Piɛrə dɔlɔɔ 5:7 - Yálá laawoo hɛɓɛ (dc)

⁷ 'Ká ká kpąąn mɛ̨nįɠaa kəlee laa níila, gbala ə tɔɔ, a ká mąąkpąąn gbɛɛ.

Yálá laawoo hɛɓɛ

⁷ 'Ká ká kpąąn mɛ̨nįɠaa kəlee laa níila, gbala ə tɔɔ, a ká mąąkpąąn gbɛɛ.

Bible

⁷ Mɛnii kélee a kálii sɛ̀lɛŋ ka bu ŋ̀ɛ́i. Kpɛ́ni fêi, gbáaŋɔɔ̂i kámɛni ma.

Piɛrə dɔlɔɔ 5:7 Referans Kwoze

Mąątɛ̨nɛ̨ 55:22

Naa nɛ̨ɛ̨i mą yɛ kwɛ̨in nwulɔ, Kɛlaa, nii yɛ kɔ́ kɔ́. Vaa wooɠaa nɛ̨ɛ̨i na yɛ wulɔ, Kɛlaa ɓɔwa kwɛaɠaa ka tii.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Mąątɛ̨nɛ̨ 37:5

'Ə́ tínąą mɛ̨nį lɛɛ Yai-Laa yee kɔn ma, 'ə́ kilitɔɔ mą, gaa pai gɛ mɛ̨nį kɛi ɉu.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Lukə 12:22

Jesus ə mo nwɔ kalan nɛai diɛ, yɛ diɛ: «Yili ɓə gɛ, gɛ́ kɛ kaai: Ka hvo ka liihɛlɛn ka wɔ yɛnɛ̨ɛ̨ mąą mɛ̨nį ɓa, yɛ hvilɛ na yii ka pai mį́i mą, awala kɛ tii, ka kɔ́lɔ mąą mɛ̨nį ɓa; yii ka káá pai mąą yilii la.

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Markə 4:38

Jesus ə kɛ laa ni gələn gbon ŋą yɛ yii, nwun naa ɓɔlɔ kpinįn da mɛ̨i. Nwɔ kalan nɛai di lɛɠɛ mą, di nwun; diɛ mą: «Mąąkwɛli kɛmun! Gu haa hiɛ ka oo! Yili hvo ə́ lii kulɔi yɛ?»

Ɉaan 10:13

A gɛ tii, mąąhɔlɔɓo, ə pa lɔ wali kwɛlii, ə lɛɛ, mɛlaaɠaa mąą liihɛlɛn və mą. Ɲą́ą́ ɓə gáá a mɛlaa mɛ̨i kaa mun neelee.

Mąątɛ̨nɛ̨ 40:17

Yiiɠaai kpɔ di kaa ə́ kwɛlii, yiliɠaai di pili yələi a kwəinɛ̨ɛ̨. Yiiɠaai ə́ wɔ ɓalo mɛ̨nįi wɛli kaa diɛ, diɛ mo a yələ kəlee diɛ kɛ diɛ: «Yai-Laa kɛnɛ̨ɛ̨i.»

Hanwon 16:3

Ə́ kɛ kolóɠaa hu lɛ Yai-Laa ɓa, Yaa ɓə a gɛ, ə́ wɔ kwəi kiliɠaa laa yɛ hon.

Maafîu 6:27

Ka nɛlɛ ɓə, a pɛli ɲii hvóló ta pɛlɛi mą, a nwɔ liihɛlɛn?

Maafîu 6:28

«Akɛti, lə mɛ̨nį ɓa, ka ka mąąyili həɠə mɛ̨nį niihɛlɛn ɉee? Ka ka ɲɛ̨i hee, lɔwɛi wuluɠaa diɛ, bələi da powa la, ka bələ kaa. Di hva koló kɛ, di hva həɠə pálá.

Maafîu 6:31

Yili ɓə gaa mą, ka hvo ka liihɛlɛn, a yii mąąnɛ̨ɛ̨ ka mį́į́, da yii mąąnɛ̨ɛ̨ ka gbələ, a wala kɛti yii mąąnɛ̨ɛ̨ ka gɛ kaa.

Lukə 12:26

Akɛ mɛ̨nį hviikpɛɛi tii ka hva pɛli mąi, lə mɛ̨nį ɓa, hvo kɛli ka ka liihɛlɛn a yiiɠaa tii?