Piɛrə dɔlɔɔ 5:8 - Yálá laawoo hɛɓɛ (dc)

⁸ 'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Yálá laawoo hɛɓɛ

⁸ 'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Bible

⁸ Káŋuŋ-su é kɛ́ a zéɣeŋɔɔ, ká kámɛi káa. Dɛ̂ƃele nyíi gáa a kákpɔara-nuui gáa tɛɛ-tɛɛ̂i yɛ̂ɛ yala-sulu ƃe kpéɣêi gɛ núu kɔ̂ri m̀ii mɛni ma.

Piɛrə dɔlɔɔ 5:8 Referans Kwoze

Ifisiɛŋ 6:11

'Ká Yálá ŋą kuláá hɛnŋaa kɛ káá, káá pɛli tɔɔi la nąnį ŋą ɲąąhɛn mɛ̨nįɠaa kəlee tɔwɔ

Zĩi 4:7

Ká ká kpɔwɔ mąąyɛɛ kani Yálá yee mu, ká tɔɔ nąnį la a ká hvaŋą, a pu, ə mąą kwɛaa káá.

Zôo 2:2

Yai-Laa yɛ ɓilihi ɓa: «Ə́ həɠə mį?» Ɓilihi yɛ mą: «Ŋą́ həɠə gɔ́wɔ́i hiɛi lɔi mɛ̨i.»

Ifisiɛŋ 4:27

'Ká hvo pələ tɛɛ nąnį pɔ.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Lukə 22:31

Gu Nąmu yɛ diɛ: «Simɔn! Simɔn! Ɓilihi aa ka hu hvɛli, əgɛ, ə ka hiɠi-hiɠiɓo yɛ bələi da mɔ̨nun vɛɛ la.

Taitɔ 2:12

Mɛ̨inɛ̨ɛ̨i tii a gu mąąkwɛli a gu yee kulɔ mɛ̨nį túwɔ́ pələ ɲɔ̨nŋaa hu da yɛ̨nɛ̨ɛ̨ liiɓa mɛ̨nįɠaa, əgɛ, gu yɛnɛ̨ɛ̨ kɛ yiihu, a ɉaŋąą, a Yálá liiɓa,

M̀ɛni-lɛɛi 12:12

Yili ɓə gaa mą, yələkɔlɔn, 'ká kwəinɛ̨ɛ̨ kulɔ, ə mą kɛ, káái laa heeni. Kpalo aa ɓɛla lɔi da gboloyá diɛ, mąąhɔlɔɓo, nąnį aa yɛɛ di pɔ, niikələnŋąą gwəi, gili aa pu ɉu, yɛ kɛ, ŋą lɔwai hu hvo kwɛa li.»

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Maafîu 13:39

Ɉulɔnu tii, ɲowo yii kɛi gala kɔ́w ɲɔ̨n bili ɲɛa ya ɓaa a nąnį. Deei lɔwai ɓaa a: Yɛnɛ̨ɛ̨ ɲąąkpɛɛi lɔwai. Dee nuą ɓaa a: Yálá nwɔ malakaɠaa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Maafîu 24:42

Ka ka kpɔɔ mɛ̨i kaa, ka kɛ gili-gili. Mąąhɔlɔɓo, ka hvo ka Nąmu pai lɔwai kɔ́lɔn.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Zakari 3:1

Yili pulu, Yai-Laa ə Ɉosue lɛ mą́ą́, yai gaa a ɉaláá laa həli mun gɛnɛ̨; ə kɛ tɔɔni Yai-Laa nwɔ malakai lííla, ɛlɛɛ, ɓilihi ə kɛ tɔɔni mamįiyee hu pələ, yɛ lɛɛ pɛlɛ Ɉosue ɓa.

Taitɔ 1:8

Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Taitɔ 2:6

Hilɛlɛa liɛwoo kɛ di kɛ a di yee pɛliɛ di kpɔwɔ ɓa mɛ̨nį kəlee hu.

Taitɔ 2:2

Mo hulɔgoloɠaa diɛ, di kɛ a di yee pɛliɛ di koolon ma, di mąąnwumɛ̨ɛ̨, di yee pɛliɛ di kpɔwɔ ɓa mɛ̨nį kəlee hu, laa na laa mąąhəɠɛɛ ə ɓo di yəi, wɛlikɛmąąlaa hu, da kąną mąą laa hu.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Azaya 50:8

Nui a mą́ą́ tɛ̨ą ɓo, aa lɛɠɛ kɛa mą́ą́! Gbɛɛ ɓə yɛ ə hvaa pɛlɛ mą́ą́? Ka gwəli kani mɛ̨nį ɓo haɠa ɓa, a gee! Gbɛɛ ɓə yɛ ə gála mą́ ɓo, giti pɛlɛ la? Mąą nu ə pa kani wɛ, ə gáá!

Hanwon 20:2

Tɔɔmun nwɔ liikələn gwəi kaa yɛ yala a kɛi kpəɠi. Nui a tɔɔmu níiholi, a kɔ́ pɛlɛ gbɔwɔ nwɔ yɛnɛ̨ɛ̨ ɓa.

