Samuɛlə dɔlɔɔ 15:33 - Yálá laawoo hɛɓɛ (dc)

³³ Samuɛlə yɛ mą: «Bələi ə́ wɔ ɓɔwa kwɛai ə kɛi nɛ̨ąą hvɛɠɛ la a di lonnii, ə́ lee yaa kpɛli, gaa hvɛɠɛi a non.» Samuɛlə ə Agagə nwu dee Yai-Laa lííla Gilgalə daa.

Yálá laawoo hɛɓɛ

³³ Samuɛlə yɛ mą: «Bələi ə́ wɔ ɓɔwa kwɛai ə kɛi nɛ̨ąą hvɛɠɛ la a di lonnii, ə́ lee yaa kpɛli, gaa hvɛɠɛi a non.» Samuɛlə ə Agagə nwu dee Yai-Laa lííla Gilgalə daa.

Bible

³³ Kɛ́lɛ Samia è mò ǹyɛɛi, “Aga, í nîa-pɛlɛɛ-ŋa kùla dílee-ni kâraŋ ŋá í dípaa, ǹyaŋ ílee ŋɔnîa-pɛlɛɛi da fé pâi lɛɛ̂i ɣele ma.” Nya ƃe Samia è Aga su tee-tee a gbua pɛlɛ-pɛlɛɛ ŋ̀âla fɛli kwaai ma Geega.

Samuɛlə dɔlɔɔ 15:33 Referans Kwoze

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Ɉeremi 48:10

Nui a Yai-Laa nwɔ kólói kɛ a hviikpɛɛ laa, mąą nu nɛ̨ŋɛ̨n naa ɓə, ə mą kɛ, nui a nwɔ kɔ́ kɔ́ ɓɔwa kunwɔ a ɲąmą.

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Tɔɔɓɛlaa dɔlɔɔ 18:40

Eli yɛ diɛ: «Ka Baalə laa yəlikɛ nuą hon, ka hvo dɔ̨nɔ̨ kpɛli lɛɛ laa hvo pu.» Di nuą tii kəlee hon, Eli ə li a gəlee Kisɔn ɲa ɓoloon bɔ; ə di kəlee di nwun dee laa.

Lonon mo 14:45

Amalɛkə nuą da Kanaan nuąi kɛ heeni ɲeeɠaa ɓa, di yɛɛ Israɛlə nuą mɛ̨i, di yee ə tɛɛ diɛ, di lɛɛ kpɔ di paai, di həli a diɛ Hɔrma.

Lɛɛ gbɔwɔ ɓa 17:11

Ɓɛlɔwai Moisə a ɲeeɠaa tɛ la ɲələi, gɔ́ a nɛ̨ɛ̨ Israɛlə nuą diɛ. Kɛlaa, ɲee hu a haa a ɲɛɛ, Amalɛkə nuą da hvaŋą hɔlɔɓo Israɛlə mɛ̨i.

Samuɛlə dɔlɔɔ 15:32

Samuɛlə yɛ mą: «Ka Amalɛkə tɔɔmun Agagə hon, ka paa la bɔ́.» Agagə kɛɛ pai, gwəinɛ̨ɛ̨i kɛ, ə kɛ nwɔ kwəi baa mɛ̨nį aa ɉəɠə mą.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Osia 6:5

Yili ɓə gɛ, gɛ́ di kɛlɛ a gwə́i mɛ̨nį hu kulɔ nuą woo, gɛ́ di hu kala a wooɠaai da kulɔ ná. Nwɔ́ kiti wooi kaa pai kulɔi yɛ kɛɛ pɔ̨nɔ̨.

Lɛɛ gbɔwɔ ɓa 21:24

Ə́ ɲɛ̨ikɔw tɛɛ a ɲɛ̨ikɔw hɔ̨nwɔ̨, ɲin a ɲin ɉɔ̨nwɔ̨, yee a yee hɔ̨nwɔ̨, kɔ́wɔ a kɔ́wɔ hɔ̨nwɔ̨;

Samuɛlə dɔlɔɔ 10:8

Ə́ kaa pai lii Gilgalə dɔ́wɔ, nwɛ́i, gáá pai pai, ə gɛ, ŋą́ liilaa haláá kulɔ Yálá ɓa, da haláá yii da gəlee kələn. Mą́ą́kpɔn naa hvóló mɛ̨ihveelɛ yee mu, ə lɛɛ la ɉu, ŋą́ pa ŋą́ ə́ kaa laa. Mɛ̨nįi mąąnɛ̨ɛ̨ ə́ gɛ, nąąlɔwai ɓə ŋą́ nɛ la yɛ́.»