Piɛrə dɔlɔɔ 4:13 - Yálá laawoo hɛɓɛ (dc)

¹³ Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Yálá laawoo hɛɓɛ

¹³ Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Bible

¹³ Kɛ́lɛ, ka lii-nɛ̃ɛ kùla yɛ̂ɛ berei ka Kôrai è mɛni-solii sɔlɔ ƃo lai, a gɛɛ káa máŋ ka lii-nɛ̃ɛ kúla lii-laa é kɛ́ káyêei tãi ŋɔfólo-laai a lɛ́ lai.

Piɛrə dɔlɔɔ 4:13 Referans Kwoze

Lomaŋ 8:17

Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Lomaŋ 5:3

Yili pulu, mɔ̨nɔ̨ɠaai laai guɔ, gu kwəi a nɛ̨ɛ̨ ɉu. Mąąhɔlɔɓo, gu gɔlɔn guɔ mɔ̨nɔ̨ mį́ɛ hu ɓə, liikpələ kaa laa.

Filipə 3:10

Mɛ̨nįi kpɔ gaa laa, ya ɓaa: Yaa gɔlɔn mɛ̨nį, ɛlɛɛ, ɉuwalawalai gulɔ haa yəi, da nwɔ mɔ̨nɔ̨i ta mįi mɛ̨nį, yɛ́ kɛi yɛ, yaa, ɉaa mɛ̨nį hu;

Korɛntə veelɛ 1:7

Ɛlɛɛ, mɛ̨nįi ku ɲɛ̨i kaa dɔwɔ a nwalawalaa, yɛ hvilɛn na ka mąą mɛ̨nį ɓa, ya ka: Ku kili kaa ɉu kuɔ, ku wɔɔ mɔ̨nɔ̨ɠaai ta mįi ka káá moi, bələ lɔ ɓə ka káá pai ku wɔ liilaa ta hɔlɔɓoi la.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Korɛntə veelɛ 4:10

A yələ kəlee, mɔ̨nɔ̨ɠaa Jesus ə mįi, ku kaa di mįi ku kɔlɔ hu, ɲɛ̨n deei hvo kɛ mą, ə gɛ, Jesus ŋą yɛnɛ̨ɛ̨ yɛ pɛli tooi pono ŋą ku kɔ́lɔ hu.

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Gɛlaɠaa 16:25

Kwii hąą ɓɛlaɓoi lɔwai, Polə da Silasə di kɛi Yálá hvɛli, diɛ Yálá mąątɛ̨nɛ̨ wələ too, gaho nąmįną yiiɠaa ti diɛ di woo mɛ̨n.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Maafîu 25:23

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu gáá pai gáá pai ə́ heei mɛ̨nį kɛnɛ̨ɛ̨ nwun na; pa ə́ hee gwɛ́lɛ kwəinɛ̨ɛ̨ hu.›

Maafîu 25:21

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

Lukə 17:30

Bələ kpɔlɔɔ ɓə gaa pai kɛi la a Nu Lon pa hvóló.

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Lomaŋ 8:18

Ŋą́ gɔlɔn gɛ́ diɛ: Mąąwiɛlaai gaa gu mąą kpɔn ɉi, gɛnɛ̨ɛi dɛɛ mɔ̨nɔ̨i gu kaa mįi yiihu mą.

Korɛntə veelɛ 1:5

Gbala ə tɔɔ, bələi lɔ gwa mɔ̨nɔ̨ mįi la kɛnɛ̨ Kristə mąą mɛ̨nį hu, bələ lɔ ɓə, Kristə haalai, gu wɔɔ liilaa hu a kɛnɛ̨ la.

Piɛrə dɔlɔɔ 2:21

Yaan, yili ɓə di ká təli mą, mąąhɔlɔɓo, Kristə yaa kpɛlimąn, ə mɔ̨nɔ̨ mįi ká mąą mɛ̨nį ɓa, ə kɛ, a ká wɔ yɛnɛ̨ɛ̨ kɛ pələ gɔɔnmąą, káá hvilɛn na bɔɔ ɲą:

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,