Piɛrə dɔlɔɔ 4:18 - Yálá laawoo hɛɓɛ (dc)

¹⁸ Ɛlɛɛ, «Akɛ tələnmomun nwun mąąɓo laa a wala tii, mɛ̨nį ɲɔ̨n gɛmun da nɛ̨ŋɛ̨n ɉəɠəmun di wɛi kɛ pələ a kɛ ləi?»

Yálá laawoo hɛɓɛ

¹⁸ Ɛlɛɛ, «Akɛ tələnmomun nwun mąąɓo laa a wala tii, mɛ̨nį ɲɔ̨n gɛmun da nɛ̨ŋɛ̨n ɉəɠəmun di wɛi kɛ pələ a kɛ ləi?»

Bible

¹⁸ Ǹyaŋ, “À kɛ̀ dɔ̃yâ-nuui ƃálo-laa walai, gɛ̀ ní mí ƃe diai dífe Ɣâla kɔlɔŋ da zɔnyɔ̂ŋ-nuui da pâi kulâi naai?”

Piɛrə dɔlɔɔ 4:18 Referans Kwoze

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Lukə 23:31

Mąąhɔlɔɓo, akɛ wulu nwunu ɓə di gɛ la ŋɛ̨i, wulu kpala nwɛi a kɛ kɛa ləi?»

Zûu 1:15

ə gɛ Ə hɛn gəlee kiti tee, ɛlɛɛ, nuąi di mąąliɓi a nɛ̨ŋɛ̨n, di wɔ túwɔ́ pələ ɲɔ̨nŋąąi di gɛ, di wɔ kulɔ nwoo mu laa hu, Ə gəlee kiti tee.

Korɛntə dɔlɔɔ 10:12

Yili ɓa, nui a giliŋąhiɛ yɛ gaa tɔɔni, ə gɛ a nɛlɛɛ, hvo pa too.

Lomaŋ 1:18

Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Lomaŋ 5:8

Kɛlaa, bələi Yálá ə nwɔ wɛlikɛmąąlaa lɛ la guɔ, bələ ka: Ɓɛlɔwai gu kɛ la a nɛ̨ŋɛ̨n ɉəɠə nuą, nąąlɔwai ɓə Kristə ə haa la gu mąą mɛ̨nį ɓa.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Ɉeremi 25:29

Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Lomaŋ 5:6

A tɛ̨ą, ɓɛlɔwai hvaŋą hvo kɛ la gu yəi, Yálá nwɔ yələi ə ɉəɠə ɉu ɉəliɛ, Kristə ə haa mɛ̨nį ɲɔ̨n gɛ nuą mąą mɛ̨nį ɓa.

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Lukə 15:1

Hvóló ta nįįhɔ̨nwɔ̨ kulɔ nuą da túwɔ́ pələ ɲɔ̨n gulɔ nuą, di lɛɠɛ Jesus ɓa, əgɛ, di nwoo mɛ̨n.

Samuɛlə dɔlɔɔ 15:18

Yai-Laa ə ə́ tɔɔ kɔ́ ɓa, ə mo yɛ́, yɛ kɛ yɛ́: ‹Li! Amalɛkə nuąi ŋɛ̨i a nɛ̨ŋɛ̨n ɉəɠə nuą, ə́ gəlee paa kpɔ tɛ̨ɛ̨tɛ̨ɛ̨, hvo húlu maa hɛn nɔpee ta lɛɛ.›

Gɛlaɠaa 27:31

Polə yɛ ɉolahi nwun dɔ̨nɔ̨ nąmu da nwɔ holahiɠaa diɛ: «Gələn ɉiɛ nuąi ŋɛ̨i da wala lɛɛ gələn ɉu, ká nwun hva kulɔ ɉu.»

Timote dɔlɔɔ 1:9

'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Zĩi 5:6

Káá kiti kala nuą diɛ, káá tələnmomun baa, hva mąąkɔ̨nwɔ̨ ká yəi.