Samuɛlə dɔlɔɔ 16:14 - Yálá laawoo hɛɓɛ (dc)

¹⁴ Yai-Laa nwɔ Kilii ə kulɔ Saulə yəi, ə lɛɛ, Yai-Laa ə ɲįnɛ̨n vilɛn Saulə pulu, yɛ mɔ̨nɔ̨ɓo.

Yálá laawoo hɛɓɛ

¹⁴ Yai-Laa nwɔ Nįį ə kulɔ Saulə yəi, ə lɛɛ, Yai-Laa ə ɲįnɛ̨n vilɛn Saulə pulu, yɛ mɔ̨nɔ̨ɓo.

Bible

¹⁴ Yâwɛɛ ŋɔmɔ̂leŋ è kùla Sɔ̂ɔ pôlu nyînaŋ nyɔ́mɔɔ é pìlaŋ bôlu gɛ́ m̀ɔ̃lɛ.

Samuɛlə dɔlɔɔ 16:14 Referans Kwoze

Mąątɛ̨nɛ̨ 51:11

'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Samuɛlə dɔlɔɔ 18:12

Saulə ə ɲɔw Davidə ɓa. Mąąhɔlɔɓo, Yai-Laa ə kɛ bɔ; ə lɛɛ Yai-Laa aa kɛ kulɔ Saulə pulu.

Samuɛlə dɔlɔɔ 28:15

Samuɛlə yɛ Saulə ɓa: «Ə́ kaa vįikpɛɛi, yɛ́ dəli lə mɛ̨nį ɓa?» Saulə yɛ mą: «Gwə́i aa pili maa kɛnɛ̨, Filisti nuą daa kɔ́ pɛlɛ mą́ą́, ɛlɛɛ, Yai-Laa aa kulɔ búlu kpɔ a neelee. Hvo kɛa nwoo pulu pənəi a gwəi mɛ̨nį hukulɔ nuą laaləi a wala kɛ tii a hįi woo. Yili ɓə gɛ gɛ́ ə́ təli, mɛ̨nįi mąąnɛ̨ɛ̨ ŋą́ gɛ, nɛ mą́ą́.»

Nwun mąąɓo 16:20

Yili pulu, yɛ Samsɔn ɓa: «Samsɔn, Filisti nuą kaa pai.» Samsɔn ə ɲįnąąɓo, yɛ kɛ nwɔ kwəi pələ: «Gáá pai kulɔi ɉu, yɛ bələi hiɛ ŋą́ kɛ kulɔi la ɉu.» Kɛlaa, hvo kɛ gɔlɔn yɛ kɛ Yai-Laa aa mąą kwɛa mą.

Nwun mąąɓo 9:23

Yili pulu, Yálá ə kili ɲɔ̨nwɔ̨ɔ̨ ta lɔ Abimelɛkə da Sisɛmə kalanɉonŋaa di lɔwai. Sisɛmə kalanɉonŋaa di hvo kɛa kɛi Abimelɛkə woo hon,

Samuɛlə dɔlɔɔ 18:10

Bulu ɓa yələ laa ɓoɔ, Yálá ə ɲįnɛ̨n da tɔɔ, ə hvilɛn Saulə pulu, hvo kɛi kɛa mɛ̨nį ta kɛ ɲəi bɛlɛ́n gbɔwɔ yee kɔ́ma. Davidə ə kɛi nwɔ gwɛnįn ɲɔw, yɛ bələi ə kɛi gɛ la a yələ takpɛliɠaa, Saulə nwɔ kpalai ə ɓo ɲee ŋą.

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Tɔɔɓɛlaa dɔlɔɔ 22:22

Malakai tii yɛ mą: ‹Gáá lii, ŋą́ kɛ a lɛɛ kili, ŋą́ too Yálá kwəi mɛ̨nį hukulɔ nuąi tii laa diɛ.› Yai-Laa yɛ mą: ‹'Li, ə́ yee kaa lii lɔi, li ə́ gɛ tii.›

Samuɛlə dɔlɔɔ 11:6

Yálá nwɔ Kilii ə pa Saulə pɔ, nwooɠaa tii mɛn ə mo nii ə holi kpɔ kɛnɛ̨.

Nwun mąąɓo 16:29

Yili pulu, bɛlɛ́ lɔ̨nwɔ̨ hveelɛi Samsɔn ə kɛ tɔɔni di nɔwai, ə ɲee pɛlɛ diɛ, dɔ̨nɔ̨ ə lɛɛ mamįiyee hu, dɔ̨nɔ̨ ə lɛɛ gɔɓɛyee hu.

Samuɛlə dɔlɔɔ 16:15

Saulə nwɔ kóló kɛ nuąi di mo mą, diɛ mą: «Ə́ kaa gaai, Yálá aa ɲįnɛ̨n vilɛn ə́ pulu yɛ ə́ mɔ̨nɔ̨ɓo.

Samuɛlə dɔlɔɔ 16:16

Ya hvaa mą, kuɔi ŋɛ̨i a ə́ yee pɔ nuą, ku nu ta kwɛli, nwɛlɛɛ gwɛnįn ɲɔwi, a kɛ tii, ɓɛlɔwai ɲįnɛ̨n ŋɛ̨i Yálá ə vilɛn ə́ pulu a kɛi ə́ mɔ̨nɔ̨ɓo, nui tii a kɛ gwɛnįn ɲɔwi, yɛ liilaa tɛɛ ə́ pɔ.»

Samuɛlə dɔlɔɔ 16:23

Ɓɛlɔwai ɲįnɛ̨n Yálá ə dɔɔ, a pa la Saulə pɔ, Davidə a nwɔ gwɛnįn həɠə yɛ ɲɔw, a kɛ tii Saulə lii a laa mą ɲįnɛ̨n dii ə həɠə bulu.

Samia Veerɛi 7:15

Kɛlaa, nwóói ŋį́ gwɛlɛ vá ɲali bulu yaa tii mą, yɛ bələi ŋą́ gɛ la a Saulə, yai ŋą́ bili, gɛ́ ɉəɠə ə́ ɲɛ̨i tɔwɔ.

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.