Samuɛlə dɔlɔɔ 11:1 - Yálá laawoo hɛɓɛ (dc)

¹ Nahasə, Amɔn mun ə kɔ́ pɛlɛ Yavɛsə taa ɓa Galaadə lɔi hu. Di daa mąątínɛ̨n a gɔ́ laɠa, Yavɛsə nuą kəlee diɛ Nahasə ɓa: «Gu too nɛ̨ɛ̨laa hu, ku lɛɛ ə́ yee mu.»

Yálá laawoo hɛɓɛ

¹ Nahasə, Amɔn mun ə kɔ́ pɛlɛ Yavɛsə taa ɓa Galaadə lɔi hu. Di daa mąątínɛ̨n a gɔ́ laɠa, Yavɛsə nuą kəlee diɛ Nahasə ɓa: «Gu too nɛ̨ɛ̨laa hu, ku lɛɛ ə́ yee mu.»

Bible

¹ Sɔ̂ɔ kɛ́ɛ a kâloŋ-laa kɛ́ a ɣáloŋ tɔnɔi, Amɔŋ kaloŋ Ǹaai è pà a ŋɔkɔ-kuluƃa-ŋai é dí tínaŋ Zaabɛɛ taai ma nyíi kɛ̀ Giiba lɔii kpiniŋ sui. Diai kɛ̀ Zaabɛɛ taai sui dí mò Ǹaai ma dîyɛɛi, “À kɛ̀ kwa kâa-ni kwa mɛni kpɛtɛɛ kɛ̀, ya pɔri kɛ̂i a kúmɛi nuu. Kwa pâi kɛ̂i kúŋuŋ fela-fei tɛɛ̂i ípɔ.”

Samuɛlə dɔlɔɔ 11:1 Referans Kwoze

Samuɛlə dɔlɔɔ 12:12

Kɛlaa, Nahasə yai kɛ a Amɔn nuą di wɔ tɔɔmun, gaai ka mo yɛ pa kɔ́ pɛlɛi kaa, ka kɛ mą́ą́: ‹Kpələ! Tɔɔmun mə mąąnɛ̨ɛ̨ ə ku ɲąąwooɓo.› Ya pa Yai-Laa ka wɔ Yálái ɓə gaa a ka wɔ tɔɔmun.

Izikiɛ 17:13

Ə dɔɔ kwəlii mun da həɠə, da yaa di woo ə laa mą; yili ə nwoo kwɛlɛ mą, yɛ gwɛla ɉu; ə nɔi kalanɉonŋaa həɠə.

Tɔɔɓɛlaa dɔlɔɔ 20:34

Bɛn-Hadadə yɛ mą: «Daaɠaai ną́n ə ɉəɠə ə́ nąn ɲəi, pənə ə́ gəlee həɠə. Ya pɛli ə́ ə́ wɔ lɔwɔ́tɔɔ pɛlɛ́ɠaa tɔɔ Damasə, yɛ bələi ną́n ə kɛi gɛ la Samari.» Akabə yɛ mą: «Mįnɛ̨i ŋɛ̨i gwa yɛ́ gu kaa ɉəɠəi, ɉaalai, gáá ə́ lɛɛi laa ə́ li.» Bɛn-Hadadə da Akabə di mįnɛ̨ həɠə, ə nɛɛ laa ə li.

Nwun mąąɓo 21:8

Di mąąni kɛ kɛ, akɛ huwu ta hvo hɔlɔɓo di lɔwai, yii hvo tɛ. Yai-Laa lííla Mispa. Di gaa diɛ Yavɛsə-Galaadə di hvo kɛ li li ɲąąkpɔn ma.

Zɛnɛse 26:28

Diɛ mą: «Kwaa gaa, kuɔ: Yai-Laa kaa ə́ pɔ. Mɛ̨nį gɛi, ku kaa la bɔ mįnɛ̨ ə kɛ gwa kaa ni gu lɔwai, yaa li.

Zôo 41:4

Vá pɛli náá pilɛi dɔɔ tɔɔiɠaa kiliin ŋąą ɓa, ɉuwalawala pələ, da gbinį lɛlɛ pələ.

Lɛɛ gbɔwɔ ɓa 23:32

Ka diɛni ka hvo mįnɛ̨ həɠə, ə mą kɛ di wɔ haliɠaai.

Azaya 36:16

'Ka hvo ka wəli tɔɔ Ezekiasə woo ɓa, kɛlaa, mɛ̨nįi Asiri tɔɔmun gaa moi ya ka: ‹Ka gu too nɛ̨ɛ̨laa hu, ka ka kpɔwɔ tɛɛ bɔ́, ka gɛ tii, nu tɛi tɛi kaa pai nwɔ tíi mą mįi, ə nwɔ hihɛn ma mįi, yɛ gbələ a nwɔ yálɔwai hu yá.›

Nwun mąąɓo 10:7

Yai-Laa ə níiɲąnwąną diɛ, ə di kwɛlɛ Filisti nuą da Amɔn nuą diɛ.

Dutɛrɔnome 23:3

Wɛlilon va lɔ Yai-Laa nwɔ haláá ɲąąkpɔn ɉu, ə mą kɛ, mąnįn bulu mąnįnŋąą daa kɛ pow, di hva lɔ Yai-Laa nwɔ haláá ɲąąkpɔn ɉu.

Samuɛlə dɔlɔɔ 14:47

Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.

Samia Veerɛi 10:1

Mɛ̨nįɠaai tii tɛɛ pulu, Amɔn tɔɔmun ə haa. Non Hanun ə hee a nąn mąąhvalin.

Samia Veerɛi 10:2

Ya ɓə Davidə a kɛ diɛ: «Hvo kɛli ŋą́ Nahasə lon Hanun hon a wɛlikɛmąąlaa, nąn nwɔ wɛlikɛmąąlaa mąą mɛ̨nį ɓa.» Davidə ə nuą tɔɔ Hanun pɔ, diɛ li gbəlaɓoi nąn ɉaa mɛ̨nį hu. Davidə nwɔ nuąi də li, di həli Amɔn nuą di wɔ lɔi hu.

Samia Veerɛi 17:27

Davidə ə tɛ kpɔlɔ Mahanaimə daai, Nahasə lon Sovi, yai kɛ a Raba daai, ə ɓo a Amɔn huwuhu mun da, ə lɛɛ Amiɛlə lon Makirə, yii həɠə Lodevarə da Barzilai Galaadə mun, yii həɠə Rogelimə,

Ɉeremi 40:11

Ə mą kɛ, Ɉuda nuąi Moabə lɔi hu, Amɔn nuą lɔwai Edɔmə da nɔi kəlee hu; di bələ mɛ̨n diɛ kɛ Babilonə tɔɔmun aa kɛ nuą lɛɛ Ɉuda lɔi hu; ɛlɛɛ, aa kɛ Ahikamə lon Gedaliasə, yai kɛ a Safan lon ɉee, yɛ ɲɛ̨i kɛ nɔi ɓa.

Ɉeremi 40:14

Di mo Gedaliasə ɓa, diɛ mą: «Hvó ɉu kɔ́lɔn yɛ́ kɛ: Amɔn nuą di wɔ tɔɔmun Baalisə ə Netania lon Yismaɛlə tí, ə́ paa mɛ̨nį ɓa?» Kɛlaa Ahikamə lon Gedaliasə hvo gaa a tɛ̨ą.

Nwun mąąɓo 11:4

Ɉu hvo kwɛa, Amɔn nuą diɛ pa kɔ́ pɛlɛi Israɛlə nuą diɛ.

Samia Veerɛi 2:5

Davidə ə nuą tɔɔ Yavɛsə nuą pɔɔli Galaadə lɔi hu, yɛ kɛ diɛ: «Yai-Laa ə lúwɔ́ too kaa, kaai tii wɛlikɛmąą túwɔ́ ɓo a ka nąmu Saulə, kaa bowa loo.

Kɔlɔnikɔ Maa-ŋuŋ 10:11

Mɛ̨nįi Filisti nuą di naa Saulə ɓa, Yavɛsə-Galaadə nąą nuą di bələ mɛ̨n.

Kɔlɔnikɔ Maa-ŋuŋ 10:12

Gɔkulaa wala-walaɠaai kɛ Yavɛsə, di pa, di Saulə da nonnii di powa həɠə, di li la Yavɛsə; di di kɔ́wɠaa loo Yavɛsə wulu kɛnɛ̨i mu. Yili pulu, di hín nɔ a hvóló mɛ̨ihveelɛ.