yɛ́ haŋą mą́ą́ nɛ̨ɛ̨nu mɛ̨nį hu háákələi?

Samuɛlə dɔlɔɔ 24:14

Yɛ bələi da mo la a bɔlɔ hanwon ɉu, diɛ mą: ‹Mɛ̨ni ɲɔ̨n a kulɔ mɛ̨nį ɲɔ̨n gɛ mun ɉu.› Kɛlaa, və́ pai ɲéé tunwɔ̨n ɉii yɛ́.

Hanwon 26:2

Bələi hvólóon a koon na yələ kwəi, ɉeei hvo mą, bələ ɓə nɛ̨ŋɛ̨n naai nwun və mą, hva nu hon.

Tɔɔɓɛlaa veelɛ 8:13

Hazaɛlə yɛ Elise ɓa: «Lə kɛ hɛn gbɔ ɓaa a yɛ́ luwɔi, yai a pɛli mɛ̨nį taaləi tii kɛi?» Elise ə bulu pənə mą, yɛ mą: «Yai-Laa ɓə yili kəlee lɛi mą́ą́, yɛ ə́ kaa pai kɛi a Aramə tɔɔmun.»

Samia Veerɛi 16:9

Seruya lon Avisai yɛ tɔɔmun ma: «Lə mɛ̨nį ɓa, ɲilɛ powai ŋɛ̨i kaa nwɔ́ mɛ̨nį nąmu tɔɔmun nɛ̨ŋɛ̨n naai! Nɛ́ɛ́ tai laa, ŋą́ li ŋą́ nwun gulɔ ŋą.»

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Lonon mo 22:6

Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»

Nwun mąąɓo 9:27

Sisɛmə nuą də li di yəi viɲə yɛaɠaa ɓa, di ma kulɔ, də li di bɛli a lɔɔ, di hɛli kɛnɛ̨ ta pu la, də li di wɔ haliɠaai hee pɛlɛ́ mu, di di laa mįi, di di kpələ, yili pulu, diɛ Abimelɛkə nɛ̨ŋɛ̨n naa.

Samuɛlə dɔlɔɔ 14:12

Nuą tii kɛ bələ nwun na, diɛ bələ mąą kpɛ, diɛ Ɉonatan da bɔ mun tii diɛ: «Ka tɛ ɓɛ ku pɔ, mɛ̨nį ta kaa ku kwəi, ku mo kaa.» Ɉonatan yɛ bɔ mun ma: «Hvilɛn bulu gu ɲee tɛ. Yai-Laa aa di lɔ Israɛlə yee ŋą.»

Samia Veerɛi 16:5

Tɔɔmun ə kɛi lɔ həli Bahurimə daai, hulɔnu ta ə kɛ laa, da Saulə ni di kɛ a pɛlɛ tɔ̨nɔ̨ mu nuą, diɛ kɛ naa ɓa a: Simei, diɛ kɛ nąn naa ɓa a: Gera. Gera lon Simei tii, ə kulɔ ə tɔɔ yɛ nɛ̨ŋɛ̨n naa kɛ.

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Samuɛlə dɔlɔɔ 24:15

Gbɛɛ ɓə tii Israɛlə tɔɔmun gaa kɔ́ pɛlɛi mąi? Gbɛɛ ɓə tii vilɛn ŋąą bulu yɛ gbɛi? Yilɛ powai li mɔ̨ɔ̨, a wala kɛ tii, kpə-kpə ta li!