Samuɛlə dɔlɔɔ 16:13 - Yálá laawoo hɛɓɛ (dc)

¹³ Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Yálá laawoo hɛɓɛ

¹³ Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Nįį ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Bible

¹³ Nya ƃe Samia è ɔle wulɔi pù Deeƃé ŋûa ǹîa-ni díkɛ naa kàa. Yâwɛɛ ŋɔmɔ̂leŋ è pà Deeƃé kponôi é síɣe ŋ̀elei tí ma é lí tuɛ pere. Samia ǹyaŋ è pene pôlu é lí bɔ́-naa Lama.

Samuɛlə dɔlɔɔ 16:13 Referans Kwoze

Samuɛlə dɔlɔɔ 10:6

Nąąlɔwai Yai-Laa nwɔ Kilii kaa pai tɛɛi ə́ pɔ, yɛ́ mɛ̨nįɠaa kɛ ka diɛni, Gilii tii kaa pai ə́ kɛ pələ mąąhvalin ɉii.

Hebreu 1:9

Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Nwun mąąɓo 11:29

Yai-Laa ə nwɔ Kilii tɛɛ Ɉɛfte pɔ, ə Galaadə lɔi da Manase lɔi hu hiɛ, ə li Mispa, həɠəi ə mo Mispa, ə li Amɔn nuą di wɔ lɔi hu.

Nwun mąąɓo 3:10

Yai-Laa nwɔ Kilii ə kɛ ɲəi, ə Israɛlə ɲąąwooɓo, ə kɔ́ pɛlɛ Kusan-Riseataimə ɓa, yai kɛ a Aramə tɔɔmun, Yai-Laa ə yeetɛɛmąą laa tɛɛ bɔ Kusan-Riseataimə mɛ̨i.

Lonon mo 27:18

Yai-Laa ə Moisə woo pulu pənə yɛ mą: «Nun lon Ɉosue həɠə, gaa a nui nwɔ́ Kilii kaa ɲəi. 'Lí, ə́ ə́ yee laa mɛ̨i,

Samuɛlə dɔlɔɔ 16:18

Bɔ nuąi tii dɔ̨nɔ̨ yɛ mą: «Ɉɛse ŋɛ̨i a Bɛtleɛmə daai mun, ŋą́ non ɉulɔnu tɔ̨nɔ̨ kaa, nwɛlɛɛ hvɛli kɛ, ɉuwalawalaa, gaa a kɔ́ kɔ́ mun nɛlɛɛ, yɛ pə́lə́ ɓo a kili, gaa a laŋąlon nɛlɛɛ, ɛlɛɛ, Yai-Laa kaa bɔ.»

Tɔɔɓɛlaa veelɛ 9:6

Ɉehu ə muhəɠə da yaa di lɔ bɛlɛ́n. Ɉulɔnon tii ə nwulɔ pu Ɉehu nwun mą, ə mąąti, yɛ mą: «Nwooi Yai-Laa Israɛlə nwɔ Yálá ə mo, ya ka, yɛ diɛ: ‹Nwulɔi ŋɛ̨i haalai, gáá ə́ kɛi a nwɔ́ nu huwui Israɛlə nwɔ tɔɔmun.

Samuɛlə dɔlɔɔ 11:6

Yálá nwɔ Kilii ə pa Saulə pɔ, nwooɠaa tii mɛn ə mo nii ə holi kpɔ kɛnɛ̨.

Nwun mąąɓo 14:6

Nąąlɔwai, Yai-Laa nwɔ Kilii ə too Samsɔn hu, hɛn da hvo kɛ ɲəi. Ə ɲalai tii hu ɓɛla, yɛ bələi da ɓolu lon ɉu ɓɛla la. Kɛlaa, mɛ̨nįi tii ə gɛ, hvo ɉukulɔ nee da nąn diɛ.

Nwun mąąɓo 13:25

Ɓɛlɔwai Samsɔn ə kɛ la Mahane-Dan, Sorea da Ɛstaɔlə di lɔwai, Yai-Laa nwɔ Kilii ə gɔwɔ tɔɔ, yɛ too ɉu.

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Gɛlaɠaa 13:22

Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Hebreu 11:32

Lə mɛ̨nį kpɔ ɓə nwɔ̨nɔ̨ kɛa ŋą́ pɛli moi? Lɔwai hvo ɲə́i, gɛ́ pɛli mɛ̨nį tamąą huyɛɠɛi káá, yɛ bələi: Zedeɔn mąą mɛ̨nį kaa la, Barakə, Samsɔn, Ɉɛfte, Davidə, Samuɛlə da Yálá kwəi mɛ̨nį hukulɔ nuą,

Samuɛlə dɔlɔɔ 2:35

Yili pulu, gáá pai nwɔ́ hala laahəli mun nɛlɛɛ həɠəi, gaa pai túwɔ́i a nííɓa, yɛ bələi gáá la bɔ. Gáá pai pɛlɛ́ tɔɔi mą, vilɛn ŋąą kpilin, gaa pai kɛi hiɛi a yələ kəlee nwɔ́ nui ŋɛ̨i ŋą́ mąątí a dɔɔ wulɔ, nií la.

Samuɛlə dɔlɔɔ 18:12

Saulə ə ɲɔw Davidə ɓa. Mąąhɔlɔɓo, Yai-Laa ə kɛ bɔ; ə lɛɛ Yai-Laa aa kɛ kulɔ Saulə pulu.

Samia Veerɛi 2:4

Ɉuda lɔi hu nuą di pa di nwulɔ lɔ Davidə ɓa, di gɛ a tɔɔmun Ɉuda nwɔ pɛlɛ́i nwun na. Nuą di pa diɛ Davidə ɓa: «Yavɛsə Galaadə lɔi hu nuą ɓə Saulə powa loo.»

Samia Veerɛi 5:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun.

Samia Veerɛi 12:7

Nąąlɔwai, Natan yɛ Davidə ɓa: «Maa hulɔnui tii ɓaa yɛ́. Mɛ̨nįi Yai-Laa, Israɛlə nwɔ Yálá kaa moi, ya ka; yɛ diɛ: ‹Ɲą́ą́ ɓə ə́ mąątí a dɔɔ wulɔ, ŋą́ ə́ kɛ a tɔɔmun Israɛlə nuą mɛ̨i, ŋą́ ə́ kulɔ Saulə yəi,

Samia Veerɛi 23:1

Ɉɛse lon Davidə woo gbəlan mąą ka: Nui heeni dɔɔ kpəlin ɉu, nwoo li; Nui Ɉakɔbə nwɔ Yálá ə mąątí, Yaai Israɛlə nuą da naa too a wələ,

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Samuɛlə dɔlɔɔ 1:19

Mąą yələ laaɓoɔ, di di muhəɠə yələwala pinɛ̨ɛ̨, di pɛlɛ Yai-Laa lííla, yili pulu, di pənə dəli di pɔɔli Rama. Ɛlkana da nɛ̨ą Anə di lɔ pɛlɛ́n, Yai-Laa ə gili lɛɛ ɉu.

Kɔlɔnikɔ Maa-ŋuŋ 11:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun, yɛ bələi Yai-Laa ə mo la Samuɛlə ɓa.

Mąątɛ̨nɛ̨ 89:21

Ŋą́ą́ Davidə kɛ a nwɔ́ tímun, ŋą́ą́ gɛ a nwɔ́ɔ́, ŋą́ą́ nwɔ́ tɔɔwulɔ mąąhəɠɛɛi lɔ mą.