Samuɛlə dɔlɔɔ 17:12 - Yálá laawoo hɛɓɛ (dc)

¹² Davidə ə kɛ a Ɛfrata yəi gwəlii mun Ɉɛse lon, yai bɔ taai ɓaa Bɛtleɛmə Ɉuda lɔi hu. Ɉɛse lon ɉinąą di kɛ a nu mɛ̨ihaaɓa. Ɉɛse ə kɛ a nu mąą pɔlɔɔ, a Saulə nwɔ tɔɔlaa yələi.

Yálá laawoo hɛɓɛ

¹² Davidə ə kɛ a Ɛfrata yəi gwəlii mun Ɉɛse lon, yai bɔ taai ɓaa Bɛtleɛmə Ɉuda lɔi hu. Ɉɛse lon ɉinąą di kɛ a nu mɛ̨ihaaɓa. Ɉɛse ə kɛ a nu mąą pɔlɔɔ, a Saulə nwɔ tɔɔlaa yələi.

Bible

¹² Zɛse nyíi kɛ̀ a Deeƃé ǹâŋ è naa kɛ̀ a ziɛ-pɔlɔi. Ǹalôŋ ŋí è kɛ̀ a Ifiraŋ ŋɔnuu suui su nuu da. È kɛ̀ Bɛpeleɣɛ̃ɛ, Zuda lɔii su. Zɛse ǹônii-sinaai dí kɛ̀ lɔ́ɔlu mɛi saaƃa:

Samuɛlə dɔlɔɔ 17:12 Referans Kwoze

Zɛnɛse 35:19

Rasɛlə ə haa, Ɛfrata bələ pɔ, di noo. Ɛfrata laa ta ɓaa a: Bɛtleɛmə.

Samuɛlə dɔlɔɔ 16:18

Bɔ nuąi tii dɔ̨nɔ̨ yɛ mą: «Ɉɛse ŋɛ̨i a Bɛtleɛmə daai mun, ŋą́ non ɉulɔnu tɔ̨nɔ̨ kaa, nwɛlɛɛ hvɛli kɛ, ɉuwalawalaa, gaa a kɔ́ kɔ́ mun nɛlɛɛ, yɛ pə́lə́ ɓo a kili, gaa a laŋąlon nɛlɛɛ, ɛlɛɛ, Yai-Laa kaa bɔ.»

Samuɛlə dɔlɔɔ 17:58

Saulə yɛ mą: «Nón! Gbɛɛ lon maa a yɛ́?» Davidə yɛ mą: «Ə́ nwɔ tí mun Ɉɛse, Bɛtleɛmə daai mun lon maa a ɲą́ą́.»

Rutə 4:22

Ovɛdə lon maa kɛ a Ɉɛse. Ɉɛse lon maa kɛ a Davidə, yai kɛ a tɔɔmun.

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Maafîu 1:6

Ɉɛse ə tɔɔmun Davidə kaa. Tɔɔmun Davidə ə Salomɔn kaa Uri nɛ̨ą ɓa.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Maafîu 2:1

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Mąątɛ̨nɛ̨ 132:6

Ku bələ mąn, diɛ gaa Ɛfrata, ku gaa Yaarə yɛɛkɔwɔi.

Samuɛlə dɔlɔɔ 17:11

Saulə da Israɛlə nuą kəlee di kɛi Filisti mun tii woo mɛ̨n, ɛlɛɛ ɲɔw kɛnɛ̨ yɛ too di hu, di hu yɛ kpɛlin.

Rutə 1:2

Ɉulɔnui tii laa ɓaa kɛ a Elimelɛkə, nɛ̨ą laa ɓaa a Naomi di lon ɉinąą hveelɛi tii laa ɓaa kɛ a: Malɔn da Kiliɔn; di kɛ a Ɛfrata huwu, Bɛtleɛmə daai Ɉuda lɔi hu. Ɓɛlɔwai di kɛ la Moabə lɔi hu,

Rutə 4:17

Naomi mɛlaa nɛ̨ąą di kɛi kɛ mą: «Naomi aa lon ɉulɔnu hɔlɔɓo.» Nɛ̨ąą tii di nokoloi tii laa hee a: Ovɛdə. Ovɛdə tii ɓə kɛ a Ɉɛse nąn, Ɉɛse yɛ ɓo a tɔɔmun Davidə nąn.

Samuɛlə dɔlɔɔ 1:1

Hulɔnu ta ə kɛ Ramataimə-Sofimə daai Ɛfraimə yee ɓa, diɛ kɛ naa ɓaa Ɛlkana, nąn naa ɓaa kɛ a Yerohamə yili nwɔ nąn ɓaa kɛ Elihu, Tohu lon, Sufə lon, Ɛfrata mun da.

Samia Veerɛi 23:1

Ɉɛse lon Davidə woo gbəlan mąą ka: Nui heeni dɔɔ kpəlin ɉu, nwoo li; Nui Ɉakɔbə nwɔ Yálá ə mąątí, Yaai Israɛlə nuą da naa too a wələ,