Mąątɛ̨nɛ̨ 104:21

Yalaɠaa diɛ huluun, di kɔ̨nɔ̨nŋaa pulu, diɛ di kɔ̨nɔ̨n vɛli Yálá ɓa.

Timote dɔlɔɔ 2:15

Ə mą kɛ ti, gaa pai ɓaloi ŋą lon ɉɔlɔɓoɔ pɔ, a kɛ lɔ a kąnąn laa na laa ɓa, wɛlikɛmąą laa hu, da mąąhəɠə laa lɛlɛɛ.

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.

Taitɔ 2:4

diɛ hilɛtai-nɛ̨ąą mąąkwɛli a di lɛɛ pələ di hilɛni woo mu, diɛ di lonnii wɛlila kɛ,

Timote dɔlɔɔ 3:11

Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Timote dɔlɔɔ 2:9

Yii ɓaa nɛ̨ąą di wɛi, di di mąąyili a bɛliɛ ɉu, a nɛlɛɛ, a di mąą hon bələ: di hvo di nwun nɛɠa ɲɛki-yəki hee mą, di hvo hɛnį kwɛli too, awala kɛ tii, wali-kwɛli, da hɛn ɲɛki-yəkiɠaa;

Maafîu 4:1

Jesus mąąwaa pulu, Yálá nwɔ Kilii ə ɉəɠə, ə li la nɔi pun ɉu, ə gɛ, nąnį ə ŋąąhɛn.

Osia 13:8

Gɛ́ wolo diɛ yɛ kwɛli haai daa nonnii kulɔ ɲəi; gɛ́ di líí kulɔ di kwəi, gɛ́ lɛɛ laa, gɛ́ di mįi yɛ yala haa, lɔwɔ huwɔɠaa diɛ di hu hɛɠɛ-hɛɠɛ.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 4:11

Yili pulu, nąnį ə Jesus lɛɛ laa. Malakaɠaa di pa di tí mą.

Amɔsə 3:4

Akɛti yala a pɛli huluun ɉii wəla hu, akɛ hvo gɔ̨nɔ̨n gaa li? Akɛti, a pɛli huluun ɉii nwolo hu, akɛ hvo hɛn da hon ni?

Danîa 6:24

Nąąlɔwai, tɔɔmun gwəi ə nɛɛ kpɔ kɛnɛ̨, ə mo yɛ diɛ: «Ka Daniɛlə kulɔ ɲala kwənąn ɉu.» Gulɔi di mo, pɔɔ lɔpee ta hvo kɛ mą, mąąhɔlɔɓo, ə gilitɔɔ nwɔ Yálái ɓa.

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Hanwon 19:12

Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.

Nwun mąąɓo 14:5

Samsɔn da gaa nuą di həɠə də li Timna, ɓɛlɔwai di həli la yiliɠaai di wɔ viɲə yɛɛi ɓa daa kwɛlɛ, yala ta ə lan yɛ pa woloi Samsɔn ɓa.

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,

Izikiɛ 19:7

Ə di wɔ tɔɔ pɛlɛ́i pu, ə daaɠaa lɛɛ a taa kpoloonŋaa; nɔi hu nuą di kɛi ɲɔw domą woo ɓa.

Ɉeremi 51:38

Di kaa pai kɛi huluun ɉii mɛ̨i a gee, yɛ yala gbɔnŋaa, diɛ hvaa di nwun ɉu, yɛ yala lonnii.

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Mąątɛ̨nɛ̨ 109:6

Diɛ kɛ diɛ: Ka gu nu ɲɔ̨nwɔ̨ɔ̨ ta kwɛli tai, nu ta ə tɔɔ tai mamįiyee hu pələ, yɛ ɉɔn mo.

Amɔsə 1:2

Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.

Hanwon 28:15

Mąąwɛli lɔi ɲąąwooɓomun a kɛ a nwąnąlɔmun, gaa yɛ yala a kɛi hvuluun, yɛ yákwɛli a kɛi laŋin.

Markə 4:15

Nu taɠaa kɛ pələ kaa yɛ: bələ kwɛlɛ, ɓɛi nwoo tii a too laa. Ɓɛlɔwai nuą tii da Yálá laawoo mɛ̨n na, ɓilihi a pa ə nwoo tii kulɔ di lii hu.

Korɛntə veelɛ 2:11

Mąą hvo nɛ̨ɛ̨li, gu hvo gu kpɔwɔ lɛɛ laa ɓilihi hvo gu ɓowo, hvo gaai, gwəi kiliɠaa di hvo loo li guɔ.

M̀ɛni-lɛɛi 12:10

Yili pulu, ŋį́ woo kɛnɛ̨ ta mɛ̨n yələ kwəi, yɛ kɛ mą: «Nu ɓalo yələ ka, gu wɔɔ Yálái ŋą tɔɔlaa yələ ka, da ŋą yəi kɛnɛ̨laa, ɛlɛɛ, Kristə ŋą Hééɓolaa yələ ka; mąąhɔlɔɓo, nui kɛ a gu nąn nonnii kálámąɓomun, daa bili, a yai kɛli di kálámąɓo Yálá ɓa a kpinį da hvóló